1 Tɛsoloniɔn 4:6 - Ku̍o̍ Delee 1999

⁶ Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

1 Tɛsoloniɔn 4:6 Iomraidhean Croise

Pɔ̀n Chɛ̀ Maɛ To-a La 10:19

Ìn juo ka telě dǎ-aɛ, ɛ̍ la̍a̍, ‘Bɔ̌ nyɔ̍ gbe̍ja̍a̍ po̍-ɛ, bɔ̌ nynɛ̌à nu̍-ɛ, bɔ̌ jlǐ-ɛ, bɔ̌ nyɔ̍ si̍h i̍ tùi-ɛ, bɔ̌ nyɔ̍ kanieǐ di̍-ɛ, nɛ̀ ìn jě ìn de̍ ke ìn baa dɛ̍ɛ̍.’ ”

Pɔ̀n Chɛ̀ Luu To-a La 12:5

Jɛ nyɔ̍ mɔ̀ iě-a jǔ ple̍-ɛ, ǎn mu̍ ɔ̍ mɔ̀ toe. Nyɔsoa wɔ̀ nyɔ̍ dbǎ-aɛ, nɛ̀ ɔ̍ blě gbǐh ɔ̍ iě nyɔ̍ laa̍ dě kàn nɛ̍ di̍i̍ po̍ dɛ. Ǎn sèàɛ̍ mɔ̀ wlùh, ɔ̍ bo mɔ̀ iě jǔ ple̍.

Pɔ̀n Chɛ̀ Luu To-a La 16:28

Dɛ̍nu̍ɛ, ǐn blě de̍di̍i̍ᵻ m̀m̌, wɛ̀ ɔ̍ iě u̍h wɔ̍i̍n gbɛ̍n-ɛ u̍h-u je̍e nɔ̍ɔ̀ la ǎn jě-ea ka tìh-ɛ ji̍ ke.’

Wloma 1:18

Nyɔsoa-a jlu̍h sɔ dě ja̍i̍wlɔ̀ wɛ̀ ɛ̍ wlǔh tà nɔ̌ sɔ̀n dǒ se̍ Nyɔsoa dɛ-ɛ nɛ nyɔ̍ ke kà kɔn nyɔ̍ we̍. U̍h-a kà kɔn-ɛ nu̍ ɛ̍ wɛ̀ nyɔ̍-ɔ juo tìh-a taǐn.

Wloma 12:19

Ǎn tìh kma nyɔ̍, mɔ̀ bɔ̌ nyɔ̍ gba̍a̍ sà-ɛ, jɛ Nyɔsoa bo ɔ̀ iě u̍h jlu̍h po̍-e. Dɛ̍nu̍ɛ, Joi Nyɔsoa-a wlu̍ la̍a̍, “Ǎn mu̍ dɛ̍ sɔ̀n nu̍ nyɔ̍ gba̍a̍ sà-ɛ, ǎn mu̍ u̍h de̍ pɛ̌ɛ.”

Wloma 13:4

Ɔ̍ bo ɔ̀ nu̍ Nyɔsoa-a pòi̍ju ɔ̍ iě àn dɛ̍ chɛ̀ nu̍. Jɛ pò ìn nu̍ dɛ̍ sɔ̀n-ɛ, nɛ̀ ìn ple̍ ɔ̍ jǔ. Dɛ̍nu̍ɛ, ɔ̍ se̍ tùn laa̍ blě bu̍ɛ̍i̍. Ɔ̍ nu̍ Nyɔsoa-a pòi̍ju ɔ̍ iě dɛ̍ sɔ̀n nu̍ nyɔ̍ kàn gbɛ̍n.

2 Kɔwlɛntiɔn 7:11

Mɔ̀ jě dɛ̍ Nyɔsoa nu̍-a mɔ̀-a wlùh-a seɔn gbǎ-a, kǎ ɛ̍ tìh nu̍-a mɔ̀ i̍ gbɛ̍n-ɛ iě mɔ̀-a wlùh-a nu̍-a jàjà mɔ̀ iě-a ɛ̍ to ka mɔ̀ se̍-a dɛ̍ sɔ̀n nu̍-ɛ. Mɔ̀ gbǎ jlu̍h-u dǒ dɛ̍ ɛ̀ gbǎ-aɛ we̍, iě ɛ̍ wa̍ mɔ̀ dɛ̍ we̍. Ɛ̍ nu̍ ɛ̍ mɔ̀-a pɔ̀n ǐn jě-ɛ i̍ kaa̍. Ɛ̍ nu̍ ɛ̍ wɛ̀ mɔ̀ kma ǎn tìh, iě mɔ̀-a wlùh-a nu̍ jàjà mɔ̀ iě nyɔ̍ ɔ̀ nu̍-a dɛ̍ sɔ̀n-ɛ kàn gbɛ̍n. Mɔ̀ to ɛ̍ wɛ̀ chɛ̀ɛ̌chɛ̀ ka mɔ̀ se̍-a dɛ̍ sɔ̀n nu̍-ɛ.

Kelesea 5:21

se̍ nyɔ̍ dɔɔ-a dɛ̍ kɔn pɔ̀n ɛ̍ ke, chɛ̀ nmɔ̍ wlì sìèè-ɛ ke, sììjii̍ nu̍-ɛ peě kɛ̍n i̍ ke, iě diih nɛ-o ìh ke ìh la wɔ̀ɛ-ɛ. Ka ǐn nu̍-a mɔ̀ gbòɛ̀ɛ̀ sàǐtòò-ɛ, ɛ̍ bo ǎn nu̍ la̍ dɛ. Na̍ nyɔ̍ ùh-a nu̍-a ìh la-ɛ, u̍h se̍ fɔ̌ blě mu̍ dě Nyɔsoa-a kmɔ̌ wlu̍ i̍ kɔn-ɛ di̍i̍.

Ɛfɛsɔ 4:17

Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

1 Tɛsoloniɔn 2:11

Mɔ̀ juo ka à nu̍-a mɔ̀ sɔ̍nᵻ we̍ i̍ naɛ due due-ɛ, ka baa-a naɛ ɔ̍ nynuu̍ sɔ̍nᵻ we̍ i̍-ɛ.

2 Tɛsoloniɔn 1:8

Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

Iblu 2:6

Jɛ kǎ ɛ̍ nu̍ ka chlǐh-ɛ dě Nyɔsoa-a wlu̍ di̍i̍, ɛ̍ la̍a̍, “Nyɔsoa, dɛ̍nu̍ nyɔ̍-a sèò-a nu̍ m̀ ɛ? Dɛ̍nu̍ ìn kma nyɔ̍-a tìh ɛ?

Chiin 2:6

Jɛ mɔ̀-a blaɛ nyɔ̍gbà nyɔ̍ wɔ̍n. Ɛ̍ se̍ pàn-nyɔ̍ ùh-a se̍ mɔ̀ tìh i̍ nu̍, wɛ̀ ùh-a se̍ mɔ̀ i̍ klǎ ùh-a se̍ mɔ̀ koti̍ gba̍ ae?

Chiin 5:4

Gbɛ̀n-e, nyɔ̍ ùh nu̍-a dbo̍ dě mɔ̀ blǐ klè wɛ̀ mɔ̀ se̍-a pɛ̌ɛ-ɛ, u̍h-a fìn-i mɔ̀ dlǔ i̍. Joi Ɔ̀ Blě-a Gbǐh Kli̍hgbɛ̍-ɛ, nyɔ̍ ùh-a chɛ̍n-a mɔ̀-a klè-ɛ, u̍h-a fìn-wlu̍-a gbǎ la̍ dě ɔ̍ dounᵻ.