1 Tɛsoloniɔn 2:7 - Ku̍o̍ Delee 1999

⁷ Ka à nu̍-a Klai-a gba̍tòà-ɛ, à kɔn à iě mɔ̀ dɛ̍ jbǎ-ɛa chɛ̀ de. Jɛ ti̍ à nɛ-a dě mɔ̀ we̍-ɛ, nɛ̀ à gbɛ̍n gba̍n ka gbàɔ̀n nynɔ̌-a gbɛ̀n dǒ ɔ̍ nynuu̍ we̍ i̍-ɛ.

1 Tɛsoloniɔn 2:7 Iomraidhean Croise

Nu̍-dɛ̍ᵻ 13:18

Wɛ̀ ɔ̍ gbɛ̍n wlùh i̍ dǒ u̍h we̍ dǒ sɔ̀nᵻá kwela nyìɛ̍ di̍i̍ dě kwlǎslò we̍.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 9:22

Pò ǐn jɛɛ gbǐh-a mɛ̌-nyɔ̍-ɛ, nɛ̀ ǐn nu̍ ǎn chɛ̀ gbǐh-a mɛ̌-nyɔ̍ we̍i̍. Wɛ̀ ɛ̍ iě kmɔ̌ nɛ u̍h-a wlùh iě fèàɛ̀ dě Klai we̍. Ǎn nu̍ dɛ̍ᵻ kli̍hgbɛ̍ ǐn kɔn iě-a nu̍-ɛ, wɛ̀ ɛ̍ iě kmɔ̌ nɛ iě nyɔ̍ duuh pǔh-i gbɔ̀gbɔ̀.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

Kelesea 4:19

Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.

1 Tɛsoloniɔn 2:11

Mɔ̀ juo ka à nu̍-a mɔ̀ sɔ̍nᵻ we̍ i̍ naɛ due due-ɛ, ka baa-a naɛ ɔ̍ nynuu̍ sɔ̍nᵻ we̍ i̍-ɛ.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.