1 Tɛsoloniɔn 2:15 - Ku̍o̍ Delee 1999

¹⁵ Juu nyɔ̍ bo ùh dbǎ Joi Jusu, ɛ̍ ke Nyɔsoa-a tu̍owli po̍ nyɔ̍ ke, iě u̍h nu̍ à i̍. U̍h-a nu̍-dɛ̍ se̍ Nyɔsoa gbǐh po̍, iě u̍h tba̍-ɛ nyɔ̍ kli̍hgbɛ̍ bu̍hᵻ i̍.

1 Tɛsoloniɔn 2:15 Iomraidhean Croise

Matio 23:37

Wɛ̀ ɔ̍ la̍a̍, “À, Juluslɛn, Juluslɛn, mɔ̀ bo ɔ̀ dbǎ Nyɔsoa-a tu̍owli po̍ nyɔ̍ wɛ̀ ìn tbaɛ nyɔ̍ ɔ̍ dbo̍-a dě ìn we̍-ɛ sɔɔ̌ᵻ i̍. Ti̍ kli̍hgbɛ̍ we̍ ǎn pɔ̀n àn nynuu̍ la tàdùè po̍-ɛ i̍, iě u̍h kɛ̍n kaɛn de ka gbàn nynɔ̌ suuh-a flùì ɛ̍ nynuu̍ kɛ̍n-ɛ. Jɛ nɛ̀ wɔ̌ɛn ɛ̍-ɛ.

Matio 27:25

Iě u̍h kli̍hgbɛ̍ la̍a̍, “À wɔ̌n-ɛ, ɔ̍ mɛ̌ɛ tìh tè dǒ à ke à nynuu̍ dlǔ i̍.”

Matio 5:12

Nɛ̀ mɔ̀ nu̍ mɔna̍ mɔ̀ iě ja̍ de̍le, mɔ̀-a wlùh iě i̍ tè. Dɛ̍nu̍ɛ, mɔ̀-a jě-dɛ̍ bɛ̌ i̍ dě ja̍i̍wlɔ̀. Nyɔsoa-a tu̍owli po̍ nyɔ̍ ùh wɔ̀-a nya̍-ɛ, kǎ u̍h nu̍ u̍h klě jě-eɛ ke.”

Pɔ̀n Chɛ̀ Luu To-a La 24:20

À slaǎ sà nyɔ̍ klaaᵻ ke nyɔ̍ klaaᵻ sà ɔ̍ kwlǎ, ɔ̍ iě dbǎ-ɛ. Iě u̍h kɔ̍ ɔ̍ dǒ gbàɛ̍ kɛ̍n i̍ tu̍ wlì.

Nu̍-dɛ̍ᵻ 12:3

Ɔ̍ gbɛ̀n-a ɛ̍ ja̍-a, nɛ̀ ɛ̍ tè-e Juu nyɔ̍-a wlùh i̍, ɛ̍ kɔn ɔ̍ gbɛ̍n Pitɛ ke. Nɛ̀ ɛ̍ nu̍ Se̍ Fù Blèe̍-a Peě tù ti̍.

Nu̍-dɛ̍ᵻ 2:23

Jusu la ɔ̍ iě-a kwlǎ sà-ɛ dě mɔ̀ we̍-ɛ, dǒ Nyɔsoa-a di̍i̍chì ke ɔ̍ tɔɔ kɛ̍n bo ɛ̍ kɔ̍ i̍. Iě mɔ̀ nu̍ ɛ̍ wɛ̀ gblɛ̍n sɔ̀ɛ̀n nyɔ̍ kɔ̍ ɔ̍ dǒ gbàɛ̍ kɛ̍n i̍ tu̍ wlì iě u̍h dbǎ ɔ̍.

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 4:10

nɛ̀ mɔ̀ juo ɛ̍, nɛ̀ Eslɔɛ nyɔ̍ kli̍hgbɛ̍ juo ɛ̍ ke, ka Jusu Klai ɔ̀ sɔ-a dǒ Naaslɔɛ-ɛ, ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo Nyɔsoa sà-e. Dǒ ɔ̍ nynɛ̌ kɛ̍n bo jɔ̍gbau nyna-a i̍ da̍a mɔ̀ jǔ-ɛ ɔ̍ pǔh-i.

Nu̍-dɛ̍ᵻ 5:30

Jusu mɔ̀ pèle-a dǒ tu̍ wlì wɛ̀ ɔ̍ iě-a mɛ̌-ɛ, ɔ̍ bo à baaᵻá Nyɔsoa sà-e.

Nu̍-dɛ̍ᵻ 7:52

Nyɔsoa-a tu̍owli po̍ nyɔ̍ jɔwe̍ bo mɔ̀ baaᵻ se̍ klě jě-e ɛ? Kǎ u̍h nu̍ tɛin wɛ̀ ùh po̍-a gbànwli I̍ Slɛ̌ Nyɔ̍-a ji̍-i tìh-ɛ, iě u̍h dbǎ u̍h. Ɔ̍ chɛ̀ bo mɔ̀ sà-a kwlǎ, iě mɔ̀ poe-a gbe̍ja̍a̍.

1 Kɔwlɛntiɔn 10:5

Jɛ Nyɔsoa-a wlùh se̍ i̍ tè dǒ u̍h-a dɔu we̍. Ɛ̍ kɔn tìh u̍h mɛ̌ dě kwlǎslò we̍.

2 Kɔwlɛntiɔn 11:26

Dě ǎn wìèlè mu̍-ɛ dɔu di̍i̍-ɛ, ǐn na-ɛ mɛ̌ɛ wɔ̍i̍n dǒ jǐ-nǐ ke, jlǐ-nyɔ̍ ke, ǎn chɛ̀-a nyɔ̍ ke, ùh se̍-a Juu nyɔ̍-ɛ ke, tùgbàwlɔ̀ᵻ di̍i̍ i̍ ke, dě kwlǎslò we̍ ke, dě jbǒ kɛ̍n ke dǒ à de̍di̍i̍ᵻá si̍h naɛ we̍.