1 Pitɛ 1:1 - Ku̍o̍ Delee 1999

¹ Mɔ̍ Pitɛ ɔ̀ nu̍-a Jusu Klai-a gba̍tòà-ɛ, mɔ̀ɔ̍ Nyɔsoa nyɔ̍ ùh nu̍-a kwlǎ-gbǎ-kèi̍ᵻ ùh sɛ̍-a blǔh we̍ dě Pɔntɔ ke, Kelesea ke, Kapadosia ke, Esea ke Betenia fɔɔ-ɛ, ǎn chlǐh mɔ̀ we̍.

1 Pitɛ 1:1 Iomraidhean Croise

Matio 10:2

Ɔ̍ gba̍tòà-a pùè jɔ̌ sɔɔ̌n-a chɛ̀, u̍h-a nynɛ̌ la. U̍h-a sàǐtòò nyɔ̍-a nynɛ̌ nu̍ Samo, ɔ̀ u̍h-a dǎɛ-a Pitɛ-ɛ. Ɛ̍ ke ɔ̍ de̍di̍i̍ Andlu ke. Nɛ̀ Sɛɛbedii-a nynuu̍, Chiin ke ɔ̍ de̍di̍i̍ Chɔɔn ke.

Matio 24:22

Pò wǐh la i̍h se̍ dlǔ i̍ chɛ̍n-ɛ de-ɛ, nɛ̀ nyɔ̍ se̍-o tàn mu̍ de. Jɛ nyɔ̍ ùh Nyɔsoa tba̍-a chèɛ̀-ɛ, u̍h-a tìh bo ɔ̍ mu̍ wǐh la dlǔ i̍ chɛ̍n.

Matio 4:18

Ti̍ Jusu-a naɛ-a pɛ̍nu̍ klaa nɛ-a Kaladii bloa̍ kɛ̍n-ɛ wɔ̍i̍n-ɛ, wɛ̀ ɔ̍ jě de̍di̍i̍ᵻ sɔɔ̌n. Due-a nynɛ̌ nu̍ Samo, ɔ̍ nynɛ̌ diih nu̍ Pitɛ. Wɛ̀ dɔɔ nu̍ Andlu. Ɔ̍ iě-a u̍h jě-ɛ, nɛ̀ u̍h-a po̍ sɔ̍ dǒ niɔ̍. Dɛ̍nu̍ɛ, ɛ̍ bo ɛ̀ nu̍ u̍h naɛ dbo̍ kleǐn u̍h-a nu̍.

Pɔ̀n Chɛ̀ Luu To-a La 18:7

Doǒ bo Nyɔsoa-a nyɔ̍ ùh-a ba̍le-a ɔ̍ wlù ke sɔ̀n-ɛ, ɔ̍ se̍ u̍h kɛ̀n nyǐ-i mu̍ ae? Àe̍e̍ nɛ̀ ɔ̍ mu̍ tlɛ̀n dǒ u̍h sɔ̍n we̍ po̍ la̍-a ae?

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 7:35

Iě Juu nyɔ̍-a nyɔ̍ klaaᵻá sǔh-a pu̍e̍e ɛ̍ wɔ̍ɔ̍n i̍, u̍h la̍a̍, “Nɛ̀ tà jɔ̍gbau la ɔ̍ pɔ̀n mu̍-ɛ i̍ iě à se̍ ɔ̍ jě-ɛ bɛ̌ɛ mu̍ ɛ? Dě Klii bloa̍ kɛ̍n tà Juu nyɔ̍ nɛ-aɛ, dě ɔ̍ pɔ̀n mu̍-ɛ i̍ wɛ̀ ɔ̍ iě Klii nyɔ̍ nǎ po̍ ae?

Nu̍-dɛ̍ᵻ 18:2

Dě ɔ̍ jɛɛ Juu jǔ due, ɔ̍ nynɛ̌ bo Akwela. Ɔ̍ sɔ dě Pɔntɔ fɔɔ. Nɛ̀ ɔ̍ ke ɔ̍ nynɔ̌ Plisela sɔ Etele bloa̍ kɛ̍n delebla, dɛ̍nu̍ɛ, Bloa̍ Joi Kladiɔ nu̍ Juu nyɔ̍ kli̍hgbɛ̍ i̍ iě u̍h sɔ dě Wlom wlɔ̀ di̍i̍. Pɔɔ mu̍ u̍h jě la̍-a.

Nu̍-dɛ̍ᵻ 18:23

Ɔ̍ nu̍-a ti̍ gbɔ̍ dǒ Antiɔ-ɛ, iě ɔ̍ sɔ-o. Wɛ̀ ɔ̍ ple̍ Kelesea ke Flejia bloa̍ kli̍hgbɛ̍ we̍, ɔ̍ po̍ kòà nɛ-a deě-ɛ gbǐh ku̍u̍.

Nu̍-dɛ̍ᵻ 19:10

Ɛ̀ laa̍ bo ɛ̀ mu̍ dluwe̍ dǒ sɔ̀nᵻ sɔɔ̌n di̍i̍. Sɔ ɛ̍ nu̍ ɛ̍ Juu nyɔ̍ ke ùh kli̍hgbɛ̍ se̍-a Juu nyɔ̍ ùh tǐn-a Esea fɔɔ-ɛ, iě u̍h wɔ̌n Joi-a wlu̍.

Nu̍-dɛ̍ᵻ 6:9

Jɛ wɛɛ sà gbò u̍h-a dǎɛ-a de̍e̍ i̍ flɔn nyɔ̍-a wɛɛ sà gbò-ɛ, nyɔ̍ ùh sɔ-a dě ɛ̍ sɔ̀n-ɛ, ɛ̍ bo ɛ̀ nu̍-a Juu nyɔ̍ ùh sɔ-a dǒ Saiwlein ke Ɛlesandlea wlɔ̀ di̍i̍. Ɛ̍ ke juh sɔ-a dǒ Selesia ke Esea bloa̍ kɛ̍n-ɛ, u̍hɔ̍ɔ̍ bo ùh-a tòlo Slifɛn we̍.

Nu̍-dɛ̍ᵻ 8:4

Nyɔ̍ ùh gbà-a ja̍i̍-ɛ, ìh u̍h mu̍-a i̍-ɛ, nɛ̀ kǎ u̍h-a bla̍ Nyɔsoa-a tìh ke sǔh.

1 Kɔwlɛntiɔn 16:19

Chɔchi̍h nyɔ̍ nɛ-a Esea bloa̍ kɛ̍n-ɛ, u̍h la̍ u̍h sà mɔ̀ nyinɔ̍ i̍. Akwela ke Plisela ke chɔchi̍h nɛ-a dě u̍h blǐ gbò-ɛ, u̍h la̍ u̍h sà mɔ̀ nyinɔ̍ i̍ dě Joi-a nynɛ̌ di̍i̍.

2 Kɔwlɛntiɔn 1:8

À de̍di̍i̍ᵻ, à pɔ̀n mɔ̀ iě i̍h juo ka à nu̍-a tìh jě-ɛ dě Esea bloa̍ kɛ̍n-ɛ. À jě tìh dɛ̍blɔ, ɛ̍ nu̍ ɛ̍ à se̍ i̍h juo ka à mu̍-a kmɔ̌ nɛ ke̍ de-ɛ.

Kelesea 1:2

De̍di̍i̍ᵻ kli̍hgbɛ̍ nɛ-a nɔ̌ ǐn we̍-ɛ, u̍h ke ǐn ke àɔ̀ sà chɔchi̍h nyɔ̍ nɛ-a dě Kelesea bloa̍ kɛ̍n-ɛ nyinɔ̍ i̍.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Ɛfɛsɔ 2:19

Nɛ̀ sɔ da̍a sèàn blǐ-ɛ, mɔ̀ se̍ dakɔ̍ nynuu̍ ke dihwi̍hᵻ dɛ fu̍u̍. Mɔ̀ɔ̍ blǔh nynuu̍ wɛ̀ dě Nyɔsoa-a nyɔ̍ nynɛ̌, mɔ̀ɔ̍ ɔ̍ gbò nynuu̍ wɛ̀.

2 Timote 1:15

Ìn juo ɛ̍-ɛ nyɔ̍ kli̍hgbɛ̍ nɛ-a dě Esea bloa̍ kɛ̍n-ɛ, u̍h poe ǐn kɛ̍n i̍ wɛ̀. Fekɛlɔ ke Ɔmɔchini nɛ dě u̍h-a kòo ke.

Iblu 11:13

Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.

Chiin 1:1

Mɔ̍ Chiin ɔ̀ nu̍-a Nyɔsoa ke Joi Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa nyɔ̍ kli̍hgbɛ̍ sɛ̍-a kmɔ̌ la we̍-ɛ, mɔ̍ sà mɔ̀ nyinɔ̍ i̍.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”