1 Tɛsoloniɔn 4:16 - Ku̍o̍ Delee 1999

¹⁶ Dɛ̍nu̍ɛ, Joi-a chɛ̀-a gbǎ-a mu̍ dě ja̍i̍wlɔ̀ sɔ, wɛ̀ telě iě nyǐ-ɛ dǒ plǎn-a wlu̍ we̍. Wɛ̀ Nyɔsoa-a ǐnchɔ̀-a dlǔtu iě dǎ, wɛ̀ Nyɔsoa-a dɔ̍gbɛ̍ iě wlu. Nɛ̀ nyɔ̍ ùh mɛ̌-a dě Klai ja̍a̍-ɛ, u̍h-a mu̍-e wlǔh sàǐtòò.

1 Tɛsoloniɔn 4:16 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Nu̍-dɛ̍ᵻ 1:11

Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”

1 Kɔwlɛntiɔn 15:18

Nɛ̀ nyɔ̍ ùh gbaɛ-a Klai wlùh wɛ̀ u̍h mɛ̌-aɛ, nɛ̀ u̍h gbɔ̀lɔ-ɔ ke.

1 Kɔwlɛntiɔn 15:20

Jɛ ɛ̀ nu̍-a tìh-a taǐn-ɛ, ɛ̍ nu̍ Klai wlǔh-e, ɛ̍ bo ɛ̀ nu̍ ɛ̍ wɛ̀ nyɔ̍ ùh mɛ̌-aɛ, u̍h iě-e wlǔh ke gbɔ̀gbɔ̀.

1 Kɔwlɛntiɔn 15:23

Jɛ jɔ-ɛ, ɔ̍ mu̍-e wlǔh dǒ ɔ̍ ti̍ we̍. Klai bo ɔ̀ wlǔh-e sàǐtòò. Nɛ̀ɛ̍, ti̍ ɔ̍ mu̍-a ji̍-ɛ, nyɔ̍ ùh kɔn-a dǒ ɔ̍ we̍-ɛ, u̍h-a mu̍-e wlǔh ke.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

1 Tɛsoloniɔn 3:11

Ǎn sà nǐ wɔ̍n, à Baa Nyɔsoa-a chɛ̀ ke à Joi Jusu iě à wìè wɔ̍n flɔn-ɛ, wɛ̀ à iě dě mɔ̀ we̍ ji̍.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

2 Tɛsoloniɔn 2:1

À de̍di̍i̍ᵻ, ɛ̀ kɔ̍-a dǒ à Joi Jusu Klai-a ji̍-ɛ ke à gbǎ tàdùè ìè ɔ̍ i̍ jǎɛ pùn i̍-ɛ, à ba̍le mɔ̀-ɛ,

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

Judi 1:9

Jɛ ti̍ Nyɔsoa-a ǐnchɔ̀-a dlǔtu Makɔ ke Kǔ sà-a Mose-a kǔ we̍ tìh i̍-ɛ, dǒ nyɔ̍ ɔ̀ mu̍-a ɛ̍ gba̍-a tìh-ɛ, Makɔ se̍ ɛ̍ chɛ̀-a gbǐh i̍ dǔ ɛ̍ iě Kǔ chlèe. Jɛ ɛ̍ la̍a̍, “Bɔ̌ o, Joi bo ɔ̀ mu̍ ìn bɔ̌ i̍ po̍ o.”

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 8:13

Wɛ̀ ǐn gbɛ̀n-e, iě ǐn wɔ̌n chìsǐ-a wlu, nɛ̀ ɛ̍ wa̍n-ɛ dě ja̍u̍n wlì, iě ɛ̍ we̍le. Ɛ̍ la̍a̍, “Chlě, chlě dǒ nyɔ̍ ùh nɛ-a nɔ̌ bloɔ̍ wɛ̀ bɔ̌ɛ-o ǐnchɔ̀ ta̍a̍n iě-a dɔ̍gbɛ̍ᵻ bla̍-ɛ we̍.”

Wlɛfeleseɔn 8:2

Iě ǐn jě Nyɔsoa-a ǐnchɔ̀ mɛ̀sɔɔ̌n i̍h nyna i̍ dǒ Nyɔsoa jǔ. Wɛ̀ dɔ̍gbɛ̍ᵻ mɛ̀sɔɔ̌n nyǐ-ɛ i̍h.