1 Tɛsoloniɔn 5:8 - Ku̍o̍ Delee 1999

⁸ Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Tɛsoloniɔn 5:8 Iomraidhean Croise

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

2 Kɔwlɛntiɔn 6:7

À tu̍owli nu̍ tìh-a taǐn, iě Nyɔsoa-a gbǐh nɛ à we̍. À i̍ slɛ̌-ɛ bo ɛ̀ nu̍ à fɔ̀n-dɛ̍ᵻ dǒ à fɔ̀n-ɛ kli̍hgbɛ̍ we̍.

Kelesea 5:5

Àɔ̀ nɔ̀ɔ̍, dɛ̍ à tè-a wlì-ɛ, ɛ̍ nu̍ Nyɔsoa-a mu̍ à i̍ slɛ̌-nyɔ̍ we̍i̍ nu̍. Ɛ̍ kɔn à fuo ɛ̍ kɛ̍ɛ̍n dǒ wlùh gbaɛ we̍ dě Nyɔsoa-a Sùù-a gbǐh di̍i̍.

Ɛfɛsɔ 6:11

Mɔ̀ pa̍ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ, wɛ̀ mɔ̀ iě Kǔ-a gblàa̍ i̍ nyna-a bɛ̌ɛ.

Ɛfɛsɔ 6:23

Ǎn sà nǐ wɔ̍n Baa Nyɔsoa ke Joi Jusu Klai iě de̍di̍i̍ᵻ kli̍hgbɛ̍ kmɔ̌-a i̍ gbe̍ɛ̍ɛn ke wlùh gbaɛ ke jbɛɛ nyǐ.

1 Tɛsoloniɔn 5:5

Mɔ̀ kli̍hgbɛ̍ mɔ̀ɔ̍ sɔ̀npli ke sɔ̀n-a nynuu̍. À se̍ wlù àe̍e̍ kwile-a nynuu̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

Iblu 6:19

Wlùh i̍ kɔ̍ dɛ̍ la bo à blě iě à ku̍ i̍ kaa̍ ka niɔ̍ mɛɛ̍ po̍ du̍a̍ iě ɛ̍ ku̍ ja̍i̍-ɛ. Jusu bo ɔ̀ nu̍ wlùh i̍ kɔ̍ dɛ̍ la. Nyɔsoa-a slaǎ sà gbò nɛ-a dě ja̍i̍wlɔ̀-ɛ, ɔ̍-ɔ bo ɔ̀ pa̍ dě ɛ̍ gbòju di̍i̍ dě ɛ̍ gbò wɔ̍i̍n po̍ jliɛ̍ de̍e̍.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.