1 Timote 1:1 - Ku̍o̍ Delee 1999

¹ Wlu̍ la ɛ̍ sɔ nɔ̌ mɔ̍ Pɔɔ ɔ̀ nu̍-a Jusu Klai-a gba̍tòà-a we̍. Nyɔsoa ɔ̀ sèìe-a àɔ̀-ɛ ke Jusu Klai à kɔ̍-a wlùh i̍-ɛ, dǒ u̍h-a wlu̍ kɛ̍n bo ǐn nui gba̍tòà.

1 Timote 1:1 Iomraidhean Croise

Pɔ̀n Chɛ̀ Luu To-a La 1:47

Ǎn nmɔ-ɛ dǒ ǎn Nyɔsoa ɔ̀ nu̍-a ǎn Sèìe Nyɔ̍-ɛ we̍.

Pɔ̀n Chɛ̀ Luu To-a La 2:11

Mɔ̀-a Sèìe Nyɔ̍ Klai ɔ̀ nu̍-a Joi-ɛ, ɔ̍-ɔ bo ɔ̀ wlǔh sèàn dǒ Depe blǐ wlɔ̀.

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

1 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě ɔ̍ dǎ m iě Jusu Klai-a gba̍tòà nu̍. Nɔ̌ ǐn ke à de̍di̍i̍ Sɔtɛni we̍ bo chlǐh-dɛ̍ la ɛ̍ sɔ-ɔ.

1 Kɔwlɛntiɔn 9:17

Pò ǐn ja dbo̍ la nu̍ dǒ ǎn chɛ̀ blǐ paǐ-ɛ, nɛ̀ ǎn mu̍ pɛ̌ɛ la jě tìh gbàɛ̀. Jɛ pò ǐn se̍ ɛ̍ dǒ ǐn blǐ paǐ sà-ɛ, nɛ̀ ɛ̍ tèè ǐn kwa̍ iě ɛ̍ nu̍ dɛbo.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

Kelesea 1:1

Mɔ̍ Pɔɔ, mɔ̍ Klai-a gba̍tòà. Jɛ nyi̍ɔ̍ se̍ ɛ̍ ǐn we̍i̍ nu̍, iě ɛ̍ wɔ̍ se̍ dě nyi̍ɔ̍ we̍ sɔ-ɛ ke. Jɛ ɛ̍ sɔ-ɛ dě Jusu Klai we̍, ɛ̍ ke Baa Nyɔsoa jɔ sà ɔ̍-eɛ ke.

Kelesea 1:11

Ǐn de̍di̍i̍ᵻ, bɔ̌ ǐn sèàɛ̍ mɔ̀ wlùh, pɔ̀n chɛ̀ la ǎn bla̍-a ka-ɛ, ɛ̍ se̍ dě wlɔ̀ nyi̍ɔ̍ we̍ sɔ-ɛ.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

1 Timote 1:12

Ǐn po̍ à Joi Jusu Klai tlɔ̌, dɛ̍nu̍ɛ, ɔ̍ wlǎ ǐn wlùh dlǔ i̍ iě ɔ̍ tba̍ ǐn chèɛ̀. Wɛ̀ ɔ̍ nyǐ ǐn gbǐh iě ɔ̍ dbo̍ nu̍.

1 Timote 2:3

Ɛ̍ bo ɛ̀ nmɔ jii̍, wɛ̀ Nyɔsoa ɔ̀ sèìe àɔ̀-ɛ, iě ɛ̍ tè-e ɔ̍ wlùh i̍.

1 Timote 2:7

Ɛ̍ tìh bo Nyɔsoa tba̍ ǐn chèɛ̀ iě tìh bla̍ nyɔ̍ ke gba̍tòà nu̍. Wɛ̀ ǐn nu̍ ùh se̍-a Juu nyɔ̍-ɛ nǎ po̍ nyɔ̍ dǒ wlùh gbaɛ ke tìh-a taǐn we̍. (Tìh-a taǐn bo ǎn sà-a, ǐn se̍ si̍h tmɔ̌.)

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

Taitɔ 1:3

Dǒ ti̍ Nyɔsoa tba̍-ɛ di̍i̍ bo ɔ̍ sà-ɛ tɔ̀ma̍a̍ wlu̍-a chɛ̀ tà dě tu̍owli po̍-ɛ ɔ̍ nyǐ-a m-ɛ di̍i̍. Nyɔsoa ɔ̀ nu̍-a à Sèìe Nyɔ̍-ɛ, ɔ̍ bo ɔ̀ po̍ ǐn slǔh iě tu̍owli laa̍ po̍.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Taitɔ 3:4

Jɛ Nyɔsoa ɔ̀ nu̍-a à Sèìe Nyɔ̍-ɛ, ti̍ ɔ̍ gblɛ̍n-ɛ nmɔ-ɛ ke nyɔ̍-ɔ jbɛɛ-ɛ wlǔh-a tà-ɛ,

Taitɔ 3:6

Sùù laa̍ bo ɔ̍ jaɛ dě à Sèìe Nyɔ̍ Jusu Klai ja̍a̍, iě ɔ̍ chɛ̌li ɛ̍ dɔu dǒ àɔ̀ kɛ̍n.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

Judi 1:25

Nyɔsoa nɛ due gbài̍ bo ɔ̀ nu̍ à Sèìe Nyɔ̍. Dǒ ɔ̍ we̍ bo tìh-a i̍ bɛ̌-ɛ ke, baajiɔ̍ dɛ ke, kmu-ɛ ke tùn blě-ɛ kɔn sɔ dě tɔ̀blɔ̍ɔ̍, ɛ̍ ke kaka ke nɔ̌ kmɔ̌-a kmɔ̌ dě à Joi Jusu Klai ja̍a̍. Kǎ ɛ̍-ɛ nɛ.