1 Tɛsoloniɔn 5:27 - Ku̍o̍ Delee 1999

²⁷ Ǐn gbɛ̍n mɔ̀-a bu̍hᵻ i̍ dě Joi-a gbǐh di̍i̍, chlǐh-dɛ̍ la ɛ̍ iě slè-ɛ dě de̍di̍i̍ᵻ kli̍hgbɛ̍ we̍.

1 Tɛsoloniɔn 5:27 Iomraidhean Croise

Matio 26:63

Jɛ Jusu se̍ fuɛn nu̍. Wɛ̀ slaǎ sà nyɔ̍-a dlǔtu la̍a̍ dě ɔ̍ we̍, “Ji̍ ìè kmɔ̌ nɛ Nyɔsoa slɛ̀ɛ̀n pò ìn tù Chèɛ̀ Tba̍ju ɔ̀ nu̍-a Nyɔsoa-a Jǔ-ɛ, ìè à wlùh sèàɛ̍.”

Pɔ̀n Chɛ̀ Maɛ To-a La 5:7

Wɛ̀ ɔ̍ plǎn, ɔ̍ la̍a̍, “Jusu, Nyɔ̍ Wɔ̍n Sìì Nyɔsoa-a Jǔ, ka àn pɔ̀n ìè ǎn tìh nu̍ ɛ? Ǎn ba̍le m̀, po̍-e Nyɔsoa we̍ wlùh, bɔ̌ ǐn kàn gbɛ̍n-ɛ.”

Nu̍-dɛ̍ᵻ 1:15

Ɛ̍ bo u̍h nu̍ dǒ wǐh gbɔ̍ di̍i̍, iě Pitɛ nyna i̍ dě u̍h nynɛ̌ ɔ̍ iě wlu. Nyɔ̍ ùh gbèɛ̀ɛn-a dǒ tà-a chɛ̀-ɛ, u̍h wɛ̀ kmɛ due kwela sɔɔ̌n (120) nu̍-ɛ.

Nu̍-dɛ̍ᵻ 19:13

Juu nyɔ̍ duuh ùh-a mu̍-a di̍i̍h i̍ ùh-a sà-a nyɔ̍ jeědih de̍e̍ i̍-ɛ, sɔ Joi Jusu-a nynɛ̌ bo u̍h-a gba̍ jeědih-a de̍e̍ nɛ nyɔ̍ we̍. U̍h mu̍-ɛ, nɛ̀ u̍h la̍a̍, “Jeědih, Jusu kɔn tìh Pɔɔ-a bla̍-a, ǎn sèàɛ̍ ìn wlùh dǒ ɔ̍ nynɛ̌ kɛ̍n ìè dǒ jɔ̍gbau la de̍e̍ sɔ.”

Kalase 4:16

Pò chlǐh-dɛ̍ la ɛ̍ wɔ̀ slè-eɛ dě mɔ̀ we̍-ɛ, nɛ̀ mɔ̀ nu̍ ɛ̍, ɛ̍ iě slè-ɛ ke dě chɔchi̍h nɛ-a dǒ Leodesia-a we̍. Nɛ̀ chlǐh-dɛ̍ ɛ̀ mu̍-a Leodesia sɔ-ɛ, nɛ̀ mɔ̀ slè ɛ̍ ke.

1 Tɛsoloniɔn 2:11

Mɔ̀ juo ka à nu̍-a mɔ̀ sɔ̍nᵻ we̍ i̍ naɛ due due-ɛ, ka baa-a naɛ ɔ̍ nynuu̍ sɔ̍nᵻ we̍ i̍-ɛ.

2 Tɛsoloniɔn 3:14

Pò nyɔ̍-o-nyɔ̍ se̍ dɛ̍ à bla̍-a nɔ̌ chlǐh-dɛ̍ la di̍i̍-ɛ nu̍-ɛ, nɛ̀ mɔ̀ tù ɔ̍ jlǐhɛ̍, mɔ̀ iě ɔ̍ sɔ̍nᵻ i̍ sà wɛ̀ tɛ̀n iě ɔ̍ nu̍.

1 Timote 1:18

Ǎn jǔ Timote, Nyɔsoa-a tu̍owli ìh poe-a dǒ ìn pùn-ɛ, ka i̍h nu̍-a nɛ-ɛɛ, i̍h bo ǎn poe la̍ ìn slǔh ìè dǒ i̍h de̍e̍ sì. Wɛ̀ i̍h iě àn fɔ̀n-dɛ̍ᵻ chɛ̀ nu̍.

1 Timote 1:3

Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

1 Timote 5:21

Da̍a Jusu Klai ke, Nyɔsoa ke ɔ̍ ǐnchɔ̀ jlǐhwai bo ǎn chlì-i àn dounᵻ. Nu̍ slɛ̌ ǎn po̍-a ìn chèɛ̀-ɛ i̍-ɛ. Bɔ̌-e nyɔ̍ i̍ chlɛ̌-ɛ, bɔ̌ wìè fɔ̌ due sà-a.

1 Timote 5:7

Poe u̍h ìh la slǔh wɛ̀ nyɔ̍-ɔ je̍e u̍h-a nynɛ̌ kɔ̌-ɛ.

1 Timote 6:13

Nɛ̀ɛ̍, Nyɔsoa ɔ̀ nyǐ-a dɛ̍ᵻ kli̍hgbɛ̍ feɛ-ɛ ke, Jusu Klai jɔ wlu-a ɔ̍ wlùh gbaɛ blě tìh gbài̍gbài̍ dǒ Pɔntiɔ Pale jǔ-ɛ, da̍a u̍h jǔ bo ǎn po̍-e ìn slǔh.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.