1 Tɛsoloniɔn 3:12 - Ku̍o̍ Delee 1999

¹² Ǎn sà nǐ wɔ̍n dɛ ke, Joi iě mɔ̀-a we̍ jbɛɛ kɛ̍n poe, ɛ̍ ke dǒ nyɔ̍ kli̍hgbɛ̍ we̍ ke, ɛ̀ kɔn ba̍ à nu̍-a mɔ̀ɔ̍ jbɛɛ-ɛ.

1 Tɛsoloniɔn 3:12 Iomraidhean Croise

Matio 22:39

Nɛ̀ ɛ̀ po̍-a sɔɔ̌n-ɛ, ɛ̍ ke ɛ̍ wɔ̀ɛ-ɛ. Ɛ̍ la̍a̍, ‘Jbɛɛ ìn pònyɔ̍-ɔ ka àn chɛ̀-ɛ.’

Matio 7:12

“Dɛ̍ mɔ̀ jbɛɛ-a nyɔ̍ iě-a mɔ̀ pùn nu̍-ɛ, ɛ̍ bo mɔ̀ iě nyɔ̍ pùn nu̍ ke. Ɛ̍ bo ɛ̀ nu̍ Nyɔsoa-a telě, wɛ̀ ɔ̍ tu̍owli po̍ nyɔ̍ poe ɛ̍ nǎ dɛ ke.”

Pɔ̀n Chɛ̀ Luu To-a La 17:5

Wɛ̀ gba̍tòà la̍a̍ dě Joi we̍, “Poe à wlùh gbaɛ kɛ̍n.”

Wloma 13:8

Bɔ̌ nyɔ̍-o-nyɔ̍-a gba̍ gbɛ̍n-ɛ. We̍ jbɛɛ-ɛ tɛ̀ bo ǐn sà-o. Dɛ̍nu̍ɛ, nyɔ̍ ɔ̀ jbɛɛ-a ɔ̍ pònyɔ̍-ɛ, nɛ̀ ɔ̍ jě telě kli̍hgbɛ̍ dɛ̍ɛ̍ wɛ̀.

2 Kɔwlɛntiɔn 9:10

Nyɔsoa bo ɔ̀ nyǐ po̍-dɛ̍ᵻ gbà nyɔ̍ dɛ̍ᵻ jɔ̌. Ɔ̍-ɔ due laa̍ bo ɔ̀ nyǐ nyɔ̍ kli̍hgbɛ̍ di̍-dɛ̍ᵻ. Ɔ̍ mu̍ mɔ̀ dɛ̍ᵻ jɔ̌ kli̍hgbɛ̍ nyǐ, wɛ̀ ɔ̍ iě ɛ̍ nu̍ i̍h iě ku̍, wɛ̀ ɔ̍ iě mɔ̀-a nu̍-dɛ̍ᵻ chɛ̀-a jě-e dɛ̍ᵻ i̍ tìè-e.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

1 Tɛsoloniɔn 2:8

À mɔ̀ɔ̍ jbɛɛ tìh sɔ à se̍ mɔ̀ Nyɔsoa-a pɔ̀n chɛ̀ nɛ due jii̍ gblè-ɛ i̍ pɔ̀n, jɛ à chɛ̀-ɛ kmɔ̌ bo à pɔ̀n mɔ̀ jii̍ gblè-ɛ i̍ ke. Dɛ̍nu̍ɛ, mɔ̀-a dɛ bla̍ à gbǎ di̍i̍.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

Chiin 1:17

Nyǐ-dɛ̍ᵻ kli̍hgbɛ̍ ìh nmɔ-a jii̍ iě ìh wɛ̀-a gblɛ̍ja̍i̍-ɛ, i̍h sɔ dě ja̍i̍wlɔ̀. I̍h-a sɔ dě Baa Nyɔsoa ɔ̀ nu̍-a dɛ̍ᵻ kli̍hgbɛ̍ ìh blě-a sɔ̀npli dě ja̍i̍-ɛ we̍. Ɔ̍-ɔ sàɛ̀ wɛ̀ ɔ̍ iě kwile-a chɛ̀ blě dě sàɛ̀-ɛ di̍i̍.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.