1 Timote 1:4 - Ku̍o̍ Delee 1999

⁴ Sèàɛ̍ u̍h wlùh, se̍o̍nɛ-ɛ sà-a ke baaᵻá baaᵻ slè-ɛ se̍ siee la̍ kɔn laa̍, u̍h bɔ̌ i̍h we̍ fòè-ɛ. Dɛ̍nu̍ɛ, Nyɔsoa-a di̍i̍chì à juo-a dě wlùh gbaɛ di̍i̍-ɛ, ɛ̍ ke i̍h se̍ wìè due gba̍. Jɛ i̍h blě wɔ̍ɔ̍n i̍ sà-a sǔh.

1 Timote 1:4 Iomraidhean Croise

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

Ɛfɛsɔ 3:2

Ǐn juo ɛ̍-ɛ mɔ̀ wɔ̌n i̍h wɛ̀, Nyɔsoa-a blɛ nɛ-ɛ bo ɛ̀ nu̍ ɛ̍ wɛ̀ ɔ̍ nyǐ ǐn dbo̍ la iě ɛ̍ nu̍ dǒ mɔ̀ we̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

1 Timote 4:7

Se̍ Nyɔsoa dɛ-ɛ nɛ ke se̍o̍nɛ laa̍ sà dě i̍h we̍ dounᵻ. Jɛ toe àn chɛ̀ Nyɔsoa dɛ.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

1 Timote 6:20

Timote, dɛ̍ Nyɔsoa po̍-a dě ìn kwa̍a̍-ɛ, nu̍ ɛ̍ sɛ̍sɛ̍. Pàɔ̀n tmɔ̌-ɛ ɛ̀ se̍-a Nyɔsoa dɛ i̍ bǎ-ɛ, sà ɛ̍ sɔ̍n di̍i̍. U̍h-a tie̍u̍n sɔ̀ìn laa̍ u̍h-a dǎɛ-a tɔɔ-ɛ, sà i̍h sɔ̍n di̍i̍.

2 Timote 2:14

Sǐ-i àn nyɔ̍ɔ ìh la wlì i̍, ìè u̍h-a dounᵻ chlì dǒ Nyɔsoa jǔ. U̍h bɔ̌ wlu̍ kɛ̍n i̍ tòlo dɛ nu̍-ɛ. Ɛ̍-ɛ po̍-o nyɔ̍ dɛ̍. Nɛ̀ nyɔ̍ po̍-a i̍h dounᵻ we̍-ɛ, ɛ̍ nyni i̍ u̍h-a dlǔ jii̍.

2 Timote 2:22

Sà gbale̍e̍ gbǎ nyɔ̍-a wlùh dɛ̍ᵻ sɔ̍n di̍i̍. Jɛ i̍-i slɛ̌-ɛ ke, wlùh gbaɛ ke, jbɛɛ ke wlùh-a i̍ tè-ɛa chììn ìè po̍ dǒ nyɔ̍ ùh-a dǎ-a Joi dǒ wlùh wlǎ we̍-ɛ pùn.

2 Timote 2:23

Nɛ̀ ìn sà sa̍a̍sa̍ ke bo-o tòlo-ɛ sɔ̍n di̍i̍. Àn chɛ̀ juo ɛ̍-ɛ, wɔ̍ɔ̍n i̍ sà-a bo ɛ̀ bɔ̌ɛ dě i̍h mlǎ-i.

2 Timote 4:4

U̍h-a mu̍ i̍ bǐi u̍h iě tìh-a taǐn dounᵻ we̍ sà, wɛ̀ u̍h iě se̍o̍nɛ dounᵻ we̍ po̍.

Taitɔ 1:1

Mɔ̍ Pɔɔ, ɔ̀ nu̍-a Nyɔsoa-a pòi̍ju ke Jusu Klai-a gba̍tòà-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa kàn m iě ɔ̍ chèɛ̀ tba̍ nyɔ̍-a wlùh gbaɛ-ɛ dǒ nya̍ na-ɛ, wɛ̀ tìh-a taǐn ɛ̀ tba̍-a dǒ Nyɔsoa dɛ pùn i̍-ɛ, u̍h iě ɛ̍ tɔɔ blě.

Taitɔ 1:14

Pò ɛ̍ nɛ laan-ɛ, nɛ̀ u̍h se̍ Juu nyɔ̍-a se̍o̍nɛ ke, tìh-a taǐn chla tba̍ nyɔ̍-a telě-e dǔ mu̍ dɛ.

Taitɔ 3:9

Jɛ bo-o tòlo-ɛ ke, baaᵻá baaᵻ slè-ɛ ke, dlǔ gbǎnᵻ i̍ bla̍-a ke, telě tìh i̍ chɛ̀-ɛ laa̍, mɔ̀ sà i̍h sɔ̍n di̍i̍. Dɛ̍nu̍ɛ, pɔ̀ɔ̍pìe̍ dɛ̍ᵻ bo, i̍h-i po̍-o nyɔ̍ dɛ̍.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.

2 Pitɛ 1:16

À Joi Jusu Klai-a ji̍-ɛ ɛ̀ mu̍-a gbǐh kɛ̍n nɛ-ɛ, ɛ̍ se̍ u̍h la̍a̍ à se̍ mɔ̀ wlùh sèàɛ̍, jɛ à chɛ̀ gba̍ jlǐhɛ̍ iě à jě ɔ̍ gbǐh laa̍.