1 Pitɛ 1:3 - Ku̍o̍ Delee 1999

³ Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 1:3 Iomraidhean Croise

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 8:11

Nyɔsoa ɔ̀ sà-e Jusu-ɛ, ka ɔ̍ Sùù nɛ-a dě mɔ̀ ja̍a̍-ɛ, nɛ̀ ɔ̍-ɔ due sà-e Jusu Klai-ɛ, ɔ̍ mu̍ ɔ̍ Sùù ɛ̀ nɛ-a dě mɔ̀ ja̍a̍-ɛ jii wɛ̀ ɔ̍ iě mɔ̀-a ku̍ ɛ̀ mu̍-a mɛ̌-ɛɛ kmɔ̌ nɛ-ɛ ke.

Wloma 8:24

Dɛ̍nu̍ɛ, à kɔ̍ dɛ̍ wlùh i̍, ɛ̍ bo ɛ̀ sèìe àɔ̀. Dɛ̍ nyɔ̍ tba̍-a jlǐhɛ̍-ɛ, nɛ̀ ɛ̍ nɔ̀ɔ̍, ɛ̍ se̍ wlùh i̍ kɔ̍ dɛ̍ dɛ. Nyɔ̍we̍ mɔ̀ jě ɔ̀ tba̍ dɛ̍ jlǐhɛ̍ sasǎ wɛ̀ ɔ̍ kɔ̍ ɛ̍ wlùh i̍ ɛ?

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

1 Kɔwlɛntiɔn 15:20

Jɛ ɛ̀ nu̍-a tìh-a taǐn-ɛ, ɛ̍ nu̍ Klai wlǔh-e, ɛ̍ bo ɛ̀ nu̍ ɛ̍ wɛ̀ nyɔ̍ ùh mɛ̌-aɛ, u̍h iě-e wlǔh ke gbɔ̀gbɔ̀.

2 Kɔwlɛntiɔn 1:3

Mɔ̀ à po̍ Nyɔsoa tlɔ̌ ɔ̀ nu̍-a à Joi Jusu Klai Baa-ɛ. Ɔ̍ nu̍ wɔɛ kɔn Baa ke Nyɔsoa ɔ̀ kɔn we̍ nyɔ̍ we̍ gbǎ-a kli̍hgbɛ̍ sɔ-aɛ.

Kelesea 6:16

Dɛ̍ ǎn bla̍-aɛ, nyɔ̍ ɔ̀ mu̍-a ɛ̍ nu̍-ɛ, nɛ̀ ɔ̍ mu̍ wɔɛ jě-ɛ, wɛ̀ ɔ̍ wlùh iě i̍ tè. Mɔ̀ɔ̍ bo ùh wɔ̀ ka Eslɔɛ nyɔ̍ wɛ̀ dǒ Nyɔsoa we̍.

Ɛfɛsɔ 1:17

Nɛ̀ à Joi Jusu Klai-a Nyɔsoa ɔ̀ nu̍-a tìh-a i̍ bɛ̌-ɛ Baa-ɛ, ǎn wlu dě ɔ̍ we̍ ɔ̍ iě mɔ̀ ɔ̍ Sùù nyǐ. Wɛ̀ ɛ̍ iě mɔ̀ flɔ̍nwlùh nyǐ, ɛ̍ iě mɔ̀ Nyɔsoa toe, wɛ̀ mɔ̀ iě ɔ̍ juo.

Ɛfɛsɔ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à po̍ ɔ̍ tlɔ̌. À ke Klai-a due nɛ-ɛ bo ɛ̀ nu̍ ɛ̍ wɛ̀ ɔ̍ nyǐ à pɔ̀ìě kli̍hgbɛ̍ nɛ-a dě ja̍i̍wlɔ̀ ìh-a kui-a à wlùh gbaɛ i̍-ɛ.

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 2:4

Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

Ɛfɛsɔ 3:20

Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

1 Pitɛ 3:15

Mɔ̀ jě Klai dɛ̍ɛ̍ kleǐnklein ka ɔ̍ nu̍-a mɔ̀-a Joi-ɛ. Mɔ̀ gbàɛ̀ ti̍ kli̍hgbɛ̍ we̍ nyɔ̍ mu̍-a mɔ̀ i̍ tèle-ɛ, wɛ̀ mɔ̀ iě u̍h wlùh sèàɛ̍ dɛ̍ kɔn tìh mɔ̀ tè-a Nyɔsoa wlì-ɛ.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.

1 Pitɛ 3:5

Tɛin-ɛ, nynɔ̌gbaɔᵻ ùh gbaɛ-a Nyɔsoa wlùh wɛ̀ ùh tè-a ɔ̍ wlì-ɛ, u̍h-a jě u̍h-a kɔanᵻ dɛ̍ɛ̍, ɛ̍-ɛ bo ɛ̀ nmɔ-ɛ u̍h jii̍.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.