1 Tɛsoloniɔn 3:5 - Ku̍o̍ Delee 1999

⁵ Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

1 Tɛsoloniɔn 3:5 Iomraidhean Croise

Matio 4:3

Wɛ̀ Kǔ ji̍ iě ɛ̍ la̍a̍, “Jusu, pò ìn tù Nyɔsoa-a Jǔ chɛ̀-ɛ, nɛ̀ ìn wlu dě sɔɔ̌ᵻ la we̍ i̍h iě blèe̍ gba̍nᵻ sàɛ̀.”

Nu̍-dɛ̍ᵻ 15:36

Ti̍ gbɔ̍ sì-aɛ, wɛ̀ Pɔɔ la̍a̍ dě Banaba we̍, “De̍di̍i̍ᵻ kɔn we̍ à bla̍-ɛa Joi-a tìh-ɛ, à mu̍ de̍ à iě u̍h we̍ wlɔ̀ᵻ di̍i̍ i̍ na due due, à iě jě pò ka u̍h nɛ wɛ̀ kɔ̌ɔ.”

1 Kɔwlɛntiɔn 7:5

Mɔ̀ bɔ̌ mɔ̀-a chɛ̀ kǎn i̍ po̍-ɛ, jɛ pò mɔ̀ dbǎ wlu̍ i̍ dǒ ti̍ di̍i̍ mɔ̀ iě ba̍le-ɛ, nɛ̀ ǐn sà-o ɛ̍ tɛ̀. Jɛ nɛ̀ nynɔ̌ ke ɔ̍ kɔan gbǎ tàdùè suei̍ wɛ̀ u̍h-u se̍-e wlùh ku̍, iě Setɔn je̍e ɛ̍-ɛ jii ɛ̍-ɛ je̍e u̍h blu̍ja̍a̍ po̍.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 2:19

Pò Joi Jusu wɔ̌n-ɛ, ǐn tè ɛ̍ wlì iě Timote dě mɔ̀ we̍ dbo̍ suei̍. Nɛ̀ pò ǐn wɔ̌n dě mɔ̀ we̍ i̍-ɛ, wɛ̀ iě mɔna̍-a gbǎ.

1 Tɛsoloniɔn 2:1

À de̍di̍i̍ᵻ, mɔ̀-a chɛ̀ juo ɛ̍ ka à dě mɔ̀ we̍ i̍ nala ji̍-ɛ se̍-a bu̍ɛ̍i̍ nu̍-ɛ.

1 Tɛsoloniɔn 3:6

Jɛ Timote sɔ-a dě mɔ̀ we̍ wɛ̀ ɔ̍ ji̍-a nɔ̌ à we̍-ɛ, ɔ̍ ja à pɔ̀n chɛ̀ dǒ mɔ̀-a wlùh gbaɛ ke jbɛɛ blě-ɛ we̍. Ɔ̍ sèàɛ̍ à wlùh ka pò à tìh sǐ dǒ mɔ̀ wlì i̍-ɛ, wɛ̀ mɔ̀-a nu̍-a mɔna̍ ti̍ kli̍hgbɛ̍ we̍-ɛ. Ɔ̍ la̍ ka mɔ̀-a tɔ̌n-a nu̍-a à nu̍-ɛ à iě-a mɔ̀ jě-ɛ, kǎ à tɔ̌n-a nu̍ mɔ̀ nu̍-ɛ ke.