1 Tɛsoloniɔn 4:8 - Ku̍o̍ Delee 1999

⁸ Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.

1 Tɛsoloniɔn 4:8 Iomraidhean Croise

Pɔ̀n Chɛ̀ Luu To-a La 10:16

Jusu la̍a̍ dě ɔ̍ kòà we̍, “Nyɔ̍ ɔ̀ mu̍-a mɔ̀-a wlu̍ i̍ wɔ̌n-ɛ, nɛ̀ ǎn wlu̍ bo ɔ̍ wɔ̌n i̍. Nɛ̀ nyɔ̍ ɔ̀ mu̍-a mɔ̀ chla tba̍-aɛ, nɛ̀ mɔ̍ bo ɔ̍ tba̍ chla. Nyɔ̍ ɔ̀ tba̍-a ǐn chla-aɛ, nɛ̀ nyɔ̍ ɔ̀ dbo̍-a m-ɛ bo ɔ̍ tba̍ chla.”

Chɔɔn 12:48

Jɛ nyɔ̍ jɔ ɔ̀ tba̍-a ǐn chla sǔh wɛ̀ ɔ̀ se̍-a ǎn wlu̍ nu̍-ɛ, ɔ̍ blě dɛ̍ ɛ̀ mu̍-a ɔ̍ tìh gbɛ̍n-ɛɛ. Wlu̍ ǎn bla̍-a ka-ɛ, ɛ̍ bo ɛ̀ mu̍ ɔ̍ tìh gbɛ̍n-ɛ dǒ bɔ̌ɛ-o weɛ̍ di̍i̍.

Nu̍-dɛ̍ᵻ 13:41

‘Gbɛ̀n-e, mɔ̀ɔ̍ dɛ̍ᵻ pàwe̍i̍ po̍ nyɔ̍, mɔ̀ gbèè wlùh ja̍ mɔ̀ iě mɛ̌. Dɛ̍nu̍ɛ, dbo̍ ǎn nu̍-a da̍a mɔ̀-a ti̍ di̍i̍-ɛ, mɔ̀ se̍ ɛ̍ tìh dǎɛ mu̍. Pò nyɔ̍-a jɛ sèàɛ̍ ɛ̍ we̍ i̍ dě mɔ̀ we̍-ɛ, kadue kadue.’ ”

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

1 Kɔwlɛntiɔn 2:10

Nyɔsoa nu̍ ɛ̍ iě ɔ̍ Sùù toe i̍h àɔ̀ wɛ̀, dɛ̍nu̍ɛ, Sùù bo ɛ̀ juo dɛ̍ᵻ kli̍hgbɛ̍. Ɛ̍ juo Nyɔsoa-a wlùh dɛ̍ᵻ.

1 Kɔwlɛntiɔn 7:40

Mɔ̍ɔ, ɛ̍ tù ǎn tìh-ɛ, kǎ ɔ̍ iě sie, nɛ̀ ɔ̍ mu̍ mɔna̍-a gbǎ kaa̍. Nyɔ̍-se̍-juo ǐn blě Nyɔsoa-a Sùù.

2 Kɔwlɛntiɔn 1:22

Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.

2 Pitɛ 1:21

Dɛ̍nu̍ɛ, nyɔ̍-ɔ tè-o i̍ tèè wɛ̀ ɔ̍-ɔ po̍ Nyɔsoa-a tu̍owli, jɛ nyɔ̍ Nyɔsoa-a Sùù dǔ-a i̍-ɛ, ɔ̍-ɔ bo ɔ̀ po̍ Nyɔsoa-a tu̍owli.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

Judi 1:8

Nyɔ̍ la ùh gbǎ-a mɔ̀ nynɛ̌-ɛ, u̍h-a ja̍ᵻ ja-a bo ɛ̀ nu̍ ɛ̍ iě u̍h-a nu̍ u̍h-a chɛ̀ se̍i̍kɔɛn pùn i̍. Ɛ̍ kɔn u̍h se̍ u̍h-a chɛ̀ dǒ Nyɔsoa sɔ̀n po̍, iě u̍h chlèe ɔ̍ ǐnchɔ̀ ke.