1 Tɛsoloniɔn 2:4 - Ku̍o̍ Delee 1999

⁴ Jɛ Nyɔsoa-a chɛ̀ bo ɔ̀ wɔ̌ɛn à tìh i̍, iě ɔ̍ tè pɔ̀n chɛ̀ la ɛ̍ tìh dǒ à dlǔ i̍ à iě ɛ̍ bla̍. Ɛ̍ kɔn à wlu, iě Nyɔsoa ɔ̀ chlɛ̌-a dě à wlùh we̍ i̍-ɛ, wɛ̀ à iě ɔ̍ pɔluh i̍ tè-e. Jɛ à se̍ nyi̍ɔ̍-a pɔluh i̍ tè-e dɛ̍ we̍ fɔ̀n.

1 Tɛsoloniɔn 2:4 Iomraidhean Croise

Pɔ̀n Chɛ̀ Luu To-a La 12:42

Wɛ̀ Joi la̍a̍, “Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Luu To-a La 16:11

Pò mɔ̀ se̍ gba̍n gbɛ̍n dǒ kmɔ̌-a pàn-dɛ̍ᵻ we̍-ɛ, nɛ̀ ka nyɔ̍-a mu̍ mɔ̀ pàn-dɛ̍ᵻá chɛ̀ naɛ kwa̍ tèè-ɛ nu̍ ɛ?

Chɔɔn 21:17

Ɛ̀ po̍-a ta̍a̍n-ɛ, Jusu la̍a̍, “Chɔɔn-a jǔ Samo, ìn jbɛɛ m ae?” Sɔ ɛ̍ po̍ Pitɛ-a wlùh seɔn, dɛ̍nu̍ɛ, Jusu nu̍ ɔ̍ i̍ tèle-ɛa gbɔ̍ᵻ ta̍a̍n pò ɔ̍ jbɛɛ ɔ̍-ɛ. Wɛ̀ Pitɛ la̍a̍ dě ɔ̍ we̍, “Joi, ìn juo dɛ̍ᵻ kli̍hgbɛ̍. Ìn juo i̍h ka ǐn jbɛɛ-a m̀-ɛ.” Jusu la̍a̍ dě ɔ̍ we̍, “Gbɛ̀n dǒ ǎn blawɛ̌ᵻ we̍ i̍ o.

Wloma 8:27

Nɛ̀ Nyɔsoa ɔ̀ juo-a nyɔ̍-a wlùh-ɛ, ɔ̍ bo ɔ̀ juo Sùù-a wlùh. Dɛ̍nu̍ɛ, dɛ̍ nu̍-a ɔ̍ wlùh-ɛ bo Sùù-a bla̍-ɛ ɔ̍ gbòɛ̀ i̍ dǒ ɔ̍ nyɔ̍-a tàà.

1 Kɔwlɛntiɔn 7:25

Nɛ̀ɛ̍, ɛ̀ tba̍-a dǒ se̍ jla̍ tǐn nyɔ̍ pùn i̍-ɛ, Joi se̍ ǐn telě nyǐ dǒ ɛ̍ dɛ we̍. Jɛ ǎn nyǐ ǎn chɛ̀-a flɔ̍nwlùh dǒ Joi-a ǎn wɔɛ jě-ɛ we̍, ɛ̍ bo ɛ̀ nu̍ ɛ̍ wɛ̀ mɔ̀ tè ǐn wlì.

1 Kɔwlɛntiɔn 9:17

Pò ǐn ja dbo̍ la nu̍ dǒ ǎn chɛ̀ blǐ paǐ-ɛ, nɛ̀ ǎn mu̍ pɛ̌ɛ la jě tìh gbàɛ̀. Jɛ pò ǐn se̍ ɛ̍ dǒ ǐn blǐ paǐ sà-ɛ, nɛ̀ ɛ̍ tèè ǐn kwa̍ iě ɛ̍ nu̍ dɛbo.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 5:11

Ɛ̍ tìh-ɛ, à ple̍ Joi Nyɔsoa-a faɔn. Ɛ̍ kɔn à fɔ̀n dɛ̍ we̍ à iě nyɔ̍ duuh-a wlùh fèàɛ̀. Nyɔsoa ju̍o̍e à dɛ̍ᵻ kli̍hgbɛ̍ we̍ i̍. Ǐn tè ɛ̍ wlì mɔ̀ iě laǎn à i̍ juo-ɛ nu̍ ke dě mɔ̀-a wlùh di̍i̍.

2 Kɔwlɛntiɔn 5:16

Ɛ̍ tìh-ɛ, sɔ dě ti̍ à gbaɛ-a Klai wlùh-ɛ we̍-ɛ, à-a se̍a nyɔ̍ ja̍ gbɛ̀n ka kmɔ̌ we̍ nyɔ̍-a nu̍-aɛ. Ka kmɔ̌ we̍ nyɔ̍-a nu̍-a ɔ̍ ja̍ gbɛ̀n-ɛ, kǎ à nu̍ ke de.

Kelesea 1:10

Kaka la̍ ǎn pɔ̀n iě-e nyɔ̍ jlǐh i̍ nmɔ ɛɛ, àe̍e̍ iě dě Nyɔsoa jlǐh i̍ nmɔ ae? Àe̍e̍ ǎn fɔ̀n dɛ̍ we̍ iě nyɔ̍-a wlùh i̍ pɛ̌n-ɛ ae? Pò ǐn ja nyɔ̍-a wlùh i̍ pɛ̌n-ɛ i̍ pɔ̀n-ɛ, nɛ̀ ǐn se̍ Klai-a pòi̍ju nu̍ mu̍ de.

Kelesea 2:7

Jɛ ɛ̍ se̍-o siee, sɔ u̍h juo-o dɛ̍ i̍ ka Nyɔsoa nu̍-a Pitɛ i̍ nynaɛ-ɛ ɔ̍ iě-a pɔ̀n chɛ̀-a tìh bla̍ dě Juu nyɔ̍ we̍-ɛ, kǎ ɔ̍ nu̍ ǐn i̍ nynaɛ-ɛ ke iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 6:6

Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ nu̍ Nyɔsoa-a wlùh dǒ mɔ̀-a wlùh kli̍hgbɛ̍ we̍ ka Klai-a pòi̍nynuu̍-ɛ.

Kalase 3:22

Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ dǒ dɛ̍-o-dɛ̍ we̍. Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ ple̍ Joi Jusu-a faɔn mɔ̀ iě dɛ̍ nu̍ dǒ wlùh-a i̍ pɛ̌n-ɛ we̍.

1 Timote 6:20

Timote, dɛ̍ Nyɔsoa po̍-a dě ìn kwa̍a̍-ɛ, nu̍ ɛ̍ sɛ̍sɛ̍. Pàɔ̀n tmɔ̌-ɛ ɛ̀ se̍-a Nyɔsoa dɛ i̍ bǎ-ɛ, sà ɛ̍ sɔ̍n di̍i̍. U̍h-a tie̍u̍n sɔ̀ìn laa̍ u̍h-a dǎɛ-a tɔɔ-ɛ, sà i̍h sɔ̍n di̍i̍.

2 Timote 1:14

Nyɔsoa-a Sùù ɛ̀ tǐn-a dě à ja̍a̍-ɛ, tìh-a taǐn ɔ̍ po̍-a dě ìn kwa̍a̍-ɛ, dǒ ɛ̍ gbǐh we̍ bo ìè ɛ̍ sɛ̍sɛ̍ nu̍-i.

2 Timote 2:2

Nɛ̀ dɛ̍ ìn wɔ̌n-a ǐn wɔ̍ɔ̍n ǐn bla̍-a dǒ sàànsi̍i̍h dɔu jlǐhwai-ɛ, nyɔ̍ ùh nu̍-a wlì tè nyɔ̍-ɛ, dě u̍h kwa̍a̍ ìè ɛ̍ po̍ ùh-a mu̍-a nyɔ̍ duuh nǎ po̍-ɛ bɛ̌ɛ ke-ɛ.

Taitɔ 1:3

Dǒ ti̍ Nyɔsoa tba̍-ɛ di̍i̍ bo ɔ̍ sà-ɛ tɔ̀ma̍a̍ wlu̍-a chɛ̀ tà dě tu̍owli po̍-ɛ ɔ̍ nyǐ-a m-ɛ di̍i̍. Nyɔsoa ɔ̀ nu̍-a à Sèìe Nyɔ̍-ɛ, ɔ̍ bo ɔ̀ po̍ ǐn slǔh iě tu̍owli laa̍ po̍.

Iblu 4:13

Dɛ̍ᵻ kli̍hgbɛ̍ nɛ-a da̍a kmɔ̌ la we̍-ɛ, i̍h-a dɛ̍ se̍ Nyɔsoa jii̍ sìle. Dɛ̍ᵻ kli̍hgbɛ̍ flɔn kɛ̍n i̍ te̍gbe̍i̍n dǒ Nyɔsoa jlǐhwai ɔ̀ kɔn jǔ à mu̍-a à chɛ̀-a tìh we̍ i̍ sèàɛ̍-ɛ.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 2:23

Nɛ̀ ǎn mu̍ ɔ̍ nynuu̍ dbǎ, wɛ̀ chɔchi̍h nyɔ̍ kli̍hgbɛ̍ iě ɛ̍ juo ka mɔ̍ bo ɔ̀ juo-a dɛ̍ nɛ-a dě nyɔ̍ wlùh di̍i̍-ɛ. Nɛ̀ jɔ-ɛ ka ɔ̍ nu̍-dɛ̍ᵻ nɛ-a, kǎ ǎn mu̍ ɔ̍ pɛ̌ɛ-ɛ nu̍.