1 Tɛsoloniɔn 1:7 - Ku̍o̍ Delee 1999

⁷ Ɛ̍ tìh-ɛ, mɔ̀ɔ̍ bo à blaɛ ka dɛ̍ i̍ dǒ wlùh gbaɛ blě nyɔ̍ kli̍hgbɛ̍ ùh nɛ-a dě Mɛsedonia ke Akaia fɔɔ-ɛ we̍.

1 Tɛsoloniɔn 1:7 Iomraidhean Croise

Nu̍-dɛ̍ᵻ 1:13

U̍h nyni̍-a wlɔ̀-ɛ, ja̍i̍ gbòju kɔn di̍i̍ u̍h tè-a i̍ se̍e̍-ɛ, dě u̍h mu̍. U̍h-u nɛ-a dě gbò-a chɛ̀-ɛ, Pitɛ ke, Chɔɔn ke, Chiin ke, Andlu ke, Felɔ ke, Tɔmɔ ke, Batalamio ke, Matio ke, Afia-a jǔ Chiin ke, Samo ɔ̀ fɔ̀n-a bloa̍-a tìh we̍-ɛ ke, ɛ̍ ke Chiin-a jǔ Juda ke.

Nu̍-dɛ̍ᵻ 16:12

Dǒ à sɔ-ɔ wɛ̀ à mu̍ dǒ Felepai, ɛ̀ nu̍-a Mɛsedonia fɔ̌-a sàǐtòò tùgbàwlɔ̀-ɛ. Wloma nyɔ̍ bo ùh kɔn-e wlu̍ i̍. Dǒ à sì wǐh gbɔ̍.

Nu̍-dɛ̍ᵻ 18:1

Ɛ̍ sì-a i̍-ɛ, wɛ̀ Pɔɔ sɔ dǒ Atɛn ɔ̍ mu̍ dǒ Kɔwlɛn wlɔ̀ di̍i̍.

Nu̍-dɛ̍ᵻ 18:12

Ti̍ Kadio nu̍-a Wloma nyɔ̍-a kɔ̀mla̍ dě Akaia fɔɔ-ɛ, dǒ Juu nyɔ̍ gbǎ-ɛ tàdùè iě u̍h gbɛ̍n Pɔɔ, wɛ̀ u̍h gba̍ ɔ̍ koti̍-i.

Nu̍-dɛ̍ᵻ 19:21

Ìh la i̍h wɔ̀-a nɛ-ɛɛ, wɛ̀ Pɔɔ po̍ tìh gbɔ̀ ɔ̍ iě Mɛsedonia ke Akaia fɔɔ jii, wɛ̀ ɔ̍ iě dǒ Juluslɛn mu̍. Ɔ̍ la̍a̍, “Pò ǐn nɛ Juluslɛn nɔ̀ɔ̍ wɛ̀-ɛ, nɛ̀ ǎn mu̍ dǒ Wlom nyni̍ ke gbɔ̀gbɔ̀.”

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

1 Tɛsoloniɔn 1:8

Tu̍owli ɛ̀ kɔ̍-a dǒ Joi pùn i̍ ɛ̀ sɔ-a dě mɔ̀ we̍-ɛ, ɛ̍ se̍ dě Mɛsedonia ke Akaia nɛ due mu̍, jɛ ɛ̍ sɛ̍ tà kli̍hgbɛ̍ i̍ wɛ̀ mɔ̀-a Nyɔsoa wlùh gbaɛ blě tìh. Sɔ nɛ̀ à se̍ dɛ̍ blě dɛ à iě bla̍.

1 Tɛsoloniɔn 4:10

Wɛ̀ kǎ ɛ̍ nɛ ke, mɔ̀ jbɛɛ de̍di̍i̍ᵻ kli̍hgbɛ̍ nɛ-a dě Mɛsedonia-a wɛ̀. Ɛ̍ tìh-ɛ, à de̍di̍i̍ᵻ, à ba̍le mɔ̀-ɛ, mɔ̀ iě ɛ̍ dluwe̍ i̍ gba̍ ma̍u̍.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

1 Pitɛ 5:3

Mɔ̀ bɔ̌ u̍h nyɔ̍ klaaᵻ dɛ̍ kɛ̍n i̍ nui-ɛ, jɛ mɔ̀ɔ̍ bo u̍h iě dɛ̍ i̍ blaɛ.