19 Mɔ̀ bɔ̌ Nyɔsoa-a Sùù-a nɛ̍ mɔ̌-ɛɛ.
“Mɔ̀ɔ̍ la mɔ̀ ku̍ dlǔ iě mɔ̀-a pɔluh nyni wɔ̍n, wɛ̀ mɔ̀-a wɔ̌n-ɛ Nyɔsoa-a tu̍owli dounᵻ. Ɛ̀ kɔn taǐn mɔ̀ baaᵻ nu̍-a Nyɔsoa-a Sùù bu̍hᵻ i̍ tbaɛ-ɛ, ɛ̍ bo mɔ̀-a nu̍-a ke.
Pò Nyɔsoa toe nyɔ̍ ɔ̀ tè-a i̍-ɛ dɛ̍ ɔ̍ iě-e sà-ɛ, nɛ̀ jɔ wlu-a sàǐtòò-ɛ ɔ̍ nɛ tìi̍n.
Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.
Dode̍-ɛ, wlùh gbaɛ bo ɛ̀ iě gblu̍ paɔ nu̍ mɔ̀ iě dǒ de̍e̍ nɛ. Nɛ̀ ɛ̍ mu̍ kmɔ̌ nɛ wɛ̀ pò Nyɔ̍ Sɔ̀n laa̍ ɛ̍ po̍ gbòtàùᵻɛ́, wɛ̀ mɔ̀ iě i̍h mɔ̌-ɛɛ bɛ̌ɛ.
Mɔ̀ bɔ̌ Nyɔsoa-a tu̍owli wɔ̍n blaɛ-ɛ.
Sùù-a nyǐ-dɛ̍ ɛ̀ Nyɔsoa nyǐ-a m̀ dǒ ɔ̍ tu̍owli po̍ nyɔ̍-a wlu̍ kɛ̍n ti̍ chɔchi̍h-a nyɔ̍ klaaᵻ tè-a ìn sɔ̍n dlǔ-ɛ, bɔ̌ ɛ̍ gbɔ̀jlɔ̍kɔ̍ɔ̍ i̍ po̍-ɛ.
Ɛ̍ kɔn ǎn sǐ-i ìn tìh wlì i̍. Nyɔsoa-a nyǐ-dɛ̍ ɛ̀ gbǎ-a dě ìn ku̍sɔ̀n ti̍ iě-a ìn sɔ̍n dlǔ tè-ɛ, ìè ɛ̍ nɛ̍ i̍ tbà.
