1 Tɛsoloniɔn 2:16 - Ku̍o̍ Delee 1999

¹⁶ Tu̍owli à po̍-a dě ùh se̍-a Juu nyɔ̍-ɛ we̍ u̍h iě-a pǔh-ɛ, u̍h se̍ pɔ̀n à iě i̍h po̍. Ɛ̀ u̍h-a nu̍-aɛ, nɛ̀ u̍h-a chɛ̀-a gblɛ̍n sɔ̀ɛ̀n bo u̍h-a jǐi dlǔ ti̍ kli̍hgbɛ̍ we̍. Jɛ Nyɔsoa bɔ̌ɛ u̍h jlu̍h po̍-eɛ.

1 Tɛsoloniɔn 2:16 Iomraidhean Croise

Matio 12:45

Wɛ̀ ɛ̍ mu̍ iě ɛ̍ ja jeědih mɛ̀sɔɔ̌n diih ìh kɔn gblɛ̍n nyni-a jii̍ ìh sìì-a ɛ̍ chɛ̀-ɛ. Wɛ̀ i̍h mu̍ iě i̍h tǐn deě. Sɔ tu̍ jɔ̍gbau laa̍ ɔ̍ bɔ̌ɛ-a dě di̍i̍ nɛ-ɛɛ, ɛ̍ nyni jii̍ ɛ̍ sìì sàì naɛ. Kǎ ɛ̍ mu̍ nɛ ke dǒ ti̍laa nyɔ̍ la ùh kɔn gblɛ̍n nyni-a jii̍-ɛ we̍.”

Matio 23:32

Mɔ̀ gbɛ̀n doǒ i̍ la̍ sǔh mɔ̀ iě-e mɔ̀ baaᵻá wɔ̀ɔ̀ i̍ sà.

Matio 24:14

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Matio 24:6

Mɔ̀-a mu̍ tu̍h-a fɔ̀n-ɔ slɛ̀ wɔ̌n ɛ̍ iě mɔ̀ i̍ kɔǎn-ɛ, wɛ̀ mɔ̀ iě tu̍h-a pɔ̀n wɔ̌n dě tà tɔ̀ɔ̀n. Jɛ ɛ̍ bɔ̌ mɔ̀ sèò nui-ɛ. Ìh kaɛn la i̍h-a mu̍ nɛ, jɛ nɛ̀ ɛ̍ se̍ ti̍-a dlǔ i̍ chlà-a ke̍.

Matio 3:12

Ɔ̍ blě dɛ̍ i̍ bla̍ tu̍ kwa̍ wɛ̀ ɔ̍ iě dɛ̍ i̍ bla̍, nɛ̀ ɔ̍ mu̍ ɔ̍ kwǐ kɛnɛ̌-a chɛ̀ dě slǎ po̍. Jɛ ɔ̍ mu̍ i̍h-a fli̍h dě nɛ̍ ɛ̀ se̍-a mɔ̌ la̍ kɔn-ɛ di̍i̍ po̍.”

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Nu̍-dɛ̍ᵻ 13:45

Jɛ ti̍ Juu nyɔ̍ jě-a nyɔ̍ tlùgbei̍ laa̍-ɛ, sɔ ɛ̍ po̍ u̍h wlɛ̀n di̍i̍. Iě u̍h-a po̍ Pɔɔ-a wlu̍ pàwe̍i̍, u̍h-a chlèe ɔ̍.

Nu̍-dɛ̍ᵻ 13:50

Sɔ Juu nyɔ̍ pa̍ nynɔ̌gbaɔᵻ ke, jɔ̍gbauᵻ ùh gbǎ-a dɛ̍kɛ̍n-ɛ sɔ̀n i̍, ɛ̍ ke juh blě-a nyɔ̍-a wlu̍ kwa̍-a ke. Iě u̍h-a tbaɛ Pɔɔ ke Banaba bu̍hᵻ i̍. Wɛ̀ u̍h-a jě-e u̍h klě, iě u̍h sà Pɔɔ ke Banaba dě u̍h we̍ fɔɔ.

Nu̍-dɛ̍ᵻ 14:19

Jɛ Juu nyɔ̍ duuh sɔ dǒ Antiɔ ke Akɔniɔ, wɛ̀ u̍h fèàɛ̀ nyɔ̍gbei-a wlùh, iě u̍h ke u̍h tǐn. Wɛ̀ u̍h tbaɛ Pɔɔ sɔɔ̌ᵻ i̍, sɔ u̍h jajeɛ̍ ɔ̍ mɛ̌ wɛ̀ de. Iě u̍h klǎ ɔ̍ i̍ u̍h sà ɔ̍ dǒ wlɔ̀.

Nu̍-dɛ̍ᵻ 14:2

Jɛ Juu juh se̍-a wlùh gbaɛ blě-ɛ, u̍h fèàɛ̀ ùh se̍-a Juu nyɔ̍-ɛ u̍h-a wlùh iě u̍h pa̍ u̍h sɔ̀n i̍ u̍h iě de̍di̍i̍ᵻ la faɛn.

Nu̍-dɛ̍ᵻ 14:5

Wɛ̀ Juu nyɔ̍ ke, ùh se̍-a Juu nyɔ̍-ɛ ke u̍h-a wlu̍ kwa̍ blě nyɔ̍ sɔ̌ u̍h iě gba̍tòà kà i̍ nu̍, u̍h iě u̍h sɔɔ̌ᵻ i̍ tbaɛ.

Nu̍-dɛ̍ᵻ 17:13

Jɛ Juu nyɔ̍ nɛ-a Tɛsolonaika-a wɔ̌n-a pɔ̀n ka Pɔɔ-a bla̍-a la̍ Nyɔsoa-a wlu̍ dɛ ke dě Bɛwlia-aɛ, wɛ̀ u̍h mu̍-e. Iě u̍h pa̍ nyɔ̍ sɔ̀n i̍ u̍h iě Pɔɔ bei slɛ̀ dlǔ i̍ sà-ɛ.

Nu̍-dɛ̍ᵻ 19:9

Jɛ nyɔ̍ duuh-a dlǔ kmu i̍, sɔ u̍h se̍ wlùh gbaɛ blě tìh i̍ wɔ̌ɛn. Iě u̍h-a po̍ Joi-a Wìè wlu̍ pùn i̍ dǒ nyɔ̍ tlùgbei̍ laa̍ jlǐhwai. Ɛ̍ kɔn Pɔɔ sɔ dě u̍h nynɛ̌, iě ɔ̍ gba̍ kòà laa̍. Nɛ̀ ka sɔ̀n-a sɛ̀n-aɛ, ɔ̍ ke u̍h-a mu̍ dě Tawlana-a slǎ sɔ̀n, iě ɔ̍ bla̍ gbòɛ̀ dě u̍h we̍.

Nu̍-dɛ̍ᵻ 21:21

Nyɔ̍ sèàɛ̍ u̍h wlùh u̍h la̍ Juu nyɔ̍ kli̍hgbɛ̍ tǐn-a dě ùh se̍-a Juu nyɔ̍-a blǔh kɛ̍n-ɛ, àn po̍ u̍h nǎ u̍h iě Mose-a telě jlǐhɛ̍ we̍ sà. Ɛ̍ tìh àn sèàɛ̍ u̍h wlùh u̍h-u je̍e u̍h-a nynuu̍ plɔ̀n po̍, wɛ̀ u̍h iě à blǐ dɛ̍ᵻ sɔ̍n we̍ sà.

Nu̍-dɛ̍ᵻ 23:12

Wɛ̀ Juu nyɔ̍-a gbɔ̍ sɔ̌ klàɛ̍we̍ iě u̍h tè u̍h-a chɛ̀ di̍i̍h. U̍h la̍ u̍h se̍ niɛ̍ nǎ mu̍ te̍e̍ wɛ̀ u̍h iě Pɔɔ dbǎ-a wɔ̀.

Nu̍-dɛ̍ᵻ 24:9

Tìh ɔ̍ blaɛ-a Pɔɔ i̍-ɛ, Juu nyɔ̍ se̍ ɔ̍ bu̍h de̍e̍ sà.

Nu̍-dɛ̍ᵻ 25:2

Dǒ-o bo Nyɔsoa-a slaǎ sà nyɔ̍-a klaaᵻ ke Juu-a nyɔ̍ klaaᵻ mu̍-i dě ɔ̍ we̍, wɛ̀ u̍h blaɛ Pɔɔ tìh i̍. Wɛ̀ u̍h gbɛ̍n Fɛslɔ-a bu̍h i̍

Nu̍-dɛ̍ᵻ 25:7

Pɔɔ ji̍-aɛ, wɛ̀ Juu nyɔ̍ ùh sɔ-a Juluslɛn-ɛ, iě u̍h dlɛ̌ ɔ̍. Iě u̍h-a blaɛ ɔ̍ tìh i̍, ìh gbàìn gbàìn u̍h se̍-aa we̍i̍ flɔn-ɛɛ bɛ̌ɛ-ɛ, i̍h bo u̍h-a blaɛ ɔ̍ i̍.

Nu̍-dɛ̍ᵻ 4:12

Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”

Nu̍-dɛ̍ᵻ 9:23

Ɛ̍ gba̍ wǐh dɔu wɛ̀ Juu nyɔ̍ gbòe i̍, iě u̍h sɔ̌ u̍h iě ɔ̍ dbǎ.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Ɛfɛsɔ 3:13

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

2 Tɛsoloniɔn 2:10

ɛ̍ ke nyɔ̍ i̍ boe dɛ̍ᵻ sɔ̀nᵻ kli̍hgbɛ̍ ke dǒ nyɔ̍ ùh-a mu̍-a gbɔ̀lɔ-ɛ we̍. Dɛ̍nu̍ɛ, u̍h se̍ wɔ̌n u̍h iě tìh-a taǐn i̍ jbɛɛ wɛ̀ u̍h iě pǔh.

1 Timote 2:4

Ɔ̍-ɔ laa̍ bo ɔ̀ pɔ̀n nyɔ̍ kli̍hgbɛ̍ iě pǔh, wɛ̀ u̍h iě tìh-a taǐn juo la̍ ji̍.

Iblu 6:8

Jɛ blǔh ɛ̀ kɔn kɛ̍n wiǎᵻ ke pei-a wlǔh-aɛ, nɛ̀ pɔ̀ɔ̍pìe̍ blǔh bo. Nɛ̀ ɛ̍ wlu̍we̍i̍ po̍-ɛ se̍ we̍ tɛn dɛ. Ɛ̍ mu̍ si̍n.

Wlɛfeleseɔn 22:11

Bɔ̌ dɛ̍ᵻ sɔ̀nᵻ nu̍ nyɔ̍ gba̍ u̍h-a dɛ̍ᵻ sɔ̀nᵻ dluwe̍ i̍, iě sììjii̍ nu̍ nyɔ̍ iě u̍h-a sììjii̍ nu̍-ɛ dluwe̍ i̍ gba̍. Nɛ̀ i̍ slɛ̌-nyɔ̍ gba̍ u̍h-a i̍ slɛ̌-ɛ dɛ̍ᵻ dluwe̍ i̍, iě nɛi̍ wɛ̀ nyɔ̍ iě u̍h-a nɛi̍ wɛ̀-ɛ dluwe̍ i̍ gba̍.”