1 Tɛsoloniɔn 2:13 - Ku̍o̍ Delee 1999

¹³ Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 2:13 Iomraidhean Croise

Matio 10:20

Dɛ̍nu̍ɛ, ɛ̍ se̍ mɔ̀-a chɛ̀ ùh se̍ wlu mu̍, jɛ Sùù Baa Nyɔsoa-a mu̍-a dbo̍-ɛ, ɛ̍ bo ɛ̀ mu̍ mɔ̀ɔ̍ jii ɛ̀ iě wlu.

Matio 10:40

Jusu la̍a̍, “Nyɔ̍ ɔ̀ mu̍-a mɔ̀-a tìh i̍ gbɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍ ɔ̀ gbɛ̍n-a ǎn tìh i̍-ɛ, nɛ̀ nyɔ̍ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.

Pɔ̀n Chɛ̀ Luu To-a La 11:28

Jɛ Jusu la̍a̍, “I̍i̍n, jɛ nyɔ̍ ùh wɔ̌n-a Nyɔsoa-a wlu̍ iě ùh nu̍-a ɛ̍-ɛ, u̍h bo ùh nmɔ i̍ kaa̍.”

Pɔ̀n Chɛ̀ Luu To-a La 5:1

Jusu nyna i̍ dǒ pɛ̍nu̍ klaa nɛ-a Kɛnɛslɔɛ-ɛ wɔ̍i̍n-ɛ, nɛ̀ nyɔ̍gbei po̍ ɔ̍ dě pìe̍e̍ u̍h iě Nyɔsoa-a wlu̍ wɔ̌n.

Pɔ̀n Chɛ̀ Luu To-a La 8:11

“Nɛnǎ-a chɛ̀ ɛ̍ gbɔ̀ la. Dɛ̍ᵻ jɔ̌ bo ìh nu̍ Nyɔsoa-a wlu̍.

Pɔ̀n Chɛ̀ Luu To-a La 8:21

Jɛ Jusu la̍a̍ dě u̍h kli̍hgbɛ̍ we̍, “Nyɔ̍ ùh wɔ̌n-a Nyɔsoa-a wlu̍ wɛ̀ u̍h-a nu̍-a ɛ̍-ɛ, u̍h-u bo ùh nu̍ ǐn de̍ ke ǐn de̍di̍i̍ᵻ.”

Chɔɔn 15:3

Wlu̍ la ǐn bla̍-a dě mɔ̀ we̍-ɛ, ɛ̍ wɔ̀ mɔ̀ flɛ̀n wɛ̀ se̍e̍.

Chɔɔn 17:17

Tè-e u̍h pɔ̌ dǒ àn wlu̍ ɛ̀ nu̍-a tìh-a taǐn-ɛ we̍.

Chɔɔn 17:19

U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.

Nu̍-dɛ̍ᵻ 10:33

Ɛ̍ kɔn tìh ǐn nyna-o wɛ̀ ǐn dbo̍ ìn wlu̍ we̍, iě àn gblɛ̍n chɛ̀ ja m̀. Kaka la̍, à kli̍hgbɛ̍ à nɛ da̍a Nyɔsoa jǔ wɛ̀. À po̍ dě ìn we̍ dounᵻ dɛ̍ Joi-a mu̍-a dě ìn wɔ̍ɔ̍n po̍-ɛ, ìè ɛ̍-ɛ sà dě àɔ̀ we̍.”

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Nu̍-dɛ̍ᵻ 16:14

Nynɔ̌gbaɔᵻ ùh wɔ̌n-a à wlu̍ i̍ dě u̍h nynɛ̌-ɛ, u̍h-a due-a nynɛ̌ bo Ledia. Nǐnmɛ jlii̍ bo ìh nu̍ ɔ̍ naɛ ple̍-dɛ̍. Ɔ̍ sɔ dǒ Taɛtawla wlɔ̀ di̍i̍, iě ɔ̍ sà Nyɔsoa wɛɛ. Ɔ̍ kɔn wlùh bo Joi Nyɔsoa pɔ̀ni ɔ̍ iě Pɔɔ-a wlu̍ i̍ wɔ̌n.

Nu̍-dɛ̍ᵻ 17:11

Sɔ Juu nyɔ̍ juh nɛ-a doǒ-ɛ, u̍h nu̍ nyɔ̍ chɛ̀ ɛ̍ sìì juh nɛ-a dǒ Tɛsolonaika-a, dɛ̍nu̍ɛ, u̍h gbɛ̍n-ɛ tu̍owli laa̍ sɔ̍nᵻ sɔɔ̌n i̍. Nɛ̀ ka sɔ̀n-a sɛ̀n-aɛ, kǎ u̍h-a slè Nyɔsoa-a wlu̍ u̍h iě jě pò dɛ̍ Pɔɔ-a bla̍-aɛ, tìh-a taǐn bo kɔ̌ɔ.

Nu̍-dɛ̍ᵻ 17:32

Ti̍ u̍h wɔ̌n-a mɛ̌ wlǔh-e tìh dě Pɔɔ wɔ̍ɔ̍n-ɛ, sɔ nyɔ̍ duuh-a po̍ ɔ̍ pàwe̍i̍. Jɛ duuh la̍a̍, “À pɔ̀n ìè ìh la bla̍ dɛ à iě i̍h-i wɔ̌n o.”

Nu̍-dɛ̍ᵻ 2:41

Nyɔ̍ ùh wɔ̌ɛn-a Pitɛ-a wlu̍-ɛ, u̍h bo ùh poe-ɛ nǐ dlǔ. Nyɔ̍ ùh gbǎ-a dě u̍h-a gbɔ̀ù di̍i̍ dǒ weɛ̍ laa̍ di̍i̍-ɛ, u̍h bɛ̌ɛ nyɔ̍-a wlǔ ta̍a̍n (3,000) nu̍-ɛ.

Nu̍-dɛ̍ᵻ 8:14

Jusu-a gba̍tòà nɛ-a dǒ Juluslɛn-ɛ, u̍h wɔ̌n-a pɔ̀n ka Sɛmewlea nyɔ̍ gbɛ̍n-a Nyɔsoa-a wlu̍ i̍-ɛ, wɛ̀ u̍h dbo̍ Pitɛ ke Chɔɔn dě u̍h we̍.

Wloma 10:17

Nɛ̀ɛ̍, dě tu̍owli i̍ wɔ̌n-ɛ di̍i̍ bo wlùh gbaɛ blě-ɛa sɔ-ɔ. Nɛ̀ dě Klai-a tìh we̍i̍ bla̍-a di̍i̍ bo tu̍owli i̍ wɔ̌n-ɛa sɔ-ɔ.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

Kelesea 4:14

Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

Iblu 4:12

Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

Iblu 4:2

Ka à nu̍-a Nyɔsoa-a pɔ̀n chɛ̀ wɔ̌n-ɛɛ, kǎ à baaᵻ nu̍ ɛ̍ wɔ̌n-ɛ ke de. Jɛ ɛ̍ se̍ dɛ̍ chɛ̀ nu̍ dǒ u̍h we̍, dɛ̍nu̍ɛ, u̍h wɔ̌n-a tu̍owli la-ɛ, iě u̍h se̍ ɛ̍ wlùh gbaɛ i̍ gbɛ̍n-ɛ.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Pitɛ 1:25

Jɛ Joi-a wlu̍ se̍ i̍ sì la̍ kɔn nɔ̌ kmɔ̌-a kmɔ̌.” Wlu̍ laa̍ bo ɛ̀ nu̍-a pɔ̀n chɛ̀ u̍h bla̍-a dě mɔ̀ we̍.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

2 Pitɛ 3:2

Wlu̍ Nyɔsoa-a tu̍owli po̍ nyɔ̍ bla̍-a dě mɔ̀ we̍ tɛin-ɛ, ǎn pɔ̀n mɔ̀ iě i̍h wlùh we̍ nu̍, ɛ̍ ke à Joi ɔ̀ nu̍-a à Sèìe Nyɔ̍-ɛ, ɔ̍ nyɔ̍ slǔh po̍-ɛ ɔ̍ jaɛ-a dě mɔ̀-a gba̍tòà ja̍a̍-ɛ ke.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.