1 Tɛsoloniɔn 2:6 - Ku̍o̍ Delee 1999

⁶ À se̍ dɛ̍ we̍ fɔ̀n nyɔ̍-o-nyɔ̍ iě à tìhwe̍ po̍, mɔ̀ɔ̍ àe̍e̍ nyɔ̍ duuh.

1 Tɛsoloniɔn 2:6 Iomraidhean Croise

Chɔɔn 12:43

Dɛ̍nu̍ɛ, wlɔ̀ nyi̍ɔ̍ iě u̍h tìhwe̍ po̍, ɛ̍ bo ɛ̀ po̍ u̍h gbǐh ɛ̍ sìì Nyɔsoa iě u̍h tìhwe̍ po̍.

Chɔɔn 5:41

“Ǐn se̍ pɔ̀n nyi̍ɔ̍ iě ǐn tìhwe̍ po̍.

Chɔɔn 5:44

Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

1 Kɔwlɛntiɔn 11:9

Nɛ̀ jɔ̍gbau wɔ̍ se̍ nui-ɛ nynɔ̌gbaɔ-a tìh, jɛ nynɔ̌gbaɔ nui-ɛ jɔ̍gbau-a tìh.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

Kelesea 1:10

Kaka la̍ ǎn pɔ̀n iě-e nyɔ̍ jlǐh i̍ nmɔ ɛɛ, àe̍e̍ iě dě Nyɔsoa jlǐh i̍ nmɔ ae? Àe̍e̍ ǎn fɔ̀n dɛ̍ we̍ iě nyɔ̍-a wlùh i̍ pɛ̌n-ɛ ae? Pò ǐn ja nyɔ̍-a wlùh i̍ pɛ̌n-ɛ i̍ pɔ̀n-ɛ, nɛ̀ ǐn se̍ Klai-a pòi̍ju nu̍ mu̍ de.

Kelesea 5:26

Mɔ̀ à bɔ̌ à chɛ̀ i̍ bɛ̌-ɛ. Nɛ̀ mɔ̀ à bɔ̌ à ba̍ᵻ jlu̍h di̍i̍ i̍ po̍-ɛ, mɔ̀ à bɔ̌ wlɛ̀n we̍ nui-ɛ.

Kelesea 6:13

Nyɔ̍-a chɛ̀ ùh gbǎ-a plɔ̀n-ɛ, u̍h-u jě telě dɛ̍ɛ̍. Jɛ u̍h-a pɔ̀n mɔ̀ iě plɔ̀n gbǎ wɛ̀ u̍h iě mɔ̀-a plɔ̀n gbǎ dɛ i̍ blɔ̌-ɛ.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Timote 5:17

Nɛ̀ chɔchi̍h-a nyɔ̍ klaaᵻ ùh-a naɛ-a nyɔ̍-ɔ chɛ̀ka-ɛ, ɛ̍ blaɛ i̍ u̍h-a jě-dɛ̍ iě i̍ bɛ̌. Jɛ u̍h-a juh-a po̍-ae gbǐh dǒ Nyɔsoa tìh bla̍-a ke nǎ po̍ la̍-a bo ǎn dǎ gbe̍i̍n.