1 Tɛsoloniɔn 4:13 - Ku̍o̍ Delee 1999

¹³ À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

1 Tɛsoloniɔn 4:13 Iomraidhean Croise

Matio 27:52

Wɛ̀ gbàlɔ̍ᵻ wa̍ i̍, wɛ̀ Nyɔsoa nyɔ̍ dɔu ùh mɛ̌-aɛ, iě u̍h wlǔh-e dode̍.

Chɔɔn 11:24

Iě Mata la̍a̍, “Ǐn juo i̍h, ɔ̍ mu̍-e wlǔh dǒ bɔ̌ɛ-o weɛ̍ di̍i̍.”

Nu̍-dɛ̍ᵻ 13:36

Dɛ̍nu̍ɛ, ti̍ Depe wɔ̀-a Nyɔsoa-a wlùh nu̍-ɛ dǒ ɔ̍ naɛ ti̍ we̍-ɛ, iě ɔ̍ mɛ̌. Wɛ̀ u̍h tè ɔ̍ i̍ dǒ ɔ̍ baaᵻ pùn, iě ɔ̍ sɔ̀n.

Nu̍-dɛ̍ᵻ 7:60

Wɛ̀ ɔ̍ wlǎ kɔlu̍ᵻ wlù iě ɔ̍ wǐ, ɔ̍ la̍a̍, “Joi, bɔ̌ u̍h-a gblɛ̍n sɔ̀ɛ̀n la we̍ gbǎ-a o.” Ɔ̍ wɔ̀-a dɛ̍ la bla̍-aɛ, iě ɔ̍ mɛ̌.

Nu̍-dɛ̍ᵻ 8:2

Nyɔsoa nyɔ̍ duuh bo ùh tè Slifɛn i̍, iě u̍h fìn ɔ̍ dɛ̍blɔ.

Wloma 1:13

Ǐn de̍di̍i̍ᵻ, ǎn pɔ̀n mɔ̀ iě ɛ̍ juo ka ǎn chɛ̍n-a di̍i̍chì te̍e̍ iě-a dě mɔ̀ we̍ ji̍-ɛ. Ǐn ji̍-ɛ, wɛ̀ iě nyɔ̍ kmɔ̌ sà dě mɔ̀ nynɛ̌, ɛ̀ kɔn ba̍ ǐn nu̍-a dě mɔ̀ ba̍ᵻ duuh ùh se̍-a Juu nyɔ̍-ɛ nynɛ̌-ɛ. Jɛ nɛ̀ dɛ̍ᵻ diih-a sà ǐn wìè-i.

1 Kɔwlɛntiɔn 10:1

Ǐn de̍di̍i̍ᵻ, ǎn pɔ̀n mɔ̀ iě ìh la juo. Nǐgban ɛ̀ toe-a à baaᵻá baaᵻ Mose naɛ-aɛ wìè-ɛ, dǒ ɛ̍ sɔ̀n bo u̍h kli̍hgbɛ̍ u̍h naɛ te̍e̍ wɛ̀ u̍h kli̍hgbɛ̍ jii dǒ Jbǒ Sàɛ̀n wèa̍.

1 Kɔwlɛntiɔn 12:1

Ǐn de̍di̍i̍ᵻ, kaka la̍, dɛ̍ ɛ̀ tba̍-a dǒ Nyɔsoa-a Sùù-a nyǐ-dɛ̍ᵻ pùn i̍-ɛ, ǎn pɔ̀n mɔ̀ iě i̍h we̍ i̍ ju̍o̍e.

1 Kɔwlɛntiɔn 15:6

Nyɔsoa nyɔ̍ ɔ̍ wlǔh-ia i̍ dɛ dǒ tàdùè-ɛ, u̍h sì kmɛ m̀m̌ (500) kɛ̍n. U̍h-a duuh mɛ̌ wɛ̀ gbɛɛ, jɛ u̍h-a dɔu nɛ kmɔ̌ ke̍.

2 Kɔwlɛntiɔn 1:8

À de̍di̍i̍ᵻ, à pɔ̀n mɔ̀ iě i̍h juo ka à nu̍-a tìh jě-ɛ dě Esea bloa̍ kɛ̍n-ɛ. À jě tìh dɛ̍blɔ, ɛ̍ nu̍ ɛ̍ à se̍ i̍h juo ka à mu̍-a kmɔ̌ nɛ ke̍ de-ɛ.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

1 Tɛsoloniɔn 4:14

À gbaɛ ɛ̍ wlùh ka Jusu mɛ̌-a wɛ̀ ɔ̍ wlǔh-ae dode̍-ɛ. Ka ɛ̍ nɛ-a ka-ɛ, nɛ̀ à tè ɛ̍ wlì nyɔ̍ ùh mɛ̌-a dě Jusu ja̍a̍-ɛ, Nyɔsoa-a mu̍ u̍h Jusu we̍ jaɛ.

1 Tɛsoloniɔn 4:15

Dɛ̍ à sà-a dě mɔ̀ we̍-ɛ, Joi-a wlu̍ bo. Àɔ̀ mu̍-a kmɔ̌ nɛ wɛ̀ Joi iě-a ji̍-ɛ, à se̍ nyɔ̍ ùh mɛ̌-aɛ jǔ mu̍ mu̍.

1 Tɛsoloniɔn 5:10

Ɔ̍ mɛ̌-ɛ dǒ à tàà, pò à nɛ kmɔ̌ àe̍e̍ à mɛ̌-ɛ, wɛ̀ ɔ̍ ke à iě tàdùè tǐn.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

2 Pitɛ 3:4

Nɛ̀ u̍h-a mu̍ mɔ̀ i̍ tèle-ɛ ka dǎ, “Ɔ̀ po̍-a wlu̍ tɔ̀ma̍a̍ ɔ̀ iě-a de̍ ji̍-ɛ, tà ɔ̍ nɛ ɛ? À baaᵻ mɛ̌ wɛ̀-ɛ se̍e̍, jɛ ka due dɛ̍ᵻ kli̍hgbɛ̍ nɛ-a sɔ dě kmɔ̌-a gbɔ̀ tè la̍-ɛ, kǎ i̍h nɛ ke̍.”

2 Pitɛ 3:8

Jɛ ǎn tìh kma nyɔ̍, dɛ̍ due bo mɔ̀ bɔ̌ we̍ mǎle-ɛ, weɛ̍ due wɔ̀ sɔ̀nᵻá wlǔ due, wɛ̀ sɔ̀nᵻá wlǔ due wɔ̀ weɛ̍ due dǒ Joi we̍. I̍h-a dɛ̍ se̍ dɔɔ̌ nɛ dǒ ɔ̍ we̍.