1 Tɛsoloniɔn 5:7 - Ku̍o̍ Delee 1999

⁷ Nyɔ̍ ùh-a mɔ̌-aɛ, maɔ̍ bo u̍h-a mɔ̌. Nyɔ̍ ùh nmɔ̍-a nu̍-aɛ, maɔ̍ bo nmɔ̍-a nu̍ u̍h.

1 Tɛsoloniɔn 5:7 Iomraidhean Croise

Chɔɔn 2:10

Iě ɔ̍ la̍a̍ dě ɔ̍ we̍, “Pò ɛ̍ nɛ ka-ɛ, nɛ̀ nyɔ̍ kli̍hgbɛ̍-a ja nmɔ̍ chɛ̀ sàǐtòò, jɛ nmɔ̍ sìèè-a nyɔ̍gbei wlì wɛ̀-ɛ, iě plǒai nmɔ̍ tba̍-o dlǔ. Jɛ nɛ̀ nmɔ̍ chɛ̀ bo ìn tè i̍ te̍e̍ sǔh wɛ̀ ti̍ nɛka ae?”

Nu̍-dɛ̍ᵻ 2:15

Nyɔ̍ la ɛ̍ se̍ nmɔ̍ ɛ̀ se̍ u̍h nu̍, ka mɔ̀ dǎ-aɛ, ɛ̍ se̍ la̍a̍n nɛ. Mɔ̀ gbɛ̀n-e, sɔ̀n sɛ̀n-aɛ ɛ̍ se̍-o wlè ke̍. Jɛwɛ̀ jlǔh-a gbɛ̍n dǒ nyɔ̍ pùn i̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

Ɛfɛsɔ 5:14

Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Ɛfɛsɔ 5:18

Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ, nɛ̀ ɛ̍ mu̍ mɔ̀-ɔ gbɔ̀lɔ. Jɛ Nyɔsoa-a Sùù bo ɛ̀ iě mɔ̀-ɔ i̍ jǐi.

2 Pitɛ 2:13

Ka u̍h-a nu̍-dɛ̍-a nu̍-a nyɔ̍ i̍ poa-ɛ, nɛ̀ nu̍-dɛ̍-a nyɔ̍ i̍ poa bo ɛ̀ mu̍ u̍h-a pɛ̌ɛ la̍ nu̍. Se̍i̍kɔɛn nu̍-ɛ jlǔh gbàɔ̀ kloklǒ bo u̍h-a dǎɛ kmɔ̌ nu̍-ɛ. Ɛ̍ nu̍ tɛ̀n dɛ̍-ɛ wɛ̀ ɛ̍ nu̍ nyɔ̍ mlɔ̌ wɔ̍n po̍ dɛ̍, u̍h iě mɔ̀ nynɛ̌ gbǎ dǒ dɛ̍ di̍ la̍. Pò u̍h ja mɔ̀ i̍ boe-ɛ, nɛ̀ ɛ̍ pɛ̌n-ɛ u̍h-a pɔluh i̍.