1 Tɛsoloniɔn 4:4 - Ku̍o̍ Delee 1999

⁴ Mɔ̀-a nyɔ̍ jɔ-ɛ, ɔ̍ kɔn ɔ̍ iě ka ɔ̍ iě-a nynɔ̌ blě-ɛ nu̍-ɛ juo. Nɛ̀ u̍h-a mu̍ kǔkɛ̍n nɛ, wɛ̀ u̍h iě dě Nyɔsoa jlǐh i̍ nmɔ.

1 Tɛsoloniɔn 4:4 Iomraidhean Croise

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 1:24

Ɛ̍ kɔn Nyɔsoa tǎli u̍h i̍ iě u̍h-a nu̍ sììjii̍ gblɛ̍n u̍h-a wlùh-a pɔ̀n-a nu̍-ɛ i̍-ɛ. U̍h-a sǔh-a nu̍-dɛ̍ᵻá sà u̍h-a chɛ̀-a nyi̍ɔ̍tu fau kɛ̍n.

Wloma 12:1

Ɛ̍ tìh-ɛ, ǐn de̍di̍i̍ᵻ, ǐn chɛ̍n mɔ̀-a gbɛ̀n, ka Nyɔsoa jě-a àɔ̀ wɔɛ-ɛ, mɔ̀ sà mɔ̀-a chɛ̀ kwlǎ dǒ ɔ̍ we̍ wɛ̀ mɔ̀ iě slaǎ sà-ɛ dɛ̍ jɛ tè-a kmɔ̌ i̍-ɛ wɔ̀. Nɛ̀ mɔ̀ tè-eɛ pɔ̌ dǒ ɔ̍ we̍, mɔ̀-a tìh iě ɔ̍ gbǐh po̍, ɛ̍ bo ɛ̀ nu̍ mɔ̀-a wɛɛ sà-aa gblangbai̍.

Wloma 6:19

Kmɔ̌ nyɔ̍-a flɔ̍nwlùh bo ǎn wlu-i da̍a, dɛ̍nu̍ɛ, mɔ̀-a gbǐh-a mɛ̌-ɛ dǒ dɛ̍ɛ̍ i̍ wɔ̌n-ɛ we̍. Ka mɔ̀ nu̍-a mɔ̀-a ku̍ kli̍hgbɛ̍ kwlǎ sà-a de dǒ sììjii̍ nu̍-ɛ ke kà kɔn-ɛ ɛ̀ gbǎ-a kɛ̍n-ɛ we̍-ɛ, kǎ mɔ̀ iě i̍h kwlǎ sà-a nu̍ ke la̍ sǔh dǒ i̍ slɛ̌-ɛ we̍ wɛ̀ mɔ̀ iě dǒ Nyɔsoa we̍ kɔn.

1 Kɔwlɛntiɔn 6:15

Mɔ̀ se̍ i̍h juo ka mɔ̀-a ku̍ ke Klai-a ku̍ nɛ-a due-ɛ ae? Nɛ̀ Klai-a ku̍ bo iě-e dǔ, wɛ̀ iě ɛ̍ kàìà nynɔ̌-a ku̍ we̍i̍ nu̍ ae? Sakǒ lě.

1 Kɔwlɛntiɔn 7:2

Jɛ gbǎn nu̍-ɛ tìè i̍. Ɛ̍ tìh jɔ̍gbau jɔ-ɛ, nɛ̀ ɔ̍ blě ɔ̍ chɛ̀-a nynɔ̌. Nɛ̀ nynɔ̌ jɔ-ɛ, ɔ̍ blě ɔ̍ chɛ̀-a kɔan ke.

1 Kɔwlɛntiɔn 7:9

Jɛ pò mɔ̀ se̍ mɔ̀-a chɛ̀ i̍ gbɛ̍n-ɛ bɛ̌ɛ-ɛ, nɛ̀ mɔ̀ tǐn gbò. Ɛ̍ mu̍ jii̍ nmɔ mɔ̀ iě gbò tǐn, ɛ̍ sìì mɔ̀-a wlùh si̍n jɔ̍gbau àe̍e̍ nynɔ̌ blě tìh.

2 Kɔwlɛntiɔn 4:7

À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

1 Pitɛ 3:7

Kɔanᵻ, kǎ mɔ̀ iě nu̍ ke, mɔ̀ ke mɔ̀-a nynɔ̌gbaɔᵻ iě wlu̍ i̍ wɔ̌ɛn, ka u̍h se̍-a kmu u̍h se̍-a mɔ̀ sìì-ɛ. Mɔ̀ tè u̍h ja̍, dɛ̍nu̍ɛ, Nyɔsoa-a kmɔ̌ sie feɛ ɔ̍ mu̍-a mɔ̀ nyǐ-ɛ, ɛ̍ kɔn dǒ u̍h we̍ ke. Kǎ mɔ̀ iě nu̍ wɛ̀ mɔ̀-a Nyɔsoa ba̍le-ɛ je̍e cha̍n we̍ gbǎ.