1 Tɛsoloniɔn 2:2 - Ku̍o̍ Delee 1999

² Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

1 Tɛsoloniɔn 2:2 Iomraidhean Croise

Nu̍-dɛ̍ᵻ 14:3

Dǒ Pɔɔ ke Banaba wlè, iě u̍h-a bla̍ Joi-a tìh gbài̍gbài̍. Wɛ̀ Joi tba̍ u̍h bu̍hᵻ de̍e̍ i̍ dǒ ɔ̍ blɛ nɛ tìh u̍h-a bla̍-aɛ we̍. Ɛ̍ kɔn ɔ̍ nu̍ ɛ̍ iě nyɔ̍ wɔ̍n flɔn-ɛ dɛ̍ᵻ ke jbaɛdih-a jii dě u̍h ja̍a̍.

Nu̍-dɛ̍ᵻ 14:5

Wɛ̀ Juu nyɔ̍ ke, ùh se̍-a Juu nyɔ̍-ɛ ke u̍h-a wlu̍ kwa̍ blě nyɔ̍ sɔ̌ u̍h iě gba̍tòà kà i̍ nu̍, u̍h iě u̍h sɔɔ̌ᵻ i̍ tbaɛ.

Nu̍-dɛ̍ᵻ 16:12

Dǒ à sɔ-ɔ wɛ̀ à mu̍ dǒ Felepai, ɛ̀ nu̍-a Mɛsedonia fɔ̌-a sàǐtòò tùgbàwlɔ̀-ɛ. Wloma nyɔ̍ bo ùh kɔn-e wlu̍ i̍. Dǒ à sì wǐh gbɔ̍.

Nu̍-dɛ̍ᵻ 16:19

Sɔ dɛ̍ ɔ̍ kɔn-nyɔ̍ iě-a wliɛ̍ i̍ jěe dɛ-ɛ, ɛ̍ se̍ nɛ. Ɛ̍ bo u̍h juo i̍ wɛ̀ u̍h gbɛ̍n Pɔɔ ke Sale. Iě u̍h blě u̍h i̍ klǎ-a u̍h gba̍ u̍h dě wlɔ̀gbàɛ̀, u̍h ke tùn blě nyɔ̍ iě jua̍i̍ jiěe.

Nu̍-dɛ̍ᵻ 16:37

Wɛ̀ Pɔɔ la̍a̍ dě fledlǔ laa̍ we̍, “À nu̍ Wloma nynuu̍, wɛ̀ tìh se̍ à gbɛ̍n iě u̍h bla̍ àɔ̀ dǒ gbaɛ̍we̍, wɛ̀ u̍h po̍ àɔ̀ kasoo. Jɛ à kasoo sà-a bo u̍h-a pɔ̀n dě kwile-e po̍-ɛ i̍. À se̍ wɔ̌n. U̍h-a chɛ̀-ɛ gbǎ ji̍ wɛ̀ u̍h iě àɔ̀ nɔ̌ kasoo sà.”

Nu̍-dɛ̍ᵻ 17:1

Pɔɔ ke Sale wɔ̌an mu̍-u tìh-ɛ, u̍h jii dǒ Amfepole ke Apolonia wlɔ̀ᵻ di̍i̍, iě u̍h nyni̍ dǒ Tɛsolonaika. Nɛ̀ dǒ Juu nyɔ̍-a wɛɛ sà gbò nɛ.

Nu̍-dɛ̍ᵻ 17:17

Sɔ ɛ̍ nu̍ ɛ̍ ɔ̍ ke Juu nyɔ̍ ke ùh se̍-a Juu nyɔ̍ ùh-a sà-a Nyɔsoa wɛɛ-ɛ, u̍h-a sà wɔ̍ɔ̍n i̍ dě wɛɛ sà gbò sɔ̀n dǒ wǐh kli̍hgbɛ̍ di̍i̍, ɛ̍ ke juh-a ji̍-a dǒ ɔ̍ we̍ wlɔ̀gbàɛ̀-ɛ ke.

Nu̍-dɛ̍ᵻ 19:8

Nɛ̀ kǎ Pɔɔ-a mu̍ dě wɛɛ sà gbò sɔ̀n iě ɔ̍ wlu gbài̍gbài̍, wɛ̀ ɔ̍ kui wɔ̍i̍n ɔ̍ sèàɛ̍ Nyɔsoa-a kmɔ̌ wlu̍ i̍ kɔn tìh we̍ i̍. Ɛ̍ bo ɔ̍ nu̍ dǒ chǔhᵻ ta̍a̍n di̍i̍.

Nu̍-dɛ̍ᵻ 4:13

Pitɛ ke Chɔɔn se̍ chlǐh-dɛ̍ juo. U̍h nu̍ plǒai nyɔ̍ iě u̍h wɛ̀ faɔn. Ɛ̍ bo taɔ pa̍ nyɔ̍ laa̍ u̍h jě sɔ ɛ̍ wlǔh i̍ u̍h de̍e̍. Iě u̍h juo-o dɛ̍ i̍ ka u̍h ke Jusu-a nɛ̍aɛ-a we̍-ɛ.

Nu̍-dɛ̍ᵻ 4:20

Dɛ̍nu̍ɛ, dɛ̍ jɛ à wɔ̌n-a wɛ̀ à tba̍-a jlǐhɛ̍-ɛ, à se̍ ɛ̍-ɛ sà-a bɔ̌ mu̍ o.”

Nu̍-dɛ̍ᵻ 4:31

U̍h iě-a ba̍le-ɛ wɔ̀-ɛ, tà u̍h nɛ-a wɛ̀ u̍h iě-a ba̍le-ɛ, sɔ dǒ sìka i̍ sǔh. Wɛ̀ Nyɔsoa-a Sùù jǐi u̍h kli̍hgbɛ̍ i̍, iě u̍h-a bla̍ Nyɔsoa-a wlu̍ gbài̍gbài̍.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

2 Kɔwlɛntiɔn 3:12

Ka à blě-a wlì tè dɛ̍ la-ɛ, à wlu-i gbài̍gbài̍.

Kalase 2:1

Kmu-dbo̍ kɔn gbɔ̍igbɔ̍ ǐn po̍-a dǒ mɔ̀ ke Leodesia nyɔ̍ we̍-ɛ, ɛ̍ ke jɛ ǐn nu̍-a dǒ nyɔ̍ duuh ùh-u se̍a ǐn jě-ɛ we̍ ke-ɛ, ɛ̍-ɛ bo ǎn pɔ̀n mɔ̀ iě juo.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.