1 Tɛsoloniɔn 5:4 - Ku̍o̍ Delee 1999

⁴ Jɛ à de̍di̍i̍ᵻ, mɔ̀ɔ̍ nɔ̀ɔ̍, mɔ̀ se̍ dě kwile-e nɛ. Weɛ̍ laa̍ ɛ̍ bɔ̌ mɔ̀ i̍ kèle-ɛ ka jlǐ-nyɔ̍-a kèle nyɔ̍ i̍-ɛ.

1 Tɛsoloniɔn 5:4 Iomraidhean Croise

Matio 10:15

Ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, Nyɔsoa-a mu̍ Sɔdɔm ke Kɔmowla wlɔ̀ᵻ wɔɛ jě ɛ̍ iě wlɔ̀ laa̍ sìì.”

Pɔ̀n Chɛ̀ Luu To-a La 21:34

“Mɔ̀ nu̍ mɔ̀-a chɛ̀-a nɛnɛ̌, wɛ̀ peě kɛ̍n i̍ mu̍-ɛ dɔu ke, mɔ̀-a chɛ̀ nmɔ̍ wlì sìèè-ɛ ke, kmɔ̌-a sèò la mɔ̀-ɔ je̍e i̍h we̍ maɛ wɛ̀ weɛ̍ Nyi̍ɔ̍-a Jǔ-a mu̍-a ja-ɛ, ɛ̍-ɛ je̍e mɔ̀ kɛ̍n kèè, wɛ̀ ɛ̍-ɛ je̍e mɔ̀ gbɛ̍n.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

1 Tɛsoloniɔn 5:2

Dɛ̍nu̍ɛ, mɔ̀-a chɛ̀ juo ɛ̍ gbàkla̍a̍, ka jlǐ-nyɔ̍-a nu̍-a ji̍-ɛ maɔ̍-ɛ, kǎ Joi-a ji̍-i weɛ̍-a mu̍ nɛ ke.

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

1 Chɔɔn 2:8

Jɛ telě delee bo ǎn chlǐh la̍ mɔ̀ we̍ ɛ̀ mɔ̀ ke Klai to-a ka ɛ̍ nu̍-a gblangbai̍-ɛ. Dɛ̍nu̍ɛ, kwile-a sì la̍-ɛ, iě sɔ̀npli-a gblangbai̍-a fa̍n la̍.

Wlɛfeleseɔn 16:15

Klai la̍a̍, “Ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Jɛ nyɔ̍ ɔ̀ mu̍-a nyinɔ̍ jlǐh i̍ ku̍ wɛ̀ ɔ̍ iě-a ɔ̍ pa̍-dɛ̍ jlǐhɛ̍ tù-ɛ, nɛ̀ ɔ̍ se̍ gbaǎn chɛn mu̍ tɛ̀n iě ɔ̍ nu̍, nɛ̀ ɔ̍ nmɔ i̍.”

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.