1 Tɛsoloniɔn 4:9 - Ku̍o̍ Delee 1999

⁹ Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Tɛsoloniɔn 4:9 Iomraidhean Croise

Matio 22:39

Nɛ̀ ɛ̀ po̍-a sɔɔ̌n-ɛ, ɛ̍ ke ɛ̍ wɔ̀ɛ-ɛ. Ɛ̍ la̍a̍, ‘Jbɛɛ ìn pònyɔ̍-ɔ ka àn chɛ̀-ɛ.’

Chɔɔn 14:26

Jɛ Nyɔsoa-a Sùù ɛ̀ naɛ-a nyɔ̍ sɔ̍nᵻ we̍ i̍-ɛ, Baa-a mu̍ ɛ̍ dbo̍ dǒ ǎn nynɛ̌ kɛ̍n, nɛ̀ ɛ̍ mu̍ mɔ̀ dɛ̍ᵻ kli̍hgbɛ̍ nǎ poe. Wɛ̀ ɛ̍ iě dɛ̍ᵻ kli̍hgbɛ̍ ǎn bla̍-a ka dě mɔ̀ we̍-ɛ dǒ mɔ̀ wlì i̍ sǐ-i.

Nu̍-dɛ̍ᵻ 4:32

Wlùh gbaɛ blě nyɔ̍ kli̍hgbɛ̍ u̍h blě-e wlùh iě u̍h-a pɔluh nɛ due. Dɛ̍-ɛ i̍ gblè nyɔ̍ se̍ dě u̍h nynɛ̌ nɛ. U̍h-a pu̍e̍e dɛ̍ᵻ kwa̍a̍ i̍ kleǐn.

Wloma 12:10

Mɔ̀ tbà mɔ̀-a we̍ jbɛɛ nɛ̍ i̍ ka mɔ̀ nu̍-a de̍di̍i̍ᵻɛ́. Mɔ̀ tù-e gbǐh mɔ̀ iě we̍ ja̍ tìèe̍.

2 Kɔwlɛntiɔn 9:1

Dɛ̍ kɔn tìh iě-a mɔ̀ we̍ chlǐh dǒ nyǐ-dɛ̍ᵻ à mu̍-a dbo̍ dě Nyɔsoa nyɔ̍ ùh nɛ-a dě Judia bloa̍ kɛ̍n-ɛ we̍-ɛ, ɛ̍ se̍ nɛ.

Felepai 3:15

Nɛ̀ɛ̍, àɔ̀ juh-a wɔ̌n-a ka dɛ̍ᵻ kli̍hgbɛ̍-ɛ i̍-ɛ, nɛ̀ sìla̍ jɛɛ-a wlùh laa̍ bo à iě blě la̍ sǔh. Jɛ pò dɛ̍ dɛɛ nu̍ ɛ̍ wɛ̀ mɔ̀ iě wlùh dɛɛ blě-ɛ, nɛ̀ Nyɔsoa-a mu̍ ɛ̍ we̍i̍ flɔn-ɛ dě mɔ̀ we̍.

1 Tɛsoloniɔn 5:1

À de̍di̍i̍ᵻ, nyɔ̍ se̍ kɔn u̍h iě mɔ̀ dɛ̍-o-dɛ̍ we̍ chlǐh dǒ ti̍ ke nɔɔ ìh la i̍h-a mu̍-a nɛ-ɛ we̍.

Iblu 10:16

“Mɔ̍ Joi bo ɔ̀ wlu-a. Ku̍o̍ la ǎn mu̍-a po̍ dě nya̍ dǒ u̍h ke ǐn ke à nynɛ̌-ɛ, ɛ̍-ɛ la. Ǎn mu̍ ǎn telě dǒ u̍h pɔluh kɛ̍n po̍, wɛ̀ iě i̍h chlǐh dǒ u̍h wlùh kɛ̍n.”

Iblu 13:1

Ka Klai nu̍-a mɔ̀ de̍di̍i̍ᵻ we̍i̍-ɛ, nɛ̀ we̍ jbɛɛ bo mɔ̀ iě dluwe̍ i̍ gba̍.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

1 Chɔɔn 2:10

Nyɔ̍ ɔ̀ jbɛɛ-a ɔ̍ de̍di̍i̍-ɛ, nɛ̀ ɔ̍-ɔ bo ɔ̀ nɛ dě sɔ̀npli di̍i̍. Nɛ̀ dɛ̍ ɛ̀ iě-a ɔ̍ blu̍ja̍a̍ po̍ dɛ-ɛ, ɛ̍ se̍ nɛ.

1 Chɔɔn 3:11

Ɛ̀ nu̍-a tu̍owli mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍, à iě we̍ jbɛɛ.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.