1 Tɛsoloniɔn 4:11 - Ku̍o̍ Delee 1999

¹¹ Mɔ̀ fɔ̀n dɛ̍ we̍ mɔ̀ iě dě gba̍n gbɛ̍n kmɔ̌ di̍i̍ nɛ. Mɔ̀ sà dǒ nyɔ̍ dɔɔ-a tìh we̍ wlu̍. Mɔ̀ nu̍ mɔ̀-a chɛ̀-a dbo̍. Kǎ ǐn dǎ mɔ̀ wlùh sèàɛ̍-ɛ se̍e̍.

1 Tɛsoloniɔn 4:11 Iomraidhean Croise

Pɔ̀n Chɛ̀ Maɛ To-a La 13:34

Ɛ̍ wɔ̀ jɔ̍gbau due-a dihwa̍a̍ mu̍-ɛ. Ɔ̍ wɔ̌an mu̍-u tìh-ɛ, wɛ̀ ɔ̍ si̍e̍ gbò dě ɔ̍ pòi̍nynuu̍ kwa̍a̍, iě ɔ̍ gblè u̍h dbo̍ jii̍. Wɛ̀ ɔ̍ sèàɛ̍ gbò jlǐhɛ̍ tù nyɔ̍ wlùh ɔ̍ iě ɛ̍ jlǐhɛ̍ tù.

Nu̍-dɛ̍ᵻ 18:3

Wɛ̀ ɔ̍ tè dǒ u̍h we̍ i̍, iě ɔ̍ ke u̍h-a tba̍ wɛ̀ɛ̀ sɔ̍n wlù-a jlii̍, dɛ̍nu̍ɛ, dbo̍ tu̍ laa̍ bo ɔ̍ jěe dɛ̍ i̍ ke se̍e̍.

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

Wloma 12:11

Mɔ̀-a gbǐh bɔ̌ mɛ̌-ɛ, nɛ̀ mɔ̀ dbee Joi jǔ dǒ mɔ̀-a wlùh kli̍hgbɛ̍ we̍.

Wloma 15:20

Ǎn wlùh gbɛ̍n dɛ̍ nu̍ tà nyɔ̍-ɔ se̍-a Klai-a nynɛ̌ wɔ̌n-ɛ fu̍u̍-ɛ, iě-e pɔ̀n chɛ̀-a tìh bla̍-ɛ, wɛ̀ nɛ̌ je̍e nyɔ̍ dɔɔ-a dbo̍ ɔ̍ tè-a gbɔ̀-ɛ kɛ̍n i̍ gbǎ-ɛ.

1 Kɔwlɛntiɔn 4:12

À nu̍ kmu-u dbo̍ dǒ à chɛ̀-a sɔ̍n gbǎ we̍. Pò nyɔ̍ chlèe àɔ̀-ɛ, nɛ̀ à sà-ɛ u̍h nǐ wɔ̍n. Pò u̍h jě-e àɔ̀ klě-ɛ, nɛ̀ à ku̍-e klì i̍ kleǐn.

2 Kɔwlɛntiɔn 5:9

Ɛ̍ tìh-ɛ, pò à nɛ dě à nyi̍ɔ̍ku di̍i̍ àe̍e̍ à se̍ dě ɛ̍ di̍i̍ nɛ-ɛ, à iě ɔ̍ wlùh i̍ pɛ̍n-ɛ, ɛ̍ kɔn di̍i̍chì bo à chɛ̍n.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

1 Timote 2:2

Mɔ̀ ba̍le dǒ blǔh baaᵻ ke tùn blě nyɔ̍ kli̍hgbɛ̍-a tàà. Wɛ̀ à iě dě wlùh-a i̍ tè-ɛ ɛ̀ jě-ea nyɔ̍ feɛ i̍-ɛ ke, Nyɔsoa dɛ-ɛ nɛ-ɛ ke nyɔ̍ dɛ̍ɛ jě kmɔ̌ di̍i̍ nɛ.

1 Timote 5:13

Ɛ̍ se̍-o siee, nɛ̀ ɔ̍-ɔ wɔ̌ɛn dɛ̍ nu̍ tìh i̍. Jɛ nɛ̀ wlɔ̀ i̍ na-a bo ɔ̍ tba̍ dlǔ di̍i̍ wɛ̀ sǔh. Ɛ̍ se̍ flàn-a due ɔ̍ se̍ nu̍. Jɛ nɛ̀ ɔ̍ sìi̍ fɛ̍lɛ̍-ɛ i̍, iě ɔ̍ po̍ tìh ɔ̍ se̍-a kɔn-ɛ bu̍h di̍i̍ ke. Wɛ̀ tìh se̍-a dě ɔ̍ wɔ̍ɔ̍n bɛ̌ɛ-ɛ, iě ɔ̍ sà i̍h.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

1 Pitɛ 3:4

Jɛ mɔ̀-a gblɛ̍n bo ɛ̀ iě mɔ̀ jii̍ nmɔ-ɛ, ɛ̀ se̍-a wlà la̍ kɔn, ɛ̀ gbɛ̍n-a gba̍n wɛ̀ ɛ̀ gbɛ̍n-a tìh i̍-ɛ. Ɛ̍-ɛ bo ɛ̀ kɔn dɛ̍kɛ̍n gbǎ-a ku̍ wɔ̍n dě Nyɔsoa jlǐh.

1 Pitɛ 4:15

Jɛ pò mɔ̀ sàɛ̀ jua̍i̍-ɛ, ɛ̍ bɔ̌ nyɔ̍ gbe̍ja̍a̍ po̍-ɛ ke, jlǐ-ɛ ke, dɛ̍ᵻ sɔ̀nᵻ nu̍-ɛ ke nyɔ̍ duuh-a sɔ̀nwli wɔ̍n di̍i̍ po̍ tìh nu̍-ɛ.