1 Tɛsoloniɔn 3:2 - Ku̍o̍ Delee 1999

² wɛ̀ à dbo̍ à de̍di̍i̍ Timote nya̍, ɔ̀ nu̍-a Nyɔsoa-a pòi̍ju dǒ Klai-a pɔ̀n chɛ̀ bla̍-a we̍-ɛ. À dbo̍ ɔ̍-ɛ, ɔ̍ iě mɔ̀ gbǐh nyǐ, wɛ̀ ɔ̍ iě mɔ̀ i̍ kui dě mɔ̀-a wlùh gbaɛ di̍i̍.

1 Tɛsoloniɔn 3:2 Iomraidhean Croise

Nu̍-dɛ̍ᵻ 16:1

Pɔɔ mu̍ Dɛɛbi, dǒ ɔ̍ waɛn ɔ̍ mu̍ Lesla. Dǒ Jusu-a kòà due tǐn, u̍h-a dǎɛ ɔ̍ Timote. Ɔ̍ de̍ nu̍ Juu nynɔ̌ iě ɔ̍ nu̍ Nyɔsoa nyɔ̍. Jɛ ɔ̍ baa nu̍ Klii jǔ.

Nu̍-dɛ̍ᵻ 16:5

Sɔ chɔchi̍h nyɔ̍-a dǔ ja̍i̍ dǒ wlùh gbaɛ we̍. Wɛ̀ ka sɔ̀n-a sɛ̀n-aɛ, iě i̍h-a gbǎ kɛ̍n.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

Wloma 16:21

Timote ɔ̀ ke ǐn ke à nu̍-a dbo̍ tu̍ due-ɛ, ɔ̍ la̍ ɔ̍ sà mɔ̀ nyinɔ̍ i̍. Nɛ̀ Lusiɔ ke, Jeesɛn ke, Sosepata ùh nu̍-a ǐn blǐ nynuu̍-ɛ, u̍h la̍ u̍h sà mɔ̀ nyinɔ̍ i̍ ke.

1 Kɔwlɛntiɔn 3:10

Nyɔsoa-a blɛ nɛ-ɛ bo ɛ̀ nu̍ ɛ̍ iě ǐn kàn gbò ka slɛ̌ kɔn nyɔ̍-ɛ, wɛ̀ nyɔ̍ dɔɔ-a poe ɛ̍ gbò kɛ̍n. Jɛ jɔ-ɛ, nɛ̀ ɔ̍ kɔn ɔ̍ iě nɛnɛ̌ nu̍ dǒ ɔ̍ naɛ gbò po̍ la̍.

1 Kɔwlɛntiɔn 4:17

Nɛ̀ɛ̍, Timote ɔ̀ nu̍-a ǎn jǔ dě Joi-a dbo̍ nu̍-ɛ di̍i̍ iě ǐn kma-a ɔ̍ tìh wɛ̀ ǐn tè-a ɔ̍ wlì-ɛ, ɔ̍-ɔ bo ǐn dbo̍ dě mɔ̀ we̍. Ǐn dbo̍ ɔ̍ ɔ̍ iě mɔ̀ tìh wlì i̍ sǐi ka ǎn kmɔ̌ nɛ-a dě Klai ja̍a̍, iě ǎn poe-a ɛ̍ nyɔ̍ nǎ dě chɔchi̍h nyɔ̍ kli̍hgbɛ̍ nynɛ̌-ɛ.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

2 Kɔwlɛntiɔn 2:12

Ti̍ ǐn ji̍-a dǒ Tloa wlɔ̀ di̍i̍ iě-a pɔ̀n chɛ̀ ɛ̀ kɔ̍-a dǒ Klai pùn i̍-ɛ bla̍-ɛ, Joi pɔ̀ni ǎn wìè iě-e ɔ̍ dbo̍ nui.

2 Kɔwlɛntiɔn 2:13

Jɛ ǎn wlùh se̍ i̍ tè. Dɛ̍nu̍ɛ, ǐn se̍ à de̍di̍i̍ Taitɔ jě deě. Ɛ̍ tìh ǐn po̍ ùh nɛ-a doǒ-ɛ klàe̍ wɛ̀ ǐn mu̍ dě Mɛsedonia bloa̍ kɛ̍n.

2 Kɔwlɛntiɔn 8:23

Taitɔ nɔ̀ɔ̍-ɛ, ɔ̍ nu̍ ǐn ba̍ iě à dbee mɔ̀ jǔ. À de̍di̍i̍ᵻ nɔ̀ɔ̍-ɛ, u̍h-u chɔchi̍h nyɔ̍-a tu̍owli po̍ nyɔ̍, iě u̍h-a nyǐ Klai tìh-a i̍ bɛ̌-ɛ.

Felepai 1:25

Ǎn chɛ̀ ǎn dlǔ jli̍ wɛ̀ dǒ ɛ̍ we̍, ǐn juo ɛ̍-ɛ ǎn mu̍ kmɔ̌ nɛ dǒ mɔ̀ kli̍hgbɛ̍ we̍. Ǎn mu̍ mɔ̀ we̍ gbǎ-a dluwe̍ gba̍, wɛ̀ mɔ̀ iě nmɔ mɔ̀ iě ku̍ dě wlùh gbaɛ di̍i̍.

Kalase 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ.

Kalase 1:7

À tìh kma nyɔ̍ Ipafla, ɔ̀ nu̍-a à ba̍ pòi̍ju ɔ̀ nu̍-a wlùh gbaɛ nyɔ̍ dǒ à wɔ̀ɔ̀ dě Klai-a dbo̍ nu̍-ɛ di̍i̍-ɛ, ɔ̍ bo mɔ̀ cheǎn-ɛ ɛ̍ we̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

Kalase 4:9

Ɔ̍ ke Onɛsemɔ-a ji̍. Mɔ̀-a chɛ̀-a nyɔ̍ due bo, à de̍di̍i̍ kɔn tìh à kma-a iě à tè-a wlì-ɛ bo. U̍hɔ̍ɔ̍ bo ùh-a mu̍ mɔ̀ dɛ̍ᵻ kli̍hgbɛ̍ ìh-a gbǎ-a nɔ̀ɔ̍-ɛ wlùh sèàɛ̍.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

2 Tɛsoloniɔn 2:17

ɔ̍ iě mɔ̀-a wlùh fùka, wɛ̀ ɔ̍ iě mɔ̀ gbǐh ku̍u̍ po̍ dě dbo̍ chɛ̀ kli̍hgbɛ̍ ke wlu̍-ɛ di̍i̍.