1 Pitɛ 1:2 - Ku̍o̍ Delee 1999

² Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 1:2 Iomraidhean Croise

Matio 24:22

Pò wǐh la i̍h se̍ dlǔ i̍ chɛ̍n-ɛ de-ɛ, nɛ̀ nyɔ̍ se̍-o tàn mu̍ de. Jɛ nyɔ̍ ùh Nyɔsoa tba̍-a chèɛ̀-ɛ, u̍h-a tìh bo ɔ̍ mu̍ wǐh la dlǔ i̍ chɛ̍n.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Pɔ̀n Chɛ̀ Maɛ To-a La 13:20

Jɛ Joi chɛ̍n wǐh la dlǔ i̍. Pò ɔ̍ se̍ la̍a̍n nu̍ de-ɛ, nɛ̀ nyɔ̍ se̍-o tàn mu̍ de. Jɛ nyɔ̍ ùh ɔ̍ tba̍-a chèɛ̀-ɛ, u̍h-a tìh bo ɔ̍ chɛ̍n wǐh la dlǔ i̍.

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Maɛ To-a La 13:27

Nɛ̀ ɔ̍ mu̍ Nyɔsoa-a ǐnchɔ̀ blǔh kàɛ̀n nɛ-a nyìɛ̍-ɛ we̍ i̍ dbo̍. Wɛ̀ ɔ̍ iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Pɔ̀n Chɛ̀ Luu To-a La 18:7

Doǒ bo Nyɔsoa-a nyɔ̍ ùh-a ba̍le-a ɔ̍ wlù ke sɔ̀n-ɛ, ɔ̍ se̍ u̍h kɛ̀n nyǐ-i mu̍ ae? Àe̍e̍ nɛ̀ ɔ̍ mu̍ tlɛ̀n dǒ u̍h sɔ̍n we̍ po̍ la̍-a ae?

Nu̍-dɛ̍ᵻ 15:18

Joi ɔ̀ sà-a ìh la tà tɛin-ɛ, ɔ̍ bo ɔ̀ bla̍ ìh la.’

Nu̍-dɛ̍ᵻ 2:23

Jusu la ɔ̍ iě-a kwlǎ sà-ɛ dě mɔ̀ we̍-ɛ, dǒ Nyɔsoa-a di̍i̍chì ke ɔ̍ tɔɔ kɛ̍n bo ɛ̍ kɔ̍ i̍. Iě mɔ̀ nu̍ ɛ̍ wɛ̀ gblɛ̍n sɔ̀ɛ̀n nyɔ̍ kɔ̍ ɔ̍ dǒ gbàɛ̍ kɛ̍n i̍ tu̍ wlì iě u̍h dbǎ ɔ̍.

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 11:2

Nyɔsoa-a nyɔ̍ ùh ɔ̍ tba̍-a chèɛ̀ se̍e̍-ɛ, u̍h bo ɔ̍ iě bɔ̌ ae? Ɛ̍ bo Nyɔsoa-a wlu̍ sà-a dǒ Ilaɛja pùn. Ka ɔ̍ nu̍-a Eslɔɛ nyɔ̍ kunǎ i̍ poe-ɛ dě Nyɔsoa we̍-ɛ, mɔ̀-ɔ se̍-a i̍h wɔ̌n ae? Ɔ̍ la̍a̍,

Wloma 11:28

Pɔ̀n chɛ̀ Juu nyɔ̍ tba̍-a chla-ɛ, ɛ̍ bo ɛ̀ nu̍ ɛ̍ iě u̍h nu̍ Nyɔsoa-a nyɛ̌-nyɔ̍ wɛ̀ ɛ̍ iě-o mɔ̀ dɛ̍ po̍. Jɛ ɛ̀ kɔ̍-a dǒ Nyɔsoa-a u̍h chèɛ̀ tba̍ dɛ̍ we̍-ɛ pùn i̍-ɛ, ɔ̍ po̍ wlu̍ tɔ̀ma̍a̍ dě u̍h baaᵻ we̍ ka ɔ̍ kma u̍h-a tìh-ɛ.

Wloma 15:16

iě Jusu Klai-a pòi̍ju nu̍ dǒ ùh se̍-a Juu nyɔ̍-ɛ we̍. Ǐn wɔ̀ slaǎ sà nyɔ̍ ɔ̀ bla̍-a Nyɔsoa-a pɔ̀n chɛ̀-ɛ. Wɛ̀ ùh se̍-a Juu nyɔ̍-ɛ u̍h iě nyǐ-dɛ̍ ɛ̀ nmɔ-a dě Nyɔsoa jlǐh i̍ iě ɔ̍ Sùù tè-a ɛ̍ pɔ̌ dǒ ɔ̍ we̍-ɛ wɔ̀.

Wloma 16:19

Nyɔ̍ kli̍hgbɛ̍ wɔ̌n mɔ̀-a nynɛ̌ wɛ̀ ka mɔ̀ gbɛ̍n-ɛa pɔ̀n chɛ̀ sɔ̍nᵻ sɔɔ̌n i̍-ɛ, sɔ ɛ̍ po̍ ǐn mɔna̍-a kaa̍. Jɛ ǎn pɔ̀n mɔ̀ iě di̍i̍ i̍ flɔn dǒ dɛ̍ chɛ̀ we̍, wɛ̀ dě mɔ̀ di̍i̍ iě i̍ gbe dǒ dɛ̍ sɔ̀n we̍.

Wloma 16:26

Kmɔ̌ sie Nyɔsoa po̍ ɔ̍ tu̍owli po̍ nyɔ̍ slǔh u̍h iě chlǐh dǒ sìle dɛ̍ la we̍. Ɛ̍ bo ɛ̀ sà-ɛ tà iě nyɔ̍ kli̍hgbɛ̍ juo i̍h, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 8:13

Pò mɔ̀ nu̍ dɛ̍ ɛ̀ gblɛ̍n sɔ̀ɛ̀n tu̍ dǎ-aɛ, nɛ̀ mɔ̀-a mu̍ mɛ̌. Jɛ pò Nyɔsoa-a Sùù nu̍ ɛ̍ wɛ̀ mɔ̀ iě gblɛ̍n sɔ̀ɛ̀n tu̍-a nu̍-dɛ̍ᵻ dbǎ-ɛ, nɛ̀ mɔ̀-a mu̍ kmɔ̌ nɛ.

Wloma 8:33

Ùh ɔ̍ tba̍-a chèɛ̀-ɛ, nyɔ̍ dɔɔ we̍ bo ɔ̀ bɛ̌ɛ u̍h tìh dlǔ po̍-ɛ ɛ? Nyɔsoa-a chɛ̀ bo ɔ̀ slè-e u̍h i̍ slɛ̌-nyɔ̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

2 Kɔwlɛntiɔn 10:5

À nu̍ ɛ̍ iě si̍h tòlo-ɛ ke kmu-u dɛ̍ᵻ kli̍hgbɛ̍ blɔ̌ nyɔ̍ blě-a ìh-a nu̍-a ɛ̍ wɛ̀ nyɔ̍-ɔ juo-a Nyɔsoa-a, wɛ̀ i̍h wɛ̀ i̍. À nu̍ ɛ̍ iě nyi̍ɔ̍-a wlùh i̍ naɛ kli̍hgbɛ̍ iě Klai-a wlùh nu̍.

2 Kɔwlɛntiɔn 13:14

Ǎn sà nǐ wɔ̍n Joi Jusu Klai-a blɛ nɛ-ɛ ke Nyɔsoa-a jbɛɛ iě mɔ̀ we̍ nɛ. Mɔ̀ kli̍hgbɛ̍ ke Nyɔsoa-a Sùù nɛ̍aɛ we̍.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

Taitɔ 1:1

Mɔ̍ Pɔɔ, ɔ̀ nu̍-a Nyɔsoa-a pòi̍ju ke Jusu Klai-a gba̍tòà-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa kàn m iě ɔ̍ chèɛ̀ tba̍ nyɔ̍-a wlùh gbaɛ-ɛ dǒ nya̍ na-ɛ, wɛ̀ tìh-a taǐn ɛ̀ tba̍-a dǒ Nyɔsoa dɛ pùn i̍-ɛ, u̍h iě ɛ̍ tɔɔ blě.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 11:28

Mose-a wlùh gbaɛ blě-ɛ bo ɛ̀ nu̍ ɛ̍ iě ɔ̍ tè Sììkɛ̍n Peě dɛ gbɔ̀, wɛ̀ ɔ̍ fùn i̍ Eslɔɛ nyɔ̍-a gbabaᵻ nymɔ̍ kɛ̍n i̍ wɛ̀ ɔ̀ gbɔ̀lɔ-a nyɔ̍-a sàǐtòò jɔ̍gbau jǔ-uɛ, ɔ̍-ɔ je̍e u̍h-a nynuu̍ dbǎ.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

1 Pitɛ 1:19

Klai ɔ̀ wɔ̀-a slaǎ sà blawɛ̌ ɛ̀ se̍-a nɛi̍ nɛ fu̍u̍-ɛ, ɔ̍ nymɔ̍ ɛ̀ gbǎ-a dɛ̍kɛ̍n-ɛ, ɛ̍ bo ɔ̍ pùhbɔ mɔ̀ kɛ̍ɛ̍n.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

2 Pitɛ 1:2

Ǎn sà nǐ wɔ̍n blɛ ke wlùh-a i̍ tè-ɛ iě kɛ̍n i̍ gboǎɛ dě mɔ̀-a Nyɔsoa ke à Joi Jusu juo-ɛ di̍i̍.

2 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě Nynɔ̌ Chɛ̀ ɔ̀ Nyɔsoa tba̍-a chèɛ̀-ɛ ke ɔ̍ nynuu̍ we̍. Ǐn jbɛɛ mɔ̀-ɔ dě tìh-a taǐn di̍i̍. Ɛ̍ se̍ ǐn nɛ due, jɛ nyɔ̍ kli̍hgbɛ̍ ùh juo-a tìh-a taǐn-ɛ, u̍h jbɛɛ mɔ̀-ɔ ke.

2 Chɔɔn 1:13

Ìn De̍di̍i̍ Nynɔ̌gbaɔ ɔ̀ Nyɔsoa tba̍-a chèɛ̀-ɛ, ɔ̍ nynuu̍ la̍ u̍h sà ìn nyinɔ̍ i̍.

Judi 1:2

Ǎn sà nǐ wɔ̍n Nyɔsoa-a wɔɛ kɔn-ɛ ke, ɔ̍ wlùh-a i̍ tè-ɛ ke jbɛɛ-ɛ iě kɛ̍n i̍ gboǎɛ dǒ mɔ̀ we̍.