1 Tɛsoloniɔn 2:9 - Ku̍o̍ Delee 1999

⁹ À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Tɛsoloniɔn 2:9 Iomraidhean Croise

Pɔ̀n Chɛ̀ Luu To-a La 18:7

Doǒ bo Nyɔsoa-a nyɔ̍ ùh-a ba̍le-a ɔ̍ wlù ke sɔ̀n-ɛ, ɔ̍ se̍ u̍h kɛ̀n nyǐ-i mu̍ ae? Àe̍e̍ nɛ̀ ɔ̍ mu̍ tlɛ̀n dǒ u̍h sɔ̍n we̍ po̍ la̍-a ae?

Pɔ̀n Chɛ̀ Luu To-a La 2:37

Ɔ̍ nu̍ tèwànynɔ̌ te̍e̍ iě ɔ̍ sɔ̀nᵻ nu̍ kwela mɛ̀ta̍a̍n jɔ̌ nyìɛ̍ (84). Jɛ nɛ̀ ɔ̍-ɔ sɔ dě slaǎ sà gbò sɔ̀n kleǐn. Nɛ̀ kǎ ɔ̍ po̍ jlǔh iě ɔ̍ sà wɛɛ ɔ̍ ba̍le wlù ke sɔ̀n.

Nu̍-dɛ̍ᵻ 18:3

Wɛ̀ ɔ̍ tè dǒ u̍h we̍ i̍, iě ɔ̍ ke u̍h-a tba̍ wɛ̀ɛ̀ sɔ̍n wlù-a jlii̍, dɛ̍nu̍ɛ, dbo̍ tu̍ laa̍ bo ɔ̍ jěe dɛ̍ i̍ ke se̍e̍.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Nu̍-dɛ̍ᵻ 20:31

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍. Mɔ̀ nu̍ wlùh, dǒ sɔ̀nᵻ ta̍a̍n di̍i̍ kǎ ǎn sàɛ̀ jua̍i̍ sǔh iě ǎn po̍ mɔ̀-a due due nǎ wlù ke sɔ̀n.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

Wloma 15:16

iě Jusu Klai-a pòi̍ju nu̍ dǒ ùh se̍-a Juu nyɔ̍-ɛ we̍. Ǐn wɔ̀ slaǎ sà nyɔ̍ ɔ̀ bla̍-a Nyɔsoa-a pɔ̀n chɛ̀-ɛ. Wɛ̀ ùh se̍-a Juu nyɔ̍-ɛ u̍h iě nyǐ-dɛ̍ ɛ̀ nmɔ-a dě Nyɔsoa jlǐh i̍ iě ɔ̍ Sùù tè-a ɛ̍ pɔ̌ dǒ ɔ̍ we̍-ɛ wɔ̀.

Wloma 15:19

Ɔ̍ nu̍ ɛ̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ nu̍-ɛa gbǐh ke Nyɔsoa-a Sùù-a gbǐh we̍. Wɛ̀ sɔ dǒ Juluslɛn wlɔ̀ di̍i̍ ìè Ilewlekɔn fɔɔ nyni̍-ɛ, iě ǐn bla̍-e Klai-a pɔ̀n chɛ̀ we̍i̍ wɛ̀ kli̍hgbɛ̍.

1 Kɔwlɛntiɔn 4:12

À nu̍ kmu-u dbo̍ dǒ à chɛ̀-a sɔ̍n gbǎ we̍. Pò nyɔ̍ chlèe àɔ̀-ɛ, nɛ̀ à sà-ɛ u̍h nǐ wɔ̍n. Pò u̍h jě-e àɔ̀ klě-ɛ, nɛ̀ à ku̍-e klì i̍ kleǐn.

1 Kɔwlɛntiɔn 9:15

Jih ǐn blaɛ-a i̍ de iě-a nu̍-ɛ, nɛ̌ se̍a i̍h-a dɛ̍ nu̍. Ǐn se̍ mɔ̀ chlǐh-dɛ̍ la we̍ chlǐh mɔ̀ iě i̍h-a dɛ̍-o-dɛ̍ nu̍ dǒ ǐn we̍. Ɛ̍ nmɔ jii̍ iě mɛ̌ duedɛ ɛ̍ sìì dɛ̍ mu̍-a ǐn bu̍hᵻ wlù i̍ poe-ɛ, wɛ̀ nyɔ̍ dɔɔ iě ɛ̍ ǐn kwa̍a̍ sà.

1 Kɔwlɛntiɔn 9:18

Nɛ̀ɛ̍, dɛ̍ɛ pɛ̌ɛ la ǎn mu̍ ka jě ɛ? Ɛ̀ ǎn mu̍-a jě-ɛ, ɛ̍ nu̍ iě pɔ̀n chɛ̀ la bla̍ bu̍ɛ̍i̍, dɛ̍nu̍ɛ, dɛ̍ᵻ pɔ̀n chɛ̀ bla̍ nyɔ̍ blaɛ-a i̍ u̍h iě-a jě-ɛ, i̍h-i bo nɛ̌ gbɛ̍n i̍ kli̍hgbɛ̍.

1 Kɔwlɛntiɔn 9:4

Nɛ̀ na̍ à se̍ i̍ blaɛ à iě niɛ̍ nǎ dě dbo̍ la di̍i̍ ae?

2 Kɔwlɛntiɔn 11:27

Ǐn nu̍ dbo̍ iě ǐn sàɛ̀ jua̍i̍ dɛ̍ dɔu. Ǐn se̍ mɔ̌-ɔ nyinɔ̍ kɔn dǒ wlù wǐh dɔu di̍i̍. Mɔ̌ ke nǐ na̍ tɔ̌n-a nu̍ m. Ǐn se̍ di̍-dɛ̍ ke pɛ̌na̍ ke pa̍-dɛ̍ blě sɔ̀ngbɛ̀jɛ̀.

2 Kɔwlɛntiɔn 11:9

Ti̍ ǐn nɛ-a dě mɔ̀ we̍ ǎn pɔ̀n-a wlǐ-ɛ, ǐn se̍ mɔ̀ wɔ̍ɔ̍n i̍ bɛ̌ɛ ǎn we̍ gbǎ tìh. À de̍di̍i̍ᵻ ùh sɔ-a nɔ̌ Mɛsedonia bloa̍ kɛ̍n-ɛ, u̍h ja ǐn dɛ̍ᵻ kli̍hgbɛ̍ ǐn nɛ-a blě ka̍-ɛ. Ka à nu̍-a sàǐtòò-ɛ, kǎ à mu̍ nu̍ dě nya̍. Ǐn se̍ mɔ̀ dɛ̍ i̍ pɔ̀n-ɛ mu̍.

2 Kɔwlɛntiɔn 6:5

À bla̍-aɛ, à poe-ɛ kasoo iě à poe-ɛ slɛ̀ dlǔ i̍. À nu̍ kmu-u dbo̍, à se̍ mɔ̌-ɔ nyinɔ̍ kɔn iě mɔ̌-a nu̍ àɔ̀.

Felepai 4:16

Ti̍ ǐn nɛ-a dǒ Tɛsolonaika wlɔ̀ di̍i̍-ɛ, dɛ̍ᵻ ǐn nɛ-a blě ka̍-ɛ mɔ̀ dbo̍ i̍h ǐn we̍. Mɔ̀ se̍ ɛ̍ nu̍-ɛa gbɔ̍ due gbài̍ nu̍.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 2:2

Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

1 Tɛsoloniɔn 2:6

À se̍ dɛ̍ we̍ fɔ̀n nyɔ̍-o-nyɔ̍ iě à tìhwe̍ po̍, mɔ̀ɔ̍ àe̍e̍ nyɔ̍ duuh.

1 Tɛsoloniɔn 3:10

Wlù ke sɔ̀n-ɛ, à tèle ɔ̍ i̍ dǒ à pɔluh kli̍hgbɛ̍ we̍ mɔ̀ ke à iě jlǐhɛ̍ tba̍-ɛ, wɛ̀ tà mɔ̀-a wlùh gbaɛ se̍-a nyni̍-ɛ, à iě ɛ̍ doǒ nyni̍-i.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

1 Timote 5:5

Nynɔ̌ ɔ̀ nu̍-a tèwànynɔ̌ teěte ɔ̀ se̍-a dǒ we̍ i̍ gbɛ̀n nyɔ̍ kɔn-ɛ, nɛ̀ Nyɔsoa bo ɔ̍ kɔ̍ wlùh i̍. Wɛ̀ ɔ̍ gba̍ ba̍le-ɛ dluwe̍ wlù ke sɔ̀n, Nyɔsoa iě ɔ̍ we̍ gbǎ.

2 Timote 1:3

Ǎn dbee Nyɔsoa jǔ dǒ kɛ̍-ɛ wɛ̀ wlùh we̍, kǎ ǐn baaᵻ nu̍. Ka ǎn ba̍le-a wlù ke sɔ̀n-ɛ, kǎ ǎn po̍ ɔ̍ tlɔ̌ ke ma̍u̍ dǒ àn tìh we̍.