1 Tɛsoloniɔn 5:10 - Ku̍o̍ Delee 1999

¹⁰ Ɔ̍ mɛ̌-ɛ dǒ à tàà, pò à nɛ kmɔ̌ àe̍e̍ à mɛ̌-ɛ, wɛ̀ ɔ̍ ke à iě tàdùè tǐn.

1 Tɛsoloniɔn 5:10 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Chɔɔn 10:11

“Mɔ̍ bo ɔ̀ nu̍ blawɛ̌ᵻ we̍ i̍ gbɛ̀n nyɔ̍ chɛ̀. Blawɛ̌ᵻ we̍ i̍ gbɛ̀n nyɔ̍ chɛ̀ bo ɔ̀ sà ɔ̍ feɛ kwlǎ dǒ blawɛ̌ᵻ we̍.

Chɔɔn 10:15

Ka ǐn Baa nu̍-a ǐn juo-ɛɛ, kǎ ǐn nu̍ ɔ̍ juo-ɛ ke. Ǎn sà ǎn feɛ kwlǎ dǒ blawɛ̌ᵻ we̍.

Chɔɔn 10:17

“Ɛ̀ kɔn tìh ǐn Baa jbɛɛ-a m-ɛ, ɛ̍ nu̍, ǎn sà ǎn feɛ kwlǎ wɛ̀ ǎn dǔ ɛ̍-ɛ dode̍.

Chɔɔn 15:13

Nyɔ̍ ɔ̀ sà-a ɔ̍ feɛ kwlǎ dǒ ɔ̍ jbɛɛ nyɔ̍ we̍-ɛ, nɛ̀ jbɛɛ dɛɛ se̍ wɔ̍n ku̍ ɛ̍ se̍ ɔ̍ naɛ sìì.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

1 Kɔwlɛntiɔn 15:3

Ɛ̀ gbǎ-a dɛ̍kɛ̍n kaa̍ ǐn cheǎn-aɛ, ɛ̍-ɛ bo ǎn toe mɔ̀. Ɛ̍ nu̍ Klai mɛ̌-ɛ dǒ à gblɛ̍n sɔ̀ɛ̀n-ɛa tìh we̍, wɛ̀ ɛ̍ iě Nyɔsoa-a wlu̍ kɛ̀ǐn po̍.

2 Kɔwlɛntiɔn 5:15

Ɔ̍ mɛ̌-ɛ dǒ nyɔ̍ kli̍hgbɛ̍ we̍, wɛ̀ ùh nɛ-a kmɔ̌-ɛ, u̍h-u je̍e kmɔ̌ nɛ dɛ dǒ u̍h-a chɛ̀ we̍, jɛ u̍h iě kmɔ̌ nɛ dǒ ɔ̀ mɛ̌-a iě ɔ̀ wlǔh-ae u̍h-a tìh-ɛ we̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

1 Tɛsoloniɔn 4:15

Dɛ̍ à sà-a dě mɔ̀ we̍-ɛ, Joi-a wlu̍ bo. Àɔ̀ mu̍-a kmɔ̌ nɛ wɛ̀ Joi iě-a ji̍-ɛ, à se̍ nyɔ̍ ùh mɛ̌-aɛ jǔ mu̍ mu̍.

1 Tɛsoloniɔn 4:17

Nɛ̀ɛ̍, à nyɔ̍ ùh-a mu̍-a kmɔ̌ nɛ dǒ ti̍ laa̍ di̍i̍-ɛ, u̍h ke à mu̍ dě nǐgbanᵻ kɛ̍n gba̍-ɛ tàdùè dě ja̍u̍n wlì, à iě Joi i̍ jǎɛ. Nɛ̀ à mu̍ la̍ dǒ Joi we̍ nɛ kleǐnklein.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

2 Timote 2:11

Wlu̍ la tìh-a taǐn bo. Ɛ̍ la̍a̍, “Pò à mɛ̌-ɛ ɔ̍ we̍-ɛ, nɛ̀ à mu̍ ɔ̍ we̍ tǐn ke.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.