1 Tɛsoloniɔn 1:8 - Ku̍o̍ Delee 1999

⁸ Tu̍owli ɛ̀ kɔ̍-a dǒ Joi pùn i̍ ɛ̀ sɔ-a dě mɔ̀ we̍-ɛ, ɛ̍ se̍ dě Mɛsedonia ke Akaia nɛ due mu̍, jɛ ɛ̍ sɛ̍ tà kli̍hgbɛ̍ i̍ wɛ̀ mɔ̀-a Nyɔsoa wlùh gbaɛ blě tìh. Sɔ nɛ̀ à se̍ dɛ̍ blě dɛ à iě bla̍.

1 Tɛsoloniɔn 1:8 Iomraidhean Croise

Nu̍-dɛ̍ᵻ 18:12

Ti̍ Kadio nu̍-a Wloma nyɔ̍-a kɔ̀mla̍ dě Akaia fɔɔ-ɛ, dǒ Juu nyɔ̍ gbǎ-ɛ tàdùè iě u̍h gbɛ̍n Pɔɔ, wɛ̀ u̍h gba̍ ɔ̍ koti̍-i.

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

Wloma 16:19

Nyɔ̍ kli̍hgbɛ̍ wɔ̌n mɔ̀-a nynɛ̌ wɛ̀ ka mɔ̀ gbɛ̍n-ɛa pɔ̀n chɛ̀ sɔ̍nᵻ sɔɔ̌n i̍-ɛ, sɔ ɛ̍ po̍ ǐn mɔna̍-a kaa̍. Jɛ ǎn pɔ̀n mɔ̀ iě di̍i̍ i̍ flɔn dǒ dɛ̍ chɛ̀ we̍, wɛ̀ dě mɔ̀ di̍i̍ iě i̍ gbe dǒ dɛ̍ sɔ̀n we̍.

1 Kɔwlɛntiɔn 14:36

Dě mɔ̀ we̍ bo Nyɔsoa-a wlu̍ sɔ ɛɛ, àe̍e̍ mɔ̀ nɛ due we̍ bo ɛ̍ nyni̍ wɛ̀ ae?

2 Kɔwlɛntiɔn 2:14

Jɛ à po̍ Nyɔsoa tlɔ̌, ɔ̍ nu̍ ɛ̍ dě à ke Klai-a due nɛ-ɛ di̍i̍-ɛ, iě à ke Klai ke à nu̍ dɛ̍ klà sà nyɔ̍. Nyɔsoa jii àɔ̀ wɛ̀ à bla̍ pɔ̀n chɛ̀ ɛ̀ kɔ̍-a dǒ Klai pùn i̍-ɛ, iě ɛ̍ sɛ̍ i̍ tà kli̍hgbɛ̍ ka nɔ̌-dɛ̍ chɛ̀-ɛ.

2 Kɔwlɛntiɔn 3:4

À bla̍ ìh la, dɛ̍nu̍ɛ, Klai nu̍ ɛ̍ iě à tè Nyɔsoa wlì.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

2 Tɛsoloniɔn 1:4

Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

2 Tɛsoloniɔn 3:1

Ɛ̀ bɔ̌ɛ-aoɛ, à de̍di̍i̍ᵻ, mɔ̀ ba̍le dǒ à tàà wɛ̀ Joi-a wlu̍ iě na suei̍, wɛ̀ nyɔ̍gbei iě ɛ̍ ja̍ tè ka ɛ̍ nɛ-a dě mɔ̀ we̍-ɛ.

1 Timote 2:8

Ǎn pɔ̀n tà-o-tà nyɔ̍gbei-a mu̍-a tàdùè gbǎ-ɛɛ, jɔ̍gbauᵻ iě ba̍le. Nɛ̀ u̍h sà wlùh kwlǎ u̍h iě sɔ̍nᵻ ja̍i̍ to. Jɛ nɛ̀ jlu̍h, àe̍e̍ wɔ̍ɔ̍n i̍ sà-a bɔ̌ dǒ u̍h nynɛ̌ nɛ-ɛ.

2 Timote 2:9

Pɔ̀n chɛ̀-a tìh-a chɛ̀ bo ǎn sàɛ̀-a jua̍i̍, wɛ̀ ǐn nɛ-a dě jɔɔdbǔᵻ ka telě wa̍ nyɔ̍-ɛ. Jɛ Nyɔsoa-a wlu̍ nɔ̀ɔ̍, ɛ̍ se̍ dě jɔɔdbǔᵻ nɛ.

3 Chɔɔn 1:12

Dimɛtleɔ-a tìh chɛ̀-a sàànsi̍i̍h bo nyɔ̍ kli̍hgbɛ̍ nu̍. Ɔ̍ gblɛ̍n bo ìh to ɛ̍ ke ka ɔ̍ nu̍-a tìh-a taǐn nyɔ̍-ɛ, iě à chɛ̀ nu̍ ɔ̍ tìh chɛ̀-a sàànsi̍i̍h ke. Ìn juo i̍h dɛ̍ kɔn sàànsi̍i̍h à nu̍-aa nɛ̀ tìh-a taǐn bo.

Wlɛfeleseɔn 14:6

Wɛ̀ ǐn jě ǐnchɔ̀ dɛɛ, nɛ̀ ɛ̍ wa̍n-ɛ dě ja̍u̍n wlì. Nɛ̀ ɛ̍ blě kmɔ̌ sie tu̍owli ɛ̀ nu̍-a Nyɔsoa-a pɔ̀n chɛ̀-ɛ, ɛ̍ iě bla̍-ɛ dě nyɔ̍ tǐn-a nɔ̌ bloɔ̍-ɛ we̍, ùh nu̍-a dakɔ̍ ke, chɛ̌tu ke bloa̍ kli̍hgbɛ̍-ɛ.

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.