1 Tɛsoloniɔn 5:14 - Ku̍o̍ Delee 1999

¹⁴ À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

1 Tɛsoloniɔn 5:14 Iomraidhean Croise

Matio 12:20

Pelu̍u̍hgbau ɛ̀ klǐ-aɛ, ɔ̍ se̍ ɛ̍ chlà mu̍. Nɛ̀ nape̍ ɛ̀ po̍-a daluh ɛ̀ iě-a mɔ̌-ɛ, ɔ̍ se̍ ɛ̍ mɔ̌-ɛ mu̍. Ɛ̍ bo ɔ̍ mu̍-u nɛ te̍e̍ wɛ̀ ɔ̍ i̍ slɛ̌-ɛ iě tu̍h du̍.

Pɔ̀n Chɛ̀ Luu To-a La 22:32

Jɛ ǐn ba̍le dǒ àn tàà wɛ̀ àn wlùh gbaɛ je̍e ìn si̍h wɔ̍n po̍. Nɛ̀ pò ìn fèàɛ̀ nɔ̌ ǐn we̍ dode̍-ɛ, nɛ̀ ìn po̍ ìn de̍di̍i̍ᵻ gbǐh ku̍u̍ ke o.”

Nu̍-dɛ̍ᵻ 20:27

Dɛ̍nu̍ɛ, ti̍ ǎn toe-a mɔ̀ Nyɔsoa-a di̍i̍chì-ɛ, ǐn se̍ bu̍h de̍e̍ gbà.

Nu̍-dɛ̍ᵻ 20:31

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍. Mɔ̀ nu̍ wlùh, dǒ sɔ̀nᵻ ta̍a̍n di̍i̍ kǎ ǎn sàɛ̀ jua̍i̍ sǔh iě ǎn po̍ mɔ̀-a due due nǎ wlù ke sɔ̀n.

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

Wloma 12:1

Ɛ̍ tìh-ɛ, ǐn de̍di̍i̍ᵻ, ǐn chɛ̍n mɔ̀-a gbɛ̀n, ka Nyɔsoa jě-a àɔ̀ wɔɛ-ɛ, mɔ̀ sà mɔ̀-a chɛ̀ kwlǎ dǒ ɔ̍ we̍ wɛ̀ mɔ̀ iě slaǎ sà-ɛ dɛ̍ jɛ tè-a kmɔ̌ i̍-ɛ wɔ̀. Nɛ̀ mɔ̀ tè-eɛ pɔ̌ dǒ ɔ̍ we̍, mɔ̀-a tìh iě ɔ̍ gbǐh po̍, ɛ̍ bo ɛ̀ nu̍ mɔ̀-a wɛɛ sà-aa gblangbai̍.

Wloma 14:1

Nyɔ̍ ɔ̀ kɔn wlùh gbaɛ se̍-a i̍ ku̍ dě mɔ̀ nynɛ̌-ɛ, mɔ̀ gbà ɔ̍ wlì. Jɛ nɛ̀ mɔ̀ bɔ̌ ɔ̍ we̍ chɛ̀-ɛ ɔ̍ flɔ̍nwlùh-a tìh.

1 Kɔwlɛntiɔn 4:14

Ǐn se̍ ɛ̀ la chlǐh dě mɔ̀ we̍ iě mɔ̀ ja̍a̍i̍ po̍, jɛ ǎn chlǐh ɛ̍ iě mɔ̀ dɛ̍ toe ka mɔ̀ nu̍-a ǎn chɛ̀-a tìh kma nynuu̍-ɛ.

1 Kɔwlɛntiɔn 8:7

Jɛ ɛ̍ se̍ nyɔ̍ kli̍hgbɛ̍ ùh se̍ tɔɔ la blě. Kwɛ̍i̍n gbo̍ᵻ dɛ ju̍o̍e dě nyɔ̍ duuh jlǐh i̍ wɛ̀. Ɛ̍ kɔn pò u̍h di̍ di̍-dɛ̍ᵻ nɛ ka-aɛ, nɛ̀ u̍h jajeɛ̍ kwɛ̍i̍n gbo̍ᵻ kɔn i̍h de. Nɛ̀ ɛ̍ kǎ u̍h-a wlùh-u kaa̍. Sɔ nɛ̀ u̍h jajeɛ̍ i̍h nyni-i u̍h dě Nyɔsoa jlǐh i̍ de.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Ɛfɛsɔ 4:32

Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.

Kalase 1:28

À bla̍ ɔ̍ tìh dě nyɔ̍ kli̍hgbɛ̍ we̍. À gbòɛ̀ɛ̀ iě à po̍ u̍h nǎ dǒ flɔ̍nwlùh kli̍hgbɛ̍ we̍. Nɛ̀ ɛ̍ mu̍ kmɔ̌ nɛ u̍h iě ku̍ dě dɛ̍ɛ̍ i̍ wɔ̌n-ɛ di̍i̍ dě Klai ja̍a̍.

2 Tɛsoloniɔn 3:15

Bɔ̌ ɔ̍ ja̍ gbɛ̀n-ɛ ka àn nyɛ̌-nyɔ̍-ɛ, jɛ tù ɔ̍ slɛ̌n ka àn mu̍-a de̍di̍i̍ᵻ duuh-a tìh nu̍-ɛ.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 4:2

Wɛ̀ ìè Nyɔsoa-a tu̍owli po̍, ɛ̍ jɛ nɛ nɔɔ i̍, iě ɛ̍ jɛ se̍ nɔɔ i̍ nɛ-ɛ, nɛ̌ ɛ̍ kɛ̍ɛ̍n ìè ɛ̍ bla̍. Nɛ̀ ìn wǐi u̍h dlǔ i̍, ìè u̍h wìè-e po̍. Nɛ̀ ìn fùka u̍h-a wlùh, ìè u̍h nǎ po̍ dǒ wlùh i̍ gbɛ̍n-ɛ we̍.

Taitɔ 1:10

Dɛ̍nu̍ɛ, nyɔ̍ wɔ̍n blaɛ nyɔ̍ ke, se̍o̍nɛ-ɛ sà nyɔ̍ ke, nyɔ̍ i̍ boe nyɔ̍ dɔu nɛ-e. Juu nyɔ̍ ùh sɔ-a dě plɔ̀n gbǎ gbɔ̀ù di̍i̍ ùh ji̍-a u̍h we̍-ɛ, u̍h bo ǎn dǎ gbe̍i̍n.

Taitɔ 1:6

Chɔchi̍h-a nyɔ̍ klaa bɔ̌ kǐh bu̍hᵻ i̍ nɛ-ɛ, nɛ̀ ɔ̍ blě nynɔ̌ due gbài̍. U̍h-a nynuu̍ blě wlùh gbaɛ, u̍h bɔ̌ nynɛ̌ sɔ̀nᵻ blě nyɔ̍ ke nyɔ̍ wɔ̍n blaɛ nyɔ̍ nu̍-ɛ.

Iblu 12:12

Nɛ̀ɛ̍, mɔ̀ ku̍-e tu̍ i̍ mɔ̀ iě gbǐh ku̍u̍ po̍-eɛ.

Iblu 13:3

Nyɔ̍ ùh nɛ-a dě kasoo-ɛ, mɔ̀ naɛ u̍h-a tìh wlùh i̍ ka nyɔ̍ la̍ mɔ̀-a chɛ̀ bo ùh nɛ dě kasoo-ɛ. Nyɔ̍ ùh-a jě-a tìh-ɛ kǎ mɔ̀ iě u̍h-a tìh wlùh i̍ naɛ nu̍ ke, ka nyɔ̍ la̍ mɔ̀-a chɛ̀ bo ùh-a jě tìh-ɛ.