1 Tɛsoloniɔn 3:3 - Ku̍o̍ Delee 1999

³ Wɛ̀ klě jě-ɛ ɛ̀ ji̍-aɛ, ɛ̍-ɛ je̍e mɔ̀ i̍ kà. Mɔ̀-a chɛ̀ juo ka klě jě-ɛ kaɛn la ɛ̍ kɔn ɛ̍ iě-a à we̍ ji̍-ɛ.

1 Tɛsoloniɔn 3:3 Iomraidhean Croise

Pɔ̀n Chɛ̀ Luu To-a La 21:12

Jɛ pò ìh kli̍hgbɛ̍ la i̍h iě nɛ-ɛ, mɔ̀-a mu̍ gbɛ̍n-ɛ, u̍h iě mɔ̀ klě jě-e. Nɛ̀ u̍h-a mu̍ mɔ̀ sàwi̍h sì la̍ gba̍ dě wɛɛ sà gbòᵻ sɔ̀n i̍, wɛ̀ u̍h iě mɔ̀ kasooᵻ i̍ po̍. Ǎn tìh-ɛ, u̍h-a mu̍ mɔ̀ dǒ blǔh baaᵻ ke kɔ̀mla̍ᵻ jǔ gba̍.

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 2:25

Ɛ̍ bo Depe bla̍ dǒ ɔ̍ pùn, ɔ̍ la̍a̍, ‘Ǎn jě Joi ma̍u̍ ma̍u̍ dǒ ǐn jlǐhwai. Ka ɔ̍ nɛ-a dǒ ǎn sɔ̍n chɛ̀ we̍-ɛ, nɛ̀ dɛ̍ se̍ ǐn tǔn-ɛ bɛ̌ɛ.

Nu̍-dɛ̍ᵻ 21:11

Wɛ̀ ɔ̍ ji̍ dě àɔ̀ we̍, iě ɔ̍ dǔ Pɔɔ-a wlu̍h-u. Wɛ̀ ɔ̍ nu̍ wlu̍h-a chɛ̀ iě ɔ̍ sa̍n ɔ̍ chɛ̀-a bu̍hᵻ ke ɔ̍ sɔ̍nᵻ. Wɛ̀ ɔ̍ la̍a̍, “Nyɔsoa-a Sùù la̍a̍, ‘Nyɔ̍ ɔ̀ kɔn-a wlu̍h la-a, kǎ Juu nyɔ̍ nɛ-a Juluslɛn-ɛ u̍h-a mu̍ ɔ̍ sa̍n-a nu̍, wɛ̀ u̍h iě ɔ̍ ùh se̍-a Juu nyɔ̍-ɛ kwlǎ sà-ɛ.’ ”

Nu̍-dɛ̍ᵻ 21:13

Wɛ̀ ɔ̍ la̍a̍, “Dɛ̍nu̍ mɔ̀-a nu̍ la̍ fìn-ɛ, iě mɔ̀-a nyni i̍ ǎn pɔluh jii̍ ɛ? Juluslɛn ǎn mu̍-aɛ, ɛ̍ se̍ ǎn sa̍n-a tìh nɛ due ǐn se̍ gbàɛ̀, jɛ ǐn gbàɛ̀ mɛ̌-ɛ tìh-a chɛ̀ ke dǒ Joi Jusu-a nynɛ̌-a tìh we̍.”

Nu̍-dɛ̍ᵻ 9:16

Nɛ̀ ǎn mu̍ ɛ̍ ɔ̍ i̍ to ka ɔ̍ mu̍-a jua̍i̍ sàɛ̀-ɛ nu̍ dɛ̍blɔ dǒ ǎn nynɛ̌-a tìh we̍-ɛ.”

Wloma 5:3

Ɛ̍ se̍-o siee, nɛ̀ à nmɔ-ɛ dě à jua̍i̍ sàɛ̀ di̍i̍ ke, dɛ̍nu̍ɛ, à juo ɛ̍-ɛ jua̍i̍ sàɛ̀-a ku̍ i̍ à dě klì i̍.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

1 Kɔwlɛntiɔn 4:9

Mɔ̍ɔ, nɛ̀ na̍a̍ àɔ̀ gba̍tòà bo Nyɔsoa wɔ̀-ɛ de̍ dǒ dɛ̍ᵻ kli̍hgbɛ̍ we̍. Ka nyɔ̍ gbɛ̍n nyɔ̍ kàn wɛ̀ u̍h-a gba̍ u̍h dbǎ la̍ dǒ gbaɛ̍we̍-ɛ, kǎ à tìh nɛ, iě Nyɔsoa-a ǐnchɔ̀ ke nyɔ̍ kli̍hgbɛ̍-a jě àɔ̀ i̍.

Ɛfɛsɔ 3:13

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.

Felepai 1:28

Mɔ̀ bɔ̌ mɔ̀-a nyɛ̌-nyɔ̍ jǔ ple̍-ɛ tà kli̍hgbɛ̍. Ɛ̍-ɛ bo ɛ̀ mu̍ ɛ̍ we̍i̍ flɔn-ɛ dě u̍h we̍ ka u̍h nɔ̀ɔ̍, u̍h-a mu̍-aa gbɔ̀lɔ-ɛ, jɛ mɔ̀ɔ̍ bo ùh-a mu̍-a pǔh-ɛ. Nyɔsoa bo ɔ̀ mu̍ mɔ̀ pǔh-i.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

1 Tɛsoloniɔn 5:9

Dɛ̍nu̍ɛ, Nyɔsoa se̍ à chèɛ̀ tba̍ ɔ̍ iě à jlu̍h-u gbǎ-ɛ, jɛ ɔ̍ iě à pǔh-i dě à Joi Jusu Klai ja̍a̍ dɛbo.

2 Tɛsoloniɔn 1:4

Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.