1 Tɛsoloniɔn 3:6 - Ku̍o̍ Delee 1999

⁶ Jɛ Timote sɔ-a dě mɔ̀ we̍ wɛ̀ ɔ̍ ji̍-a nɔ̌ à we̍-ɛ, ɔ̍ ja à pɔ̀n chɛ̀ dǒ mɔ̀-a wlùh gbaɛ ke jbɛɛ blě-ɛ we̍. Ɔ̍ sèàɛ̍ à wlùh ka pò à tìh sǐ dǒ mɔ̀ wlì i̍-ɛ, wɛ̀ mɔ̀-a nu̍-a mɔna̍ ti̍ kli̍hgbɛ̍ we̍-ɛ. Ɔ̍ la̍ ka mɔ̀-a tɔ̌n-a nu̍-a à nu̍-ɛ à iě-a mɔ̀ jě-ɛ, kǎ à tɔ̌n-a nu̍ mɔ̀ nu̍-ɛ ke.

1 Tɛsoloniɔn 3:6 Iomraidhean Croise

Nu̍-dɛ̍ᵻ 16:1

Pɔɔ mu̍ Dɛɛbi, dǒ ɔ̍ waɛn ɔ̍ mu̍ Lesla. Dǒ Jusu-a kòà due tǐn, u̍h-a dǎɛ ɔ̍ Timote. Ɔ̍ de̍ nu̍ Juu nynɔ̌ iě ɔ̍ nu̍ Nyɔsoa nyɔ̍. Jɛ ɔ̍ baa nu̍ Klii jǔ.

Nu̍-dɛ̍ᵻ 18:1

Ɛ̍ sì-a i̍-ɛ, wɛ̀ Pɔɔ sɔ dǒ Atɛn ɔ̍ mu̍ dǒ Kɔwlɛn wlɔ̀ di̍i̍.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

1 Kɔwlɛntiɔn 11:2

Ǎn po̍ mɔ̀ tìhwe̍, dɛ̍nu̍ɛ, mɔ̀-a blě-e ǎn tìh dǒ wlùh kɛ̍n te̍e̍, iě mɔ̀-a jě nǎ po̍ wlu̍ ǐn ja-a dě mɔ̀ we̍-ɛ dɛ̍ɛ̍.

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Felepai 1:8

Ka ǎn mɔ̀-a tìh kma-a kɔ̍-a dě Jusu Klai we̍ i̍, iě ǎn gble-a mɔ̀ kli̍hgbɛ̍-a tìh kaa̍-ɛ, Nyɔsoa-a chɛ̀-a gbǎ bo ɔ̀ nu̍ ǎn sàànsi̍i̍h.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

Kalase 4:18

Mɔ̍ Pɔɔ, ǎn chɛ̀-a sɔ̍n bo ǎn chlǐh i̍ nyinɔ̍ i̍ sà wlu̍ la. Mɔ̀ bɔ̌ ǎn kasoo nɛ tìh we̍ mǎle-ɛ o. Ǎn sà nǐ wɔ̍n Nyɔsoa-a blɛ iě mɔ̀ we̍ nɛ.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 2:17

Àɔ̀ nɔ̀ɔ̍-ɛ de̍di̍i̍ᵻ, ti̍ mɔ̀ ke à chɛɛn-a i̍ dǒ ti̍ gbɔ̍ di̍i̍-ɛ, dǒ nyi̍ɔ̍tu we̍ bo, ɛ̍ se̍ dě pɔluh we̍. Mɔ̀ po̍ à plǔh we̍ i̍ kaa̍, ɛ̍ kɔn à fɔ̀n dɛ̍ we̍ ke kleǐn à iě mɔ̀ jě dɛ.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Tɛsoloniɔn 3:7

Ɛ̍ tìh-ɛ, à de̍di̍i̍ᵻ, dě à jua̍i̍ sàɛ̀-ɛ ke klě jě-ɛ kli̍hgbɛ̍ di̍i̍-ɛ, i̍h fùka à wlùh dǒ mɔ̀ we̍. Mɔ̀-a wlùh gbaɛ bo ɛ̀ nu̍ ɛ̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

2 Timote 1:3

Ǎn dbee Nyɔsoa jǔ dǒ kɛ̍-ɛ wɛ̀ wlùh we̍, kǎ ǐn baaᵻ nu̍. Ka ǎn ba̍le-a wlù ke sɔ̀n-ɛ, kǎ ǎn po̍ ɔ̍ tlɔ̌ ke ma̍u̍ dǒ àn tìh we̍.

Faɛlimɔ 1:5

Dɛ̍nu̍ɛ, àn Nyɔsoa nyɔ̍ kli̍hgbɛ̍-a tìh kma-a ke, Joi Jusu wlùh gbaɛ kɔn pɔ̀n bo ǎn wɔ̌n.

Iblu 13:3

Nyɔ̍ ùh nɛ-a dě kasoo-ɛ, mɔ̀ naɛ u̍h-a tìh wlùh i̍ ka nyɔ̍ la̍ mɔ̀-a chɛ̀ bo ùh nɛ dě kasoo-ɛ. Nyɔ̍ ùh-a jě-a tìh-ɛ kǎ mɔ̀ iě u̍h-a tìh wlùh i̍ naɛ nu̍ ke, ka nyɔ̍ la̍ mɔ̀-a chɛ̀ bo ùh-a jě tìh-ɛ.

Iblu 13:7

Mɔ̀-a nyɔ̍ klaaᵻ ùh po̍-a Nyɔsoa-a tu̍owli dě mɔ̀ we̍-ɛ, mɔ̀ nu̍ u̍h-a kmɔ̌ wlùh we̍. Ka u̍h nu̍-a mɛ̌-ɛɛ, mɔ̀ nu̍ ɛ̍ wlùh we̍, wɛ̀ mɔ̀ iě-e u̍h-a wlùh gbaɛ-a wɔ̀ɔ̀ i̍ sà.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.