1 Tɛsoloniɔn 5:6 - Ku̍o̍ Delee 1999

⁶ Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

1 Tɛsoloniɔn 5:6 Iomraidhean Croise

Matio 13:25

Ɔ̍ wɔ̀-a klèwa̍ po̍-ɛ, nyɔ̍ kli̍hgbɛ̍-a mɔ̌ la̍-ɛ sǔh, wɛ̀ ɔ̍ nyɛ̌-nyɔ̍ mu̍ dě klè-a chɛ̀ tòloo, iě ɔ̍ tù pei jɔ̌ dě ɔ̍ kwǐ kɛnɛ̌ laa̍ nynɛ̌ we̍, wɛ̀ ɔ̍ mu̍.

Matio 24:42

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, weɛ̍ mɔ̀-a Joi-a mu̍-a ja-a, mɔ̀ se̍ ɛ̍ juo.

Matio 25:13

“Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, dɛ̍nu̍ɛ, mɔ̀ se̍ weɛ̍ ke ti̍ Joi-a mu̍-a ja-ɛ juo.”

Matio 25:5

Jɛ jɔ̍gbau kɔn nynɔ̌-a ji̍-a jla̍-ɛ, ɔ̍ se̍ ji̍ suei̍. Sɔ nynɔ̌gbaɔᵻ nynuu̍ laa̍ u̍h-a mɔ̌ɛ la̍ ja̍i̍ sǔh, iě u̍h gboǎɛ nyinɔ̍ i̍.

Matio 26:38

Wɛ̀ ɔ̍ la̍a̍ dě u̍h we̍, “Wɔɛ nɛ-a dě ǐn wlùh di̍i̍-ɛ, ɛ̍ wɛ̀la ɛ̍-ɛ dbǎ m̌. Mɔ̀ sie da̍a mɔ̀ iě ǐn de̍e̍ i̍ tè.”

Pɔ̀n Chɛ̀ Maɛ To-a La 13:37

Nɛ̀ dɛ̍ ǎn bla̍-a dě mɔ̀ we̍-ɛ, ǎn bla̍ ɛ̍ dě nyɔ̍ kli̍hgbɛ̍ we̍. Na̍a̍, mɔ̀ tù-o jlǐhɛ̍ o.”

Pɔ̀n Chɛ̀ Luu To-a La 12:37

Pòi̍nynuu̍ ùh kɔn dlǔtu ji̍-a wɛ̀ ɔ̍ se̍-a u̍h nyinɔ̍ i̍ jɛɛ-ɛ, nɛ̀ u̍h nmɔ i̍. Tìh-a taǐn ǎn sèàɛ̍ mɔ̀ wlùh, nɛ̀ ɔ̍ mu̍ ɔ̍ dɛ̍wlo̍o̍ i̍ sà chɛ̀gbɛɛ, wɛ̀ ɔ̍ iě u̍h dǒ teble̍ gbɔ̀ gba̍, ɔ̍ iě u̍h-a dɛ̍i̍ nu̍.

Pɔ̀n Chɛ̀ Luu To-a La 12:39

Jɛ dɛ̍ mɔ̀ iě-a juo-ɛ, ɛ̍ nu̍ pò gbò joi juo dɛ̍ i̍ de ti̍ jlǐ-nyɔ̍-a mu̍-a dě ɔ̍ we̍ gbò ji̍-ɛ, nɛ̀ ɔ̍ se̍ wɔ̌n mu̍ de jlǐ-nyɔ̍ iě pa̍.

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

Pɔ̀n Chɛ̀ Luu To-a La 22:46

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀-a mɔ̌ ɛ? Mɔ̀ sɔ bloɔ̍ mɔ̀ iě ba̍le, wɛ̀ mɔ̀-ɔ je̍e blu̍ja̍a̍ gbǎ.”

Nu̍-dɛ̍ᵻ 20:31

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍. Mɔ̀ nu̍ wlùh, dǒ sɔ̀nᵻ ta̍a̍n di̍i̍ kǎ ǎn sàɛ̀ jua̍i̍ sǔh iě ǎn po̍ mɔ̀-a due due nǎ wlù ke sɔ̀n.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

1 Kɔwlɛntiɔn 16:13

Mɔ̀ tù mɔ̀-a chɛ̀ jlǐhɛ̍ mɔ̀ iě-a klì i̍ ku̍ dǒ wlùh gbaɛ blě-ɛ we̍. Mɔ̀ bɛ̌ wlì i̍ mɔ̀ iě kmu.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Ɛfɛsɔ 5:14

Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Felepai 4:5

Mɔ̀-a gba̍n gbɛ̍n-ɛ bo ɛ̀ iě mɔ̀-a sàànsi̍i̍h nu̍ dǒ nyɔ̍ kli̍hgbɛ̍ we̍. Joi nɛ à i̍ wɛ̀.

Kalase 4:2

Mɔ̀ bɔ̌ ba̍le-ɛa plǔh nu̍-ɛ, nɛ̀ mɔ̀ sà nyinɔ̍ jlǐh mɔ̀ iě Nyɔsoa tlɔ̌ po̍ dǒ ba̍le la̍.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

1 Tɛsoloniɔn 5:10

Ɔ̍ mɛ̌-ɛ dǒ à tàà, pò à nɛ kmɔ̌ àe̍e̍ à mɛ̌-ɛ, wɛ̀ ɔ̍ ke à iě tàdùè tǐn.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Timote 2:15

Jɛ nynɔ̌gbaɔ ɔ̀ mu̍-a wlùh gbaɛ ke, nyɔ̍ tìh kma-a ke, Nyɔsoa wlùh kwlǎ sà-ɛ dɛ kɛ̍n sie dǒ tìh i̍ ple̍-ɛ we̍-ɛ, nɛ̀ ɔ̍ mu̍ pǔh dǒ ɔ̍ gbàɔ̀n sà la̍.

1 Timote 2:9

Nɛ̀ ǎn pɔ̀n nynɔ̌gbaɔᵻ iě dɛ̍-ɛ pa̍ ka̍ juo. U̍h bɔ̌ nyɔ̍-a jlǐh gbɛ̍n-ɛ dǒ mǐ dba̍-a ke, kòo̍ ke, dɔ̍-po̍-dɛ̍ᵻ ke, jlii̍ ìh kɔn wlǐ tìè-a i̍-ɛ we̍.

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

1 Timote 3:2

Nɛ̀ fààmlà bɔ̌ mlɔ̌ dɛ̍ᵻ nu̍-ɛ. Ɔ̍ kɔn ɔ̍ iě nynɔ̌ due gbài̍ blě. Nɛ̀ ɔ̍ tù ɔ̍ chɛ̀ jlǐhɛ̍, ɔ̍ iě dlǔ kɔn. Ɔ̍ jě ɔ̍ chɛ̀ dɛ̍ɛ̍, ɔ̍ iě nyɔ̍ wlì gbà. Ɔ̍ kɔn ɔ̍ iě nyɔ̍ nǎ po̍-ɛ bɛ̌ɛ.

2 Timote 4:5

Jɛ mɔ̀ɔ̍, tù àn chɛ̀ tɔ̀ɔ̀n dǒ dɛ̍ᵻ kli̍hgbɛ̍ we̍. Ku̍-e klì i̍ dǒ jua̍i̍ sàɛ̀ la̍. Nu̍ àn pɔ̀n chɛ̀ bla̍ dbo̍, nɛ̀ ìn nu̍ ɛ̍ sɔ̍nᵻ ka ìn nu̍-a Nyɔsoa-a pòi̍ju-ɛ.

Taitɔ 2:12

Iě ɛ̍ toe àɔ̀ dɛ̍, à iě se̍ Nyɔsoa dɛ-ɛ nɛ ke kmɔ̌-a pɔ̀n-dɛ̍ᵻ sɔ̍n we̍ sà. Wɛ̀ à iě à chɛ̀ i̍ gbɛ̍n, à iě i̍ slɛ̌, wɛ̀ à iě Nyɔsoa dɛ-ɛ nɛ da̍a kmɔ̌ la we̍.

Taitɔ 2:6

Kǎ ìè nynuu̍gbèè wɔ̍i̍n gbɛ̍n-ɛ nu̍ ke, u̍h iě u̍h-a chɛ̀ i̍ gbɛ̍n.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

Wlɛfeleseɔn 16:15

Klai la̍a̍, “Ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Jɛ nyɔ̍ ɔ̀ mu̍-a nyinɔ̍ jlǐh i̍ ku̍ wɛ̀ ɔ̍ iě-a ɔ̍ pa̍-dɛ̍ jlǐhɛ̍ tù-ɛ, nɛ̀ ɔ̍ se̍ gbaǎn chɛn mu̍ tɛ̀n iě ɔ̍ nu̍, nɛ̀ ɔ̍ nmɔ i̍.”

Wlɛfeleseɔn 3:2

Mɔ̀ sɔ bloɔ̍ mɔ̀ iě dɛ̍ ɛ̀ sie-aoɛ gbǐh we̍ po̍ duedɛ wɛ̀ ɛ̍-ɛ je̍e mɛ̌. Dɛ̍nu̍ɛ, nɛ̌ se̍a mɔ̀-a nu̍-dɛ̍ᵻá gblɛ̍ja̍i̍ wɛ̀ naɛ jě dǒ ǎn Nyɔsoa jlǐhwai.