1 Tɛsoloniɔn 4:1 - Ku̍o̍ Delee 1999

¹ À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Tɛsoloniɔn 4:1 Iomraidhean Croise

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Nu̍-dɛ̍ᵻ 20:27

Dɛ̍nu̍ɛ, ti̍ ǎn toe-a mɔ̀ Nyɔsoa-a di̍i̍chì-ɛ, ǐn se̍ bu̍h de̍e̍ gbà.

Wloma 8:8

Nyɔ̍ ùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, nɛ̀ u̍h se̍ Nyɔsoa-a wlùh i̍ tè-eɛ bɛ̌ɛ.

1 Kɔwlɛntiɔn 11:23

Dɛ̍ ǐn jě-a Joi kwa̍a̍-ɛ, ɛ̍-ɛ bo ǐn toe-a mɔ̀. Wlù weɛ̍ Joi Jusu sà-ɛa kwlǎ-ɛ, dǒ ɔ̍ dǔ-i blèe̍ gba̍n-a,

1 Kɔwlɛntiɔn 15:1

Ǐn de̍di̍i̍ᵻ, ǎn pɔ̀n iě mɔ̀ tìh wlì i̍ sǐi kaka pɔ̀n chɛ̀ ǐn bla̍-a dě mɔ̀ we̍-ɛ ɛ̍ tìh. Ɛ̍ bo mɔ̀ gbɛ̍n i̍, iě mɔ̀ nyna ka ɛ̍ kɛ̍n gba̍i̍ngba̍i̍n dǒ wlùh gbaɛ blě-ɛ we̍.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

2 Kɔwlɛntiɔn 5:9

Ɛ̍ tìh-ɛ, pò à nɛ dě à nyi̍ɔ̍ku di̍i̍ àe̍e̍ à se̍ dě ɛ̍ di̍i̍ nɛ-ɛ, à iě ɔ̍ wlùh i̍ pɛ̍n-ɛ, ɛ̍ kɔn di̍i̍chì bo à chɛ̍n.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

Kelesea 6:1

Ǐn de̍di̍i̍ᵻ, pò nyɔ̍ gba̍ wìè sɔ̀n-ɛ, nɛ̀ mɔ̀ɔ̍ juh nɛ-a dě Nyɔsoa-a Sùù-ɛ, nɛ̀ mɔ̀ɔ̍ bo ùh iě ɔ̍ wìè-e po̍ dě gba̍n gbɛ̍n-ɛ di̍i̍. Jɛ nɛ̀ mɔ̀ nu̍ nɛnɛ̌ wɛ̀ mɔ̀-a chɛ̀ je̍e blu̍ja̍a̍ gbǎ ke.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Ɛfɛsɔ 4:20

Ɛ̍ se̍ ìh la mɔ̀ se̍ cheǎn dǒ Klai pùn.

Ɛfɛsɔ 5:17

Ɛ̍ tìh-ɛ, mɔ̀ bɔ̌ we̍i̍ bo-ɛ, jɛ dɛ̍ nu̍-a Joi Nyɔsoa-a wlùh-ɛ bo mɔ̀ iě we̍ i̍ ju̍o̍e.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

Felepai 3:14

Ɛ̍ kɔn ǎn fɔ̀n dɛ̍ we̍ iě sìla̍ ɛ̀ nɛ-a dě ja̍i̍wlɔ̀ ɛ̀ kɔn tìh Nyɔsoa dǎ-a m dě Jusu Klai ja̍a̍-ɛ jɛɛ.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

Kalase 2:6

Ka mɔ̀ wɔ̌n-a wɛ̀ Jusu Klai iě-a mɔ̀-a Joi nu̍-ɛ, nɛ̀ mɔ̀ nɛ kmɔ̌ dě ɔ̍ ja̍a̍.

1 Tɛsoloniɔn 3:12

Ǎn sà nǐ wɔ̍n dɛ ke, Joi iě mɔ̀-a we̍ jbɛɛ kɛ̍n poe, ɛ̍ ke dǒ nyɔ̍ kli̍hgbɛ̍ we̍ ke, ɛ̀ kɔn ba̍ à nu̍-a mɔ̀ɔ̍ jbɛɛ-ɛ.

1 Tɛsoloniɔn 4:2

Mɔ̀ juo slɛ̌ à po̍-a mɔ̀ chèɛ̀ i̍ dě Joi Jusu ja̍a̍-ɛ.

1 Tɛsoloniɔn 5:12

À de̍di̍i̍ᵻ, nyɔ̍ ùh nu̍-a mɔ̀-a dlǔtuᵻ dě Joi ja̍a̍ iě u̍h-a nu̍-a dbo̍ dě mɔ̀ nynɛ̌, wɛ̀ u̍h-a po̍-a mɔ̀ slɛ̌ chèɛ̀ i̍-ɛ, à gbɛ̍n mɔ̀-a bu̍hᵻ i̍ mɔ̀ iě u̍h dɛ̍ɛ̍ jě.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

2 Tɛsoloniɔn 2:1

À de̍di̍i̍ᵻ, ɛ̀ kɔ̍-a dǒ à Joi Jusu Klai-a ji̍-ɛ ke à gbǎ tàdùè ìè ɔ̍ i̍ jǎɛ pùn i̍-ɛ, à ba̍le mɔ̀-ɛ,

2 Tɛsoloniɔn 3:1

Ɛ̀ bɔ̌ɛ-aoɛ, à de̍di̍i̍ᵻ, mɔ̀ ba̍le dǒ à tàà wɛ̀ Joi-a wlu̍ iě na suei̍, wɛ̀ nyɔ̍gbei iě ɛ̍ ja̍ tè ka ɛ̍ nɛ-a dě mɔ̀ we̍-ɛ.

2 Tɛsoloniɔn 3:13

À de̍di̍i̍ᵻ, mɔ̀ bɔ̌ se̍a̍ dǒ dɛ̍ chɛ̀ nu̍-ɛ we̍.

1 Timote 5:21

Da̍a Jusu Klai ke, Nyɔsoa ke ɔ̍ ǐnchɔ̀ jlǐhwai bo ǎn chlì-i àn dounᵻ. Nu̍ slɛ̌ ǎn po̍-a ìn chèɛ̀-ɛ i̍-ɛ. Bɔ̌-e nyɔ̍ i̍ chlɛ̌-ɛ, bɔ̌ wìè fɔ̌ due sà-a.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.

Iblu 13:22

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍ ǎn slɛ̌n tù wlu̍ la mɔ̀ iě ɛ̍ dounᵻ we̍ po̍. Ɛ̍ kɔn chlǐh-dɛ̍ la ǐn chlǐh-a mɔ̀ we̍-ɛ, ɛ̍ se̍ dlǔ tɛn.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.

1 Chɔɔn 3:22

À jbǎ-ɛ ɔ̍ dɛ̍ jɛ-ɛ, nɛ̀ à jě ɛ̍-ɛ, dɛ̍nu̍ɛ, à tè-o ɔ̍ telě i̍, iě à nu̍ dɛ̍ ɛ̀ tè-ea ɔ̍ wlùh i̍-ɛ.