1 Tɛsoloniɔn 2:10 - Ku̍o̍ Delee 1999

¹⁰ Bu̍hᵻ à na-ɛa kɛ̍n dǒ mɔ̀ɔ̍ Nyɔsoa nyɔ̍ we̍-ɛ, ka i̍h se̍-a nɛi̍ nɛ, i̍h slɛ̌-a i̍, iě i̍h se̍-a nynɛ̌-a kɔ̌-ɛ blě-ɛ, mɔ̀-a chɛ̀ ke Nyɔsoa nu̍ à sàànsi̍i̍h.

1 Tɛsoloniɔn 2:10 Iomraidhean Croise

Pɔ̀n Chɛ̀ Luu To-a La 23:41

Jɛ àɔ̀ nɔ̀ɔ̍, nɛ̀ à nɛ ɛ̍ ka̍. Dɛ̍nu̍ɛ, dɛ̍ᵻ à nu̍-a i̍-ɛ, i̍h kɔn pɛ̌ɛ la bo à jě la̍. Jɛ jɔ̍gbau la nɔ̀ɔ̍, ɔ̍ se̍ dɛ̍ sɔ̀n nu̍.”

Nu̍-dɛ̍ᵻ 20:18

U̍h ji̍-aɛ, wɛ̀ ɔ̍ la̍a̍ dě u̍h we̍, “Ǐn sàɛ̀-a da̍a Esea bloa̍ kɛ̍n ji̍-ɛ i̍-ɛ, ti̍ dɔu la ǐn nu̍-a da̍a mɔ̀ we̍-ɛ, mɔ̀-a chɛ̀ juo ka ǐn nu̍-a da̍a nɛ sɔɛn-ɛ.

Nu̍-dɛ̍ᵻ 20:26

Ɛ̍ kɔn tìh ǎn gbòɛ̀ɛ̀ mɔ̀ duedɛ. Sɔ da̍a sèàn blǐ, pò mɔ̀-a nyɔ̍ gba̍ ka wìè sɔ̀n-ɛ, nɛ̀ ɛ̍ se̍ ǎn tìh o.

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 11:11

Dɛ̍nu̍ ǎn bla̍ ɛ̀ la ɛ? Ǐn se̍ mɔ̀ɔ̍ jbɛɛ dɛ bo ae? Nyɔsoa juo ɛ̍, ka ǐn jbɛɛ-a mɔ̀ɔ̍-ɛ.

2 Kɔwlɛntiɔn 11:31

Nyɔsoa ɔ̀ nu̍-a Joi Jusu Baa-ɛ, ɔ̍ juo ka ǐn se̍-a si̍h tmɔ̌-ɛ. Tlɔ̌ po̍-ɛ kɔn dǒ ɔ̍ we̍ nɔ̌ kmɔ̌-a kmɔ̌.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 5:11

Ɛ̍ tìh-ɛ, à ple̍ Joi Nyɔsoa-a faɔn. Ɛ̍ kɔn à fɔ̀n dɛ̍ we̍ à iě nyɔ̍ duuh-a wlùh fèàɛ̀. Nyɔsoa ju̍o̍e à dɛ̍ᵻ kli̍hgbɛ̍ we̍ i̍. Ǐn tè ɛ̍ wlì mɔ̀ iě laǎn à i̍ juo-ɛ nu̍ ke dě mɔ̀-a wlùh di̍i̍.

2 Kɔwlɛntiɔn 7:2

Mɔ̀ flɔn-ɛ mɔ̀-a wlùh kɛ̍n i̍ dǒ à we̍. À se̍ nyɔ̍-o-nyɔ̍ dɛ̍ sɔ̀n pùn nu̍. À se̍ nyɔ̍-o-nyɔ̍ jii̍ nyni-i. À se̍ nyɔ̍-o-nyɔ̍ kanieǐ di̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 2:5

Mɔ̀-a chɛ̀ juo ɛ̍-ɛ, à-a se̍a wɔ̍n nmɔ wlu̍ ɛ̀ sà-a nyɔ̍ dɛ̍ kwa̍a̍-ɛ bla̍ dě mɔ̀ we̍. À se̍ klǎn kɔn, Nyɔsoa bo ɔ̀ nu̍ à sàànsi̍i̍h.

2 Tɛsoloniɔn 3:7

Mɔ̀-a chɛ̀ juo ɛ̍ mɔ̀ kɔn mɔ̀ iě-e à wɔ̀ɔ̀ i̍ sà. Ti̍ à nɛ-a dě mɔ̀ we̍-ɛ, mɔ̀ jě àɔ̀, à se̍ flàn.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

2 Timote 3:10

Ìn juo ǎn nyɔ̍ nǎ po̍-ɛ ke, ǎn na ka̍ ke dɛ̍ ǐn nɛ-ɛa kmɔ̌-ɛ. Ìn juo ǎn wlùh gbaɛ blě-ɛ, ǎn wlùh i̍ gbɛ̍n-ɛ, ǎn nyɔ̍-ɔ jbɛɛ-ɛ, ɛ̍ ke ǎn dě klì i̍ ku̍-ɛ ke.

1 Pitɛ 5:3

Mɔ̀ bɔ̌ u̍h nyɔ̍ klaaᵻ dɛ̍ kɛ̍n i̍ nui-ɛ, jɛ mɔ̀ɔ̍ bo u̍h iě dɛ̍ i̍ blaɛ.