1 Tɛsoloniɔn 5:15 - Ku̍o̍ Delee 1999

¹⁵ Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

1 Tɛsoloniɔn 5:15 Iomraidhean Croise

Matio 5:39

Jɛ mɔ̍ɔ, kǎ ǐn dǎ ka o, bɔ̌ nyɔ̍ gba̍a̍ sàɛ̀. Pò nyɔ̍ po̍ ìn gbǎ kèkà i̍-ɛ, nɛ̀ ìn fèàɛ̀ ɔ̍ iě kèkà sie-a dǒ de̍-ɛ gbǎ tba̍ ke.

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Nu̍-dɛ̍ᵻ 16:28

Wɛ̀ Pɔɔ plǎn, ɔ̍ la̍a̍, “Bɔ̌ àn chɛ̀ dɛ̍ pùn nu̍-ɛ, à nyɔ̍ se̍ tà mui.”

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

Wloma 14:19

Ka ɛ̍ nɛ-a ka-a, nɛ̀ dɛ̍ mu̍-a à kɛ̍n i̍ gbe̍ɛ̍ɛn-ɛ bo à iě we̍ fɔ̀n à iě nu̍. Mɔ̀ à nu̍ po̍ ìn ba̍ gbǐh ku̍u̍ ìn ba̍ po̍ ìn gbǐh ku̍u̍.

1 Kɔwlɛntiɔn 14:1

Jbɛɛ-a di̍i̍chì bo mɔ̀ iě chɛ̍n, nɛ̀ Nyɔsoa-a Sùù-a nyǐ-dɛ̍ᵻ bo mɔ̀ iě i̍ pɔ̀n chɛ̀ɛ̌chɛ̀. Jɛ nɛ̀ Nyɔsoa-a tu̍owli po̍-ɛ i̍ pɔ̀n-ɛ bo ɛ̀ iě-o sìì.

1 Kɔwlɛntiɔn 16:10

Pò Timote ji̍ dě mɔ̀ we̍-ɛ, nɛ̀ mɔ̀ gbɛ̍n-ɛ ɔ̍ sɔ̍nᵻ sɔɔ̌n i̍. Dɛ̍nu̍ɛ, Joi-a dbo̍ kɔn ba̍ ǎn nu̍-aɛ, ɛ̍-ɛ bo ɔ̍ nu̍ ke.

1 Kɔwlɛntiɔn 6:7

Pò mɔ̀-a sǔh ja sàwi̍h sì-ɛ, nɛ̀ ɛ̍ wàn-ɛ mɔ̀ i̍. Nɛ̀ mɔ̀-ɔ gbɛ̍n wlùh i̍-a chɛ̀ u̍h iě mɔ̀ dɛ̍ sɔ̀n pùn nu̍ ae? Nɛ̀ mɔ̀-ɔ gbɛ̍n wlùh i̍ u̍h iě mɔ̀ kanieǐ di̍ ae?

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Ɛfɛsɔ 5:15

Ɛ̍ tìh-ɛ, mɔ̀ tù mɔ̀-a na-a bu̍hᵻ jlǐhɛ̍. Mɔ̀ bɔ̌ na-a ka se̍ di̍i̍ flɔn nyɔ̍-ɛ, jɛ mɔ̀ na di̍i̍ i̍ flɔn dɛ.

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

1 Tɛsoloniɔn 2:12

À fùka mɔ̀-a wlùh, iě à tù mɔ̀ gbàì. Wɛ̀ à gbɛ̍n-ɛ mɔ̀ wɔ̍i̍n, mɔ̀ iě dě kmɔ̌ ɛ̀ po̍-a Nyɔsoa gbǐh-ɛ di̍i̍ nɛ. Ɔ̍ dǎ mɔ̀ mɔ̀ iě dě ɔ̍ kmɔ̌ wlu̍ i̍ kɔn-ɛ ke ɔ̍ tìh-a i̍ bɛ̌-ɛ di̍i̍ ji̍.

1 Tɛsoloniɔn 5:21

Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 2:24

Joi-a pòi̍ju se̍ kɔn ɔ̍ iě wɔ̍ɔ̍n i̍ sà nyɔ̍ nu̍. Ɔ̍ kɔn ɔ̍ iě gblɛ̍n-ɛ nmɔ dǒ nyɔ̍ kli̍hgbɛ̍ we̍. Ɔ̍ kɔn ɔ̍ iě nǎ po̍ nyɔ̍ chɛ̀ ke wlùh i̍ gbɛ̍n nyɔ̍ nu̍.

Taitɔ 3:2

U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:17

Mɔ̀ tè nyɔ̍ kli̍hgbɛ̍ ja̍. Mɔ̀ jbɛɛ mɔ̀ ba̍ᵻ Nyɔsoa nyɔ̍. Mɔ̀ jě Nyɔsoa gbiǐh, nɛ̀ mɔ̀ tè Bloa̍ Joi ja̍.

1 Pitɛ 3:9

Bɔ̌ dɛ̍ sɔ̀n-a gba̍ sà-a, bɔ̌ wlu̍ sɔ̀n-a gba̍ sà-a ke, jɛ mɔ̀ sà-ɛ u̍h nǐ wɔ̍n. Dɛ̍nu̍ɛ, ti̍ Nyɔsoa dǎ-a mɔ̀-ɛ, ɔ̍ po̍ wlu̍ tɔ̀ma̍a̍ ɔ̍ iě mɔ̀ nǐ wɔ̍n sà-ɛ.

3 Chɔɔn 1:11

Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 22:9

Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”