1 Tɛsoloniɔn 5:22 - Ku̍o̍ Delee 1999

²² Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.

1 Tɛsoloniɔn 5:22 Iomraidhean Croise

Wloma 12:17

Pò nyɔ̍ nu̍ mɔ̀ dɛ̍ sɔ̀n pùn-ɛ, mɔ̀ bɔ̌ ɛ̍ dɛ̍ sɔ̀n gba̍a̍ sà-ɛ. Mɔ̀ fɔ̀n dɛ̍ we̍ mɔ̀ iě dɛ̍ ɛ̀ nmɔ-a dě nyɔ̍ kli̍hgbɛ̍ jlǐh i̍-ɛ nu̍.

1 Kɔwlɛntiɔn 8:13

Ɛ̍ tìh-ɛ, nmi̍ɛ̍ ǎn di̍-aɛ, pò ɛ̍ ja ǐn de̍di̍i̍ i̍ kà mu̍ dě gblɛ̍n sɔ̀ɛ̀n di̍i̍-ɛ, nɛ̀ ǐn se̍ ɛ̍ di̍ mu̍ dɛ kleǐnklein, wɛ̀ nɛ̌ je̍e ǐn de̍di̍i̍ i̍ kà dě gblɛ̍n sɔ̀ɛ̀n di̍i̍.

2 Kɔwlɛntiɔn 6:3

À se̍ pɔ̀n nyɔ̍-o-nyɔ̍ iě à dbo̍ kɛ̍ pùn jě. Ɛ̍ kɔn à fɔ̀n dɛ̍ we̍, à-a je̍e ɛ̍ nu̍ nyɔ̍-o-nyɔ̍ je̍e gbèle.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 4:12

Wɛ̀ mɔ̀ɔ̍ je̍e nyɔ̍-o-nyɔ̍ wlì tè, nɛ̀ nyɔ̍ ùh se̍-a Nyɔsoa nyɔ̍-ɛ u̍h-a mu̍ mɔ̀ dɛ̍ɛ̍ jě ke.

1 Tɛsoloniɔn 5:21

Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

Judi 1:23

Mɔ̀ flǎ nyɔ̍ duuh dě nɛ̍-ɛ, u̍h iě pǔh. Nɛ̀ mɔ̀ blě wɔɛ wlùh dǒ duuh we̍, jɛ nɛ̀ kǎ mɔ̀-a ple̍ faɔn o. U̍h-a jlii̍-a chɛ̀ ìh u̍h-a gblɛ̍n sɔ̀ɛ̀n nui-a flɛ̀n-ɛ, mɔ̀ ple̍ i̍h jǔ o.