1 Timote 1:3 - Ku̍o̍ Delee 1999

³ Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

1 Timote 1:3 Iomraidhean Croise

Nu̍-dɛ̍ᵻ 18:19

U̍h nyni̍-a Ɛfɛsɔ-ɛ, dǒ Pɔɔ si̍e̍ Plisela ke Akwela. Wɛ̀ ɔ̍ mu̍ dě Juu nyɔ̍-a wɛɛ sà gbò sɔ̀n, iě ɔ̍ ke u̍h-a sà wɔ̍ɔ̍n i̍.

Nu̍-dɛ̍ᵻ 18:21

Ɛ̍ kɔn ɔ̍ po̍ wlu̍ tɔ̀ma̍a̍ iě ɔ̍ dǔ mu̍-ɛ, ɔ̍ la̍a̍, “Pò Nyɔsoa wɔ̌n-ɛ, nɛ̀ ǎn mu̍ de̍ka ji̍.” Wɛ̀ ɔ̍ gbǎ blǎgbè di̍i̍ ɔ̍ sɔ Ɛfɛsɔ.

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Felepai 2:24

Ǐn tè Joi wlì ǎn chɛ̀ iě dě mɔ̀ we̍ ji̍ ke suei̍.

1 Timote 4:11

Poe i̍h nyɔ̍ slǔh ìè i̍h nǎ poe.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

1 Timote 5:7

Poe u̍h ìh la slǔh wɛ̀ nyɔ̍-ɔ je̍e u̍h-a nynɛ̌ kɔ̌-ɛ.

1 Timote 6:10

Dɛ̍nu̍ɛ, wlǐ-i jbɛɛ bo ɛ̀ nu̍ dɛ̍ᵻ sɔ̀nᵻ kli̍hgbɛ̍-a maa. Wlǐ dɛ-a jàjà nu̍ ɛ̍ iě nyɔ̍ duuh tǎli Nyɔsoa wlùh gbaɛ tìh i̍, wɛ̀ u̍h ja u̍h-a chɛ̀ wlùh-a dě de̍ i̍ gbǎ-a dɔu we̍.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

1 Timote 6:3

Nyɔ̍ jɔ ɔ̀ kɔn nǎ po̍-ɛa mu̍-a dǒ dɔɔ̌ nɛ, wɛ̀ ɛ̍ ke à Joi Jusu Klai-a wlu̍ chɛ̀ ke, à nàɛ̀ Nyɔsoa dɛ-a nǎ po̍-ɛ se̍-a wìè due gba̍ mu̍-ɛ,

2 Timote 1:18

Nɛ̀ ǎn sà nǐ wɔ̍n Joi iě ɔ̍ wɔɛ jě dǒ bɔ̌ɛ-o weɛ̍ laa̍ di̍i̍. Àn chɛ̀ juo i̍h ke te̍kle̍e̍, ka ɔ̍ nu̍-a ǐn sɔ̍nᵻ we̍ i̍ naɛ-ɛ dě Ɛfɛsɔ wlɔ̀ di̍i̍-ɛ.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:20

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Nynɔ̌ la ɔ̀ kɔn nynɛ̌ nu̍-a Jɛsebeɔ-ɛ, ɔ̍ bo ɔ̀ dǎɛ-a ɔ̍ chɛ̀ Nyɔsoa-a tu̍owli po̍ nyɔ̍. Ɔ̍ po̍ ǎn pòi̍nynuu̍ nǎ ɔ̍ boe u̍h i̍ iě u̍h-a nu̍ gbǎn u̍h-a di̍ di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ. Wɛ̀ mɔ̀ se̍ ɔ̍ bɔ̌ i̍ po̍ dǒ i̍h we̍.