1 Tɛsoloniɔn 2:3 - Ku̍o̍ Delee 1999

³ Wɔ̍n à gbɛ̍n-ɛa mɔ̀ i̍-ɛ, ɛ̍ se̍ si̍h tmɔ̌-ɛ ke sììjii̍ nu̍-ɛ de̍e̍ gbà. À se̍ dɛ̍ we̍ fɔ̀n à iě nyɔ̍-o-nyɔ̍ i̍ boe.

1 Tɛsoloniɔn 2:3 Iomraidhean Croise

Nu̍-dɛ̍ᵻ 13:15

U̍h wɔ̀-a Mose-a telě chlǐh-dɛ̍ ke Nyɔsoa-a tu̍owli po̍ nyɔ̍ naɛ slè-ɛɛ, wɛ̀ ùh kɔn-a wɛɛ sà gbò wlu̍ i̍-ɛ, iě u̍h dbo̍ wlu̍, u̍h la̍a̍, “De̍di̍i̍ᵻ, pò mɔ̀ blě wlu̍ ɛ̍ iě nyɔ̍ la u̍h-a wlùh fùka-ɛ, nɛ̀ mɔ̀ dbǎkà mɔ̀ bla̍ ɛ̍.”

Nu̍-dɛ̍ᵻ 4:36

Josɛ ɔ̀ sɔ-a Saiplɔ bloa̍ kɛ̍n-ɛ, kǎ ɔ̍ nu̍ ke. Gba̍tòà-a dǎɛ ɔ̍ Banaba. Ɛ̍ gbɔ̀ nu̍ wlùh fùka nyɔ̍. Liifaɛ jǔ bo.

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

2 Kɔwlɛntiɔn 6:8

Nyɔ̍ duuh-a tè à ja̍ wɛ̀ duuh-a sà à kǔkɛ̍n. Duuh-a chlèe àɔ̀, iě duuh-a po̍ à tìhwe̍. Nyɔ̍-a jě àɔ̀ ka si̍h tmɔ̌ nyɔ̍-ɛ, jɛ à sà tìh-a taǐn.

2 Kɔwlɛntiɔn 7:2

Mɔ̀ flɔn-ɛ mɔ̀-a wlùh kɛ̍n i̍ dǒ à we̍. À se̍ nyɔ̍-o-nyɔ̍ dɛ̍ sɔ̀n pùn nu̍. À se̍ nyɔ̍-o-nyɔ̍ jii̍ nyni-i. À se̍ nyɔ̍-o-nyɔ̍ kanieǐ di̍.

1 Tɛsoloniɔn 2:11

Mɔ̀ juo ka à nu̍-a mɔ̀ sɔ̍nᵻ we̍ i̍ naɛ due due-ɛ, ka baa-a naɛ ɔ̍ nynuu̍ sɔ̍nᵻ we̍ i̍-ɛ.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

2 Tɛsoloniɔn 2:11

Ɛ̍ tìh-ɛ, Nyɔsoa nu̍ ɛ̍ iě u̍h gba̍ si̍h-a wìè, ɛ̍ iě ɛ̍ nu̍ u̍h iě dɛ̍ ɛ̀ nu̍-a si̍h-ɛ tìh chɛ̀ po̍.

2 Pitɛ 1:16

À Joi Jusu Klai-a ji̍-ɛ ɛ̀ mu̍-a gbǐh kɛ̍n nɛ-ɛ, ɛ̍ se̍ u̍h la̍a̍ à se̍ mɔ̀ wlùh sèàɛ̍, jɛ à chɛ̀ gba̍ jlǐhɛ̍ iě à jě ɔ̍ gbǐh laa̍.