1 Tɛsoloniɔn 5:21 - Ku̍o̍ Delee 1999

²¹ Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.

1 Tɛsoloniɔn 5:21 Iomraidhean Croise

Pɔ̀n Chɛ̀ Luu To-a La 12:57

“Dɛ̍nu̍ mɔ̀-ɔ pu̍e̍e i̍ slɛ̌ dɛ̍ nu̍ tìh dǒ mɔ̀-a chɛ̀ wlì ɛ?

Chɔɔn 15:4

Mɔ̀ nɛ dě ǐn ja̍a̍, nɛ̀ ǎn mu̍ dě mɔ̀ ja̍a̍ nɛ. Ka pò bu̍hᵻ se̍ tu̍ i̍ tbaɛ, nɛ̀ i̍h se̍-a tlo-ɛ bɛ̌ɛ-ɛ, kǎ ɛ̍ nu̍ nɛ-ɛ ke, pò mɔ̀ se̍ dě ǐn ja̍a̍ nɛ-ɛ, nɛ̀ mɔ̀ se̍ tlo-ɛ bɛ̌ɛ mu̍.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 17:11

Sɔ Juu nyɔ̍ juh nɛ-a doǒ-ɛ, u̍h nu̍ nyɔ̍ chɛ̀ ɛ̍ sìì juh nɛ-a dǒ Tɛsolonaika-a, dɛ̍nu̍ɛ, u̍h gbɛ̍n-ɛ tu̍owli laa̍ sɔ̍nᵻ sɔɔ̌n i̍. Nɛ̀ ka sɔ̀n-a sɛ̀n-aɛ, kǎ u̍h-a slè Nyɔsoa-a wlu̍ u̍h iě jě pò dɛ̍ Pɔɔ-a bla̍-aɛ, tìh-a taǐn bo kɔ̌ɔ.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

1 Kɔwlɛntiɔn 2:11

Nyɔ̍-a chɛ̀-a sùù ɛ̀ nɛ-a dě nyɔ̍ ja̍a̍-ɛ bo ɛ̀ ju̍o̍e nyɔ̍-a dɛ̍ᵻ kli̍hgbɛ̍ we̍ i̍. Nyɔ̍ dɔɔ se̍ i̍h juo. Kǎ ɛ̍ nu̍ nɛ-ɛ ke Nyɔsoa-a Sùù bo ɛ̀ ju̍o̍e Nyɔsoa-a dɛ̍ᵻ kli̍hgbɛ̍ we̍ i̍.

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Ɛfɛsɔ 5:10

Mɔ̀ fɔ̀n dɛ̍ we̍ mɔ̀ iě dɛ̍ ɛ̀ tè-ea Joi-a wlùh i̍-ɛ cheǎn.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 3:16

Dɛ̍ à iě-a nu̍-ɛ, ɛ̍ nu̍ wìè due à nɛ-a kɛ̍n se̍e̍-ɛ ɛ̍ bo à iě kɛ̍n nɛ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

1 Tɛsoloniɔn 5:22

Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.

2 Tɛsoloniɔn 2:15

Ɛ̍ tìh-ɛ, à de̍di̍i̍ᵻ, mɔ̀ ku̍-e klì i̍, mɔ̀ iě dɛ̍ᵻ à poe-a mɔ̀ nǎ dǒ à wɔ̍i̍n wlu̍ ke chlǐh-dɛ̍ we̍-ɛ i̍ gbɛ̍n.

2 Timote 1:15

Ìn juo ɛ̍-ɛ nyɔ̍ kli̍hgbɛ̍ nɛ-a dě Esea bloa̍ kɛ̍n-ɛ, u̍h poe ǐn kɛ̍n i̍ wɛ̀. Fekɛlɔ ke Ɔmɔchini nɛ dě u̍h-a kòo ke.

2 Timote 3:6

U̍h-a duuh-a pa̍ dě nynɔ̌gbaɔᵻ kɔn Nyɔsoa dɛ se̍-a kmu-ɛ blǐ gbòᵻ, ùh gblɛ̍n sɔ̀ɛ̀n-a nyɛ̌-a kɛ̍n i̍, wɛ̀ pɔ̀n-dɛ̍ᵻ sɔ̀nᵻ kaɛn kaɛn-a sàɛ̀-a u̍h-a dlǔ wìè-eɛ, wɛ̀ u̍h-a fèàɛ̀ u̍h-a wlùh.

2 Timote 4:14

Ɛlesana ɔ̀ nu̍-a bla̍-nyɔ̍-ɛ, kà ɔ̍ nu̍-a ǐn pùn-ɛ, ɛ̍ ku̍ wɔ̍n. Jɛ Nyɔsoa-a mu̍ ɔ̍ gba̍a̍ sà-ɛ dǒ ɔ̍ nu̍-dɛ̍ we̍.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 2:25

Jɛ tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n te̍e̍ wɛ̀ iě ji̍.

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.