1 Tɛsoloniɔn 5:23 - Ku̍o̍ Delee 1999

²³ Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

1 Tɛsoloniɔn 5:23 Iomraidhean Croise

Pɔ̀n Chɛ̀ Luu To-a La 1:46

Iě Mɛle la̍a̍, “Ǎn bɛ̌-ɛ Joi-a nynɛ̌ i̍.

Chɔɔn 17:19

U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 15:33

Nyɔsoa ɔ̀ nyǐ-a nyɔ̍ wlùh-a i̍ tè-ɛ, ǎn sà nǐ wɔ̍n ɔ̍ iě dǒ mɔ̀ kli̍hgbɛ̍ we̍ nɛ o. Kǎ ɛ̍-ɛ nɛ.

Wloma 15:5

Nyɔsoa ɔ̀ fùka-a nyɔ̍-a wlùh-ɛ ke ɔ̀ ku̍ i̍-a nyɔ̍ dě klì i̍-ɛ, ǎn sà nǐ wɔ̍n ɔ̍ iě mɔ̀ wlùh-a due nɛ-ɛ nyǐ dǒ mɔ̀-a Jusu Klai de̍e̍ gbǎ-a we̍.

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

1 Kɔwlɛntiɔn 1:2

Ǎn chlǐh ɛ̍ Nyɔsoa-a chɔchi̍h nyɔ̍ ùh nɛ-a dě Kɔwlɛn wlɔ̀ di̍i̍-ɛ we̍, ùh Jusu Klai tba̍-a chèɛ̀-ɛ. Mɔ̀ dǎ-ɛ mɔ̀ iě Nyɔsoa-a nyɔ̍ nu̍, ɛ̍ ke nyɔ̍ ùh nɛ-a tà kli̍hgbɛ̍ ùh-a dǎ-a à Joi Jusu Klai-a nynɛ̌ i̍-ɛ ke, ɔ̀ nu̍-a u̍h ke à Joi-ɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 14:33

Dɛ̍nu̍ɛ, Nyɔsoa-a pɔ̀n à dɛ̍ᵻ kli̍hgbɛ̍ iě gbain nɛ, à iě dɛ̍ᵻ nu̍ dě wlùh-a i̍ tè-ɛ di̍i̍. Kǎ ɛ̍ nɛ dě Nyɔsoa-a chɔchi̍h nyɔ̍ kli̍hgbɛ̍ nynɛ̌.

2 Kɔwlɛntiɔn 5:19

À tu̍owli nu̍ ka Nyɔsoa nu̍-a iě ɔ̍ ke nyɔ̍ kli̍hgbɛ̍ gbe̍ɛ̍ɛn-a kɛ̍n i̍ dě Klai ja̍a̍-ɛ. Nyɔsoa tǎli u̍h-a gblɛ̍n sɔ̀ɛ̀n i̍. Wɛ̀ ɔ̍ nyǐ àɔ̀ tu̍owli ka ɔ̍ ke nyɔ̍ duuh nu̍-a kɛ̍n i̍ gbe̍ɛ̍ɛn.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 4:9

Dɛ̍ᵻ mɔ̀ wɔ̌n-a iě mɔ̀ jě-a ǐn kwa̍a̍, wɛ̀ mɔ̀ cheǎn-ɛa ǐn we̍-ɛ, i̍h bo mɔ̀ iě nu̍, nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ mu̍ mɔ̀ we̍ nɛ.

Kalase 1:22

Jɛ kaka la̍ ɔ̍ Jǔ ɔ̀ mɛ̌-a dě nyi̍ɔ̍ku di̍i̍-ɛ, ɛ̍-ɛ nɛ kmɔ̌ iě Nyɔsoa ke mɔ̀-a kmɔ̌ gbe̍ɛ̍ɛn i̍ wɛ̀. Mɔ̀ wɛ̀ nɛi̍ iě mɔ̀ nɛ wlaǎwla, mɔ̀-a nu̍-dɛ̍ᵻ wɛ̀ gblɛ̍ja̍i̍ dě ɔ̍ jlǐh.

1 Tɛsoloniɔn 2:19

Ti̍ à Joi Jusu-a mu̍-a ji̍-ɛ, dɛ̍ we̍ à tè wlì ɛ̀ mu̍ à mɔna̍-a po̍ ɛ? Àe̍e̍ blawɛ̌ we̍ à mu̍ tèè dǒ ɔ̍ jǔ, wɛ̀ à iě bu̍hᵻ wlù i̍ po̍ ɛ? Ɛ̍ se̍ mɔ̀ɔ̍ ae?

1 Tɛsoloniɔn 3:11

Ǎn sà nǐ wɔ̍n, à Baa Nyɔsoa-a chɛ̀ ke à Joi Jusu iě à wìè wɔ̍n flɔn-ɛ, wɛ̀ à iě dě mɔ̀ we̍ ji̍.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 4:3

Ɛ̀ la bo ɛ̀ nu̍ Nyɔsoa-a wlùh dɛ dǒ mɔ̀ we̍. Ɔ̍ pɔ̀n mɔ̀-a kmɔ̌ iě ɔ̍ we̍ fòè-e, mɔ̀ iě gbǎn nu̍-ɛ we̍ i̍ ti̍ɛ̍ɛn.

1 Tɛsoloniɔn 5:22

Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.

2 Tɛsoloniɔn 3:16

Ǎn sà nǐ wɔ̍n Joi ɔ̀ nyǐ-a nyɔ̍ wlùh-a i̍ tè-ɛɛ, ɔ̍ chɛ̀-a gbǎ iě mɔ̀ wlùh-a i̍ tè-ɛ nyǐ ti̍ kli̍hgbɛ̍ we̍ tà kli̍hgbɛ̍. Joi nɛ mɔ̀ kli̍hgbɛ̍ we̍ o.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 2:11

Nyɔ̍ jɔ tè-ea nyɔ̍ pɔ̌ dǒ Nyɔsoa we̍-ɛ ke juh ɔ̍ tè-ea pɔ̌-ɛ, u̍h sɔ dě chɛ̌tu due i̍. Ɛ̍ kɔn Jusu se̍ tɛ̀n ple̍ ɔ̍ iě u̍h de̍di̍i̍ᵻ dǎɛ.

Iblu 4:12

Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

Chiin 1:4

Mɔ̀ nu̍ ɛ̍ mɔ̀-a dě klì i̍ ku̍-ɛ iě mɔ̀ wlɔ̀ nyni̍-i, wɛ̀ mɔ̀ iě nɛi̍ wɛ̀, mɔ̀ iě i̍ gbà, dɛ̍-ɛ je̍e mɔ̀ we̍ blu̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

2 Pitɛ 3:14

Ɛ̍ tìh-ɛ, ǎn tìh kma nyɔ̍, ka mɔ̀-a fuo-a weɛ̍ la kɛ̍ɛ̍n-ɛ, mɔ̀ fɔ̀n dɛ̍ we̍ mɔ̀-a nynɛ̌-ɛ je̍e kɔ̌, mɔ̀ɔ̍ je̍e nɛi̍ nɛ, wɛ̀ wlùh-a i̍ tè-ɛ iě dǒ ɔ̍ ke mɔ̀ nynɛ̌ nɛ.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.