1 Tɛsoloniɔn 5:9 - Ku̍o̍ Delee 1999

⁹ Dɛ̍nu̍ɛ, Nyɔsoa se̍ à chèɛ̀ tba̍ ɔ̍ iě à jlu̍h-u gbǎ-ɛ, jɛ ɔ̍ iě à pǔh-i dě à Joi Jusu Klai ja̍a̍ dɛbo.

1 Tɛsoloniɔn 5:9 Iomraidhean Croise

Matio 26:24

Nyi̍ɔ̍-a Jǔ-a mu̍ mɛ̌ dǒ ka Nyɔsoa-a wlu̍ dǎ-a we̍. Jɛ nyɔ̍ ɔ̀ sà-a ɔ̍ kwlǎ-a, chlě dǒ ɔ̍ we̍. Nyɔ̍ laa̍ pò ɔ̍ se̍ wlǔh de-ɛ, nɛ̀ ɛ̍ nmɔ jii̍ de dǒ ɔ̍ we̍.”

Nu̍-dɛ̍ᵻ 1:20

“Ɛ̍ chlǐh-ɛ dě Duǐh Chlǐh-dɛ̍ di̍i̍, ɛ̍ la̍a̍, ‘Ɔ̍ gbò kɔn ɛ̍ iě flu̍h nu̍, nɛ̀ nyɔ̍ se̍ kɔn ɔ̍ iě-e tǐn.’ Ɛ̍ la̍a̍ dɛ-ɛ, ‘Nɛ̀ nyɔ̍ dɔɔ kɔn ɔ̍ iě dǒ ɔ̍ wɔ̀ɔ̀ gbǎ-ɛ.’

Nu̍-dɛ̍ᵻ 1:25

Iě gba̍tòà dbo̍ ɛ̀ Juda tǎli-a i̍ iě ɔ̍ mu̍-a tà ɔ̍ kɔn-aɛ, wɛ̀ ɔ̍ iě dǒ ɔ̍ wɔ̀ɔ̀ gbǎ-ɛ.”

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Wloma 11:30

Mɔ̀ɔ̍ ùh se̍-a Juu nyɔ̍-ɛ, mɔ̀ blaɛ Nyɔsoa wɔ̍n tɛin. Jɛ kaka la̍, Juu nyɔ̍-a ɔ̍ wɔ̍n blaɛ bo ɛ̀ nu̍ ɛ̍ wɛ̀ ɔ̍ jě mɔ̀ wɔɛ.

Wloma 11:7

Nɛ̀ kaka la̍, dɛ̍ Eslɔɛ nyɔ̍-a pɔ̀n-a i̍-ɛ, u̍h se̍ ɛ̍ jě. Jɛ ùh Nyɔsoa tba̍-a chèɛ̀-ɛ bo ùh jě ɛ̍. Juh sie-aoɛ, u̍h ku̍ dlǔ.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

1 Tɛsoloniɔn 3:3

Wɛ̀ klě jě-ɛ ɛ̀ ji̍-aɛ, ɛ̍-ɛ je̍e mɔ̀ i̍ kà. Mɔ̀-a chɛ̀ juo ka klě jě-ɛ kaɛn la ɛ̍ kɔn ɛ̍ iě-a à we̍ ji̍-ɛ.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Timote 1:16

Jɛ ɛ̍ kɔn tìh bo Nyɔsoa jě ǐn wɔɛ. Wɛ̀ ka Jusu Klai-a gbɛ̍n-a wlùh i̍ kaa̍ dǒ gblɛ̍n sɔ̀ɛ̀n nyɔ̍-a gblìmia we̍-ɛ, wɛ̀ nyɔ̍ sie-a dǒ de̍-ɛ, u̍h iě ɛ̍ dɛ̍ i̍ blaɛ dǒ ǐn pùn. Wɛ̀ u̍h iě ɔ̍ wlùh gbaɛ, nɛ̀ u̍h-a mu̍ kmɔ̌ sie feɛ blě.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.

1 Pitɛ 2:8

Nyɔsoa-a wlu̍ dɛɛ la̍a̍, “Sɔɔ̌ la bo nyɔ̍-a mu̍ gbèle wɛ̀ u̍h iě i̍ kèàɛ.” U̍h gbèle ɛ̍-ɛ, dɛ̍nu̍ɛ, u̍h se̍ wlu̍ la tìh chɛ̀ po̍. Ɛ̍-ɛ bo ɔ̍ po̍ gbɔ̀ se̍e̍ ɛ̀ iě u̍h pùn nɛ.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.