1 Tɛsoloniɔn 3:11 - Ku̍o̍ Delee 1999

¹¹ Ǎn sà nǐ wɔ̍n, à Baa Nyɔsoa-a chɛ̀ ke à Joi Jusu iě à wìè wɔ̍n flɔn-ɛ, wɛ̀ à iě dě mɔ̀ we̍ ji̍.

1 Tɛsoloniɔn 3:11 Iomraidhean Croise

Matio 6:14

“Gblɛ̍n sɔ̀ɛ̀n nyɔ̍ duuh nu̍-a mɔ̀ pùn-ɛ, pò mɔ̀ tǎli i̍-ɛ, nɛ̀ mɔ̀ Baa nɛ-a dě ja̍i̍wlɔ̀-ɛ, ɔ̍ mu̍ mɔ̀ naɛ-a tìh i̍ tǎli ke.

Matio 6:18

Wɛ̀ nyɔ̍-ɔ je̍e-o dɛ̍ i̍ juo ka àn po̍-a jlǔh-ɛ. Jɛ ìn Baa Nyɔsoa nɛ-a dě kwile-ɛ bo ɔ̀ iě ɛ̍ i̍ juo. Nɛ̀ ìn Baa ɔ̀ jě-a ɛ̍ dě kwile-ɛ, nɛ̀ ɔ̍ mu̍ àn jě-dɛ̍ m̀ nyǐ.”

Matio 6:26

Mɔ̀ gbɛ̀n na̍wɛ̍ᵻ la ja̍ mɔ̀ ìè jě. I̍h-i nu̍ klèᵻ, wɛ̀ i̍h iě kɔɔ chɛ̍n, wɛ̀ i̍h iě kɔɔ gbùlòᵻá chɛ̀ blě. Jɛ i̍h bo mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ nu̍ ɛ̍ wɛ̀ i̍h-a jě di̍-dɛ̍. Nɛ̀ mɔ̀ɔ̍ juh gbǎ-a dɛ̍kɛ̍n ùh sìì-a na̍wɛ̍ᵻɛ́, nɛ̀ à ji̍ mɔ̀ jě lě.

Matio 6:32

Nyɔ̍ ùh se̍-a Nyɔsoa juo-ɛ, u̍h bo ìh la i̍h-a sèò-a nu̍. Jɛ mɔ̀ Baa nɛ-a dě ja̍i̍wlɔ̀-ɛ, ɔ̍ juo i̍h ka mɔ̀ kɔn mɔ̀ iě-a ìh kli̍hgbɛ̍ la blě-ɛ.

Matio 6:4

Ɛ̍ tìh-ɛ, po̍ àn nu̍-dɛ̍ dě kwile-e. Nɛ̀ ìn Baa Nyɔsoa ɔ̀ jě-a ɛ̍ dě kwile-ɛ, àn mu̍ ɔ̍ dɛ̍ kwa̍a̍ jě.”

Matio 6:6

Jɛ pò ìn ja ba̍le-ɛ, nɛ̀ ìn chɛn gbɔ̍i̍, ìè dě gbòju di̍i̍ pa̍. Nɛ̀ ìn ka̍n-o, wɛ̀ ìè ìn Baa Nyɔsoa ɔ̀ nɛ-a dě kwile-ɛ ba̍le-ɛ dǔ. Nɛ̀ ìn Baa ɔ̀ jě-a m̀ dě kwile-ɛ, àn mu̍ ɔ̍ dɛ̍ kwa̍a̍ jě.

Pɔ̀n Chɛ̀ Maɛ To-a La 1:3

Nyɔ̍-a we̍le-e dě kwlǎslò we̍, ɔ̍ la̍a̍, ‘Mɔ̀ po̍ wìè gba̍a̍ dǒ Joi we̍, mɔ̀ slɛ̌-ɛ ɛ̍ i̍ dǒ ɔ̍ we̍.’ ”

Pɔ̀n Chɛ̀ Luu To-a La 12:30

Nyɔ̍ ùh se̍-a Nyɔsoa juo-ɛ, u̍h bo ìh la i̍h-a sèò-a nu̍. Jɛ mɔ̀ Baa juo i̍h ka mɔ̀ kɔn mɔ̀ iě-a i̍h blě-ɛ.

Pɔ̀n Chɛ̀ Luu To-a La 12:32

“Mɔ̀ɔ̍ wei la, mɔ̀ bɔ̌ faɔn ple̍-ɛ. Dɛ̍nu̍ɛ, ɛ̍ nu̍ mɔ̀ Baa-a wlùh dɛ̍ mɔ̀ ke ɔ̍ iě ɔ̍ kmɔ̌ wlu̍ i̍ kɔn.

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Wloma 1:3

Ɛ̍ tba̍ dǒ ɔ̍ Jǔ ɔ̀ nu̍-a à Joi Jusu Klai-ɛ pùn i̍, ɔ̀ nu̍-a Depe-a tloemlai dě nyi̍ɔ̍ku di̍i̍-ɛ.

2 Kɔwlɛntiɔn 6:18

Ǎn mu̍ mɔ̀ baa nu̍, wɛ̀ mɔ̀ iě ǎn jɔ̍gbauᵻ nynuu̍ ke nynɔ̌gbaɔᵻ nynuu̍ nu̍. Kǎ mɔ̍ Joi Ɔ̀ Blě-a Gbǐh Kli̍hgbɛ̍-ɛ dǎ.”

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kalase 1:2

Ɛ̍ mu̍ dě Nyɔsoa nyɔ̍ ùh nu̍-a à de̍di̍i̍ᵻ ùh gbaɛ-a Klai wlùh dǒ Kalase wlɔ̀ di̍i̍-ɛ we̍. Ǎn sà nǐ wɔ̍n, à Baa Nyɔsoa-a blɛ ke ɔ̍ wlùh-a i̍ tè-ɛ iě dǒ mɔ̀ we̍ nɛ.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 4:16

Dɛ̍nu̍ɛ, Joi-a chɛ̀-a gbǎ-a mu̍ dě ja̍i̍wlɔ̀ sɔ, wɛ̀ telě iě nyǐ-ɛ dǒ plǎn-a wlu̍ we̍. Wɛ̀ Nyɔsoa-a ǐnchɔ̀-a dlǔtu iě dǎ, wɛ̀ Nyɔsoa-a dɔ̍gbɛ̍ iě wlu. Nɛ̀ nyɔ̍ ùh mɛ̌-a dě Klai ja̍a̍-ɛ, u̍h-a mu̍-e wlǔh sàǐtòò.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

2 Tɛsoloniɔn 3:16

Ǎn sà nǐ wɔ̍n Joi ɔ̀ nyǐ-a nyɔ̍ wlùh-a i̍ tè-ɛɛ, ɔ̍ chɛ̀-a gbǎ iě mɔ̀ wlùh-a i̍ tè-ɛ nyǐ ti̍ kli̍hgbɛ̍ we̍ tà kli̍hgbɛ̍. Joi nɛ mɔ̀ kli̍hgbɛ̍ we̍ o.

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

Wlɛfeleseɔn 21:3

Wɛ̀ ǐn wɔ̌n we̍le wlu̍ ɛ̍ sɔ dě nynɛ̌ gbalǎ kɛ̍n, ɛ̍ la̍a̍, “Nyɔsoa-a tèla̍ nɛ nɔ̌ wlɔ̀-nyɔ̍ we̍ wɛ̀. Ɔ̍ mu̍ la̍ dě u̍h we̍ tǐn, wɛ̀ u̍h iě ɔ̍ nyɔ̍ nu̍. Nyɔsoa-a chɛ̀-a mu̍ dǒ u̍h we̍ nɛ.