1 Tɛsoloniɔn 4:3 - Ku̍o̍ Delee 1999

³ Ɛ̀ la bo ɛ̀ nu̍ Nyɔsoa-a wlùh dɛ dǒ mɔ̀ we̍. Ɔ̍ pɔ̀n mɔ̀-a kmɔ̌ iě ɔ̍ we̍ fòè-e, mɔ̀ iě gbǎn nu̍-ɛ we̍ i̍ ti̍ɛ̍ɛn.

1 Tɛsoloniɔn 4:3 Iomraidhean Croise

Matio 12:50

Dɛ̍nu̍ɛ, nyɔ̍ ɔ̀ nu̍-a ǐn Baa nɛ-a dě ja̍i̍wlɔ̀-ɛ ɔ̍ wlùh dɛ̍-ɛ, nɛ̀ ɔ̍-ɔ bo ɔ̀ nu̍ ǐn de̍di̍i̍ jɔ̍gbau ke ǐn de̍di̍i̍ nynɔ̌gbaɔ ke ǐn de̍.”

Matio 15:19

Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

Matio 5:32

Jɛ mɔ̍ɔ, kǎ ǐn dǎ ka o, nyɔ̍ ɔ̀ kɔn nynɔ̌ se̍-a nynɛ̌à nu̍ wɛ̀ ɔ̍ sà-a ɔ̍ kwlǎ-ɛ, wɛ̀ nynɔ̌ iě jɔ̍gbau dɔɔ dǔ-ɛ, nɛ̀ nynɛ̌à bo ɔ̍ nu̍. Jɛ nɛ̀ mɔ̀ bo ɔ̀ nui ɔ̍ nynɛ̌à. Nɛ̀ jɔ̍gbau jɔ blě-a nynɔ̌-a chɛ̀ ke-ɛ, nynɛ̌à bo ɔ̍ nu̍ ke.”

Matio 7:21

Jusu la̍a̍, “Ɛ̍ se̍ nyɔ̍ kli̍hgbɛ̍ ùh-a nu̍-a, ‘Joi, Joi-ɛ,’ ùh se̍ dě Nyɔsoa-a kmɔ̌ wlu̍ i̍ kɔn la nyni̍ mu̍. Jɛ nyɔ̍ ɔ̀ mu̍-a ǐn Baa nɛ-a dě ja̍i̍wlɔ̀-ɛ, ɔ̍ wlùh nu̍-ɛ, ɔ̍ bo ɔ̀ mu̍ deě nyni̍.

Pɔ̀n Chɛ̀ Maɛ To-a La 3:35

Nyɔ̍ ɔ̀ nu̍-a Nyɔsoa-a wlùh dɛ̍-ɛ, nɛ̀ ɔ̍-ɔ bo ɔ̀ nu̍ ǐn de̍di̍i̍ jɔ̍gbau ke ǐn de̍di̍i̍ nynɔ̌gbaɔ ke ǐn de̍.”

Chɔɔn 4:34

Wɛ̀ Jusu la̍a̍, “Nyɔ̍ ɔ̀ dbo̍-a m-ɛ, ɔ̍ wlùh nu̍-ɛ ke ɔ̍ dbo̍ i̍ wɔ̀-ɛ bo ɛ̀ nu̍ ǎn di̍-dɛ̍.

Chɔɔn 7:17

Nyɔ̍-o-nyɔ̍ ɔ̀ pɔ̀n-a Nyɔsoa-a wlùh nu̍-ɛ i̍-ɛ, nɛ̀ pò ǎn nǎ po̍-ɛ sɔ dě Nyɔsoa we̍ o, iě pò ǐn ja nyɔ̍ nǎ po̍ dǒ ǎn chɛ̀-a sɔ̍n kɛ̍n-ɛ, nɛ̀ ɔ̍ mu̍ ɛ̍ juo.

Nu̍-dɛ̍ᵻ 15:20

Jɛ mɔ̀ à chlǐh u̍h we̍, à iě u̍h wlùh sèàɛ̍. Di̍-dɛ̍ u̍h pi̍-a dǒ kwɛ̍i̍n gbo̍ᵻ we̍-ɛ, nɛ̀ u̍h bɔ̌ i̍h di̍-ɛ. U̍h tǎli gbǎn nu̍ dɛ i̍, nmi̍ɛ̍ jǎ nymɔ̍ i̍-ɛ, nɛ̀ u̍h bɔ̌ ɛ̍ di̍-ɛ. Nɛ̀ u̍h bɔ̌ nymɔ̍ di̍-ɛ ke.

Nu̍-dɛ̍ᵻ 15:29

Di̍-dɛ̍ u̍h sà-ɛa slaǎ dǒ kwɛ̍i̍n gbo̍ᵻ we̍-ɛ, nɛ̀ mɔ̀ bɔ̌ ɛ̍ di̍-ɛ. Nmi̍ɛ̍ jǎ-a nymɔ̍ i̍-ɛ, mɔ̀ bɔ̌ ɛ̍ di̍-ɛ. Mɔ̀ bɔ̌ nymɔ̍ di̍-ɛ ke, mɔ̀ tǎli gbǎn nu̍ dɛ i̍. Pò mɔ̀ bɔ̌ ìh la-a, nɛ̀ mɔ̀-a mu̍ dɛ̍ chɛ̀ nu̍. Mɔ̀ à iě jiěe dɛ o.”

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 1:29

Kà gblɛ̍n bo ɛ̀ jǐ dě u̍h di̍i̍. U̍h-a nu̍ dɛ̍ᵻ sɔ̀nᵻ u̍h kɔn klǎn, iě gblɛ̍n-ɛ nyni-ɛa po̍ u̍h gbǐh. U̍h kɔn wlɛ̀n, u̍h-a poe nyɔ̍ gbe̍ja̍a̍, iě u̍h blě chɛ̀-ɛ. U̍h kɔn gblàa̍, iě u̍h-a naɛ dɛ̍ sɔ̀n nu̍-ɛ wlùh i̍ dǒ nyɔ̍ duuh we̍, wɛ̀ u̍h-a chɛ̍n nyɔ̍.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 6:22

Jɛ kaka la̍ gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, iě mɔ̀ nu̍ ka Nyɔsoa-a kèi̍ᵻ. Ɛ̍ nu̍ ɛ̍ iě mɔ̀ kɔn dǒ Nyɔsoa we̍, iě ɛ̍ nu̍ ɛ̍ wɛ̀ mɔ̀ blě kmɔ̌ sie feɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 7:2

Jɛ gbǎn nu̍-ɛ tìè i̍. Ɛ̍ tìh jɔ̍gbau jɔ-ɛ, nɛ̀ ɔ̍ blě ɔ̍ chɛ̀-a nynɔ̌. Nɛ̀ nynɔ̌ jɔ-ɛ, ɔ̍ blě ɔ̍ chɛ̀-a kɔan ke.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

Kelesea 5:19

À gblɛ̍n sɔ̀ɛ̀n-a tu̍-a nu̍-dɛ̍ᵻ se̍ kàɛ̀n. I̍h bo ìh nu̍-a gbǎn nu̍-ɛ ke, sììjii̍ nu̍-ɛ ke, se̍i̍kɔɛn nu̍-ɛ ke,

Ɛfɛsɔ 5:17

Ɛ̍ tìh-ɛ, mɔ̀ bɔ̌ we̍i̍ bo-ɛ, jɛ dɛ̍ nu̍-a Joi Nyɔsoa-a wlùh-ɛ bo mɔ̀ iě we̍ i̍ ju̍o̍e.

Ɛfɛsɔ 6:6

Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ nu̍ Nyɔsoa-a wlùh dǒ mɔ̀-a wlùh kli̍hgbɛ̍ we̍ ka Klai-a pòi̍nynuu̍-ɛ.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

Kalase 3:5

Ka ɛ̍ nɛ-a ka-ɛ, gbǎn nu̍-ɛ ke, sììjii̍ nu̍-ɛ ke, wlùh sɔ̀n blě-ɛ ke, dɛ̍ᵻ sɔ̀nᵻ nu̍ pɔluh ke, klǎn kɔn-ɛ la (ɛ̀ bǎ-a kwɛ̍i̍n gbo̍ᵻ wɛɛ sà dɛ i̍-ɛ), kmɔ̌-a nu̍-dɛ̍ᵻ bo. I̍h nɔ̀ɔ̍, sà i̍h sɔ̀n we̍ la̍ sǔh kleǐnklein.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 4:2

Mɔ̀ juo slɛ̌ à po̍-a mɔ̀ chèɛ̀ i̍ dě Joi Jusu ja̍a̍-ɛ.

1 Tɛsoloniɔn 4:4

Mɔ̀-a nyɔ̍ jɔ-ɛ, ɔ̍ kɔn ɔ̍ iě ka ɔ̍ iě-a nynɔ̌ blě-ɛ nu̍-ɛ juo. Nɛ̀ u̍h-a mu̍ kǔkɛ̍n nɛ, wɛ̀ u̍h iě dě Nyɔsoa jlǐh i̍ nmɔ.

1 Tɛsoloniɔn 5:18

Ka jɛ ɛ̍ nɛ-ɛ, mɔ̀ po̍ Nyɔsoa tlɔ̌. Ɛ̍-ɛ bo ɛ̀ nu̍ Nyɔsoa-a wlùh dɛ dě Jusu Klai ja̍a̍ dǒ mɔ̀ we̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

Iblu 12:16

Mɔ̀ jě ɛ̍ we̍ ke mɔ̀-a nyɔ̍-ɔ je̍e gbǎn nu̍ nyɔ̍ nu̍, àe̍e̍ mɔ̀-a nyɔ̍-ɔ se̍-e Nyɔsoa dɛ-ɛ nɛ ka Isɔ-ɛ, ɔ̀ tù-a di̍-dɛ̍ tìh wɛ̀ ɔ̍ ple̍-a ɔ̍ nyɔ̍ klaa dɛ-a pɔ̀ìě-ɛ.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 4:2

Nɛ̀ sɔ da̍a sèàn blǐ, Nyɔsoa bo ɔ̀ iě mɔ̀-a kmɔ̌ kli̍hgbɛ̍ wlu̍ i̍ kɔn la̍ sǔh nɔ̌ bloɔ̍. Mɔ̀-a chɛ̀-a wlùh dɛ̍ᵻ bɔ̌ mɔ̀ wlu̍ i̍ kɔn-ɛ dɛ.

1 Chɔɔn 2:17

Kmɔ̌ la ke ɛ̍ dɛ̍ᵻ ìh nu̍-a nyɔ̍-a wlùh dɛ̍ᵻɛ́, i̍h-a sì la̍ i̍. Jɛ nyɔ̍ ɔ̀ nu̍-a Nyɔsoa-a wlùh-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.