1 Tɛsoloniɔn 4:12 - Ku̍o̍ Delee 1999

¹² Wɛ̀ mɔ̀ɔ̍ je̍e nyɔ̍-o-nyɔ̍ wlì tè, nɛ̀ nyɔ̍ ùh se̍-a Nyɔsoa nyɔ̍-ɛ u̍h-a mu̍ mɔ̀ dɛ̍ɛ̍ jě ke.

1 Tɛsoloniɔn 4:12 Iomraidhean Croise

Pɔ̀n Chɛ̀ Maɛ To-a La 4:11

Wɛ̀ ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ juh ùh nɛ-a dǒ kɛ̍n-ɛ, u̍h nɔ̀ɔ̍, dɛ̍ᵻ kli̍hgbɛ̍ nɛ dě nɛnǎᵻ di̍i̍ dǒ u̍h we̍.

Wloma 12:17

Pò nyɔ̍ nu̍ mɔ̀ dɛ̍ sɔ̀n pùn-ɛ, mɔ̀ bɔ̌ ɛ̍ dɛ̍ sɔ̀n gba̍a̍ sà-ɛ. Mɔ̀ fɔ̀n dɛ̍ we̍ mɔ̀ iě dɛ̍ ɛ̀ nmɔ-a dě nyɔ̍ kli̍hgbɛ̍ jlǐh i̍-ɛ nu̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.

1 Tɛsoloniɔn 5:22

Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.

1 Timote 3:7

Ɔ̍ kɔn ɔ̍ iě kǔkɛ̍n nɛ dě nyɔ̍ ùh se̍-a chɔchi̍h nyɔ̍-ɛ jlǐh, nɛ̀ ɔ̍ se̍ ja̍a̍i̍ poe-ɛ mu̍. Nɛ̀ ɔ̍ wɔ̍ se̍ Kǔ-a gbɛ̀ɛ̀ gbǎ mu̍ ke.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 3:1

Nynɔ̌gbaɔᵻ, kǎ mɔ̀ iě nu̍ ke. Mɔ̀ jě mɔ̀-a kɔanᵻ dɛ̍ɛ̍, wɛ̀ pò u̍h-a nyɔ̍ se̍ Nyɔsoa-a wlu̍ tìh chɛ̀ po̍-ɛ, wɛ̀ mɔ̀-a nu̍-dɛ̍ᵻ iě ɛ̍ nu̍ u̍h iě ɔ̍ wlùh gbaɛ. Ɛ̍ se̍ mɔ̀ iě tìh bla̍ gbɔ̀ dě u̍h we̍.