1 Tɛsoloniɔn 1:6 - Ku̍o̍ Delee 1999

⁶ Ɛ̍ kɔn mɔ̀-a sà-e à ke Joi-a wɔ̀ɔ̀ i̍. Mɔ̀ sàɛ̀ jua̍i̍ kaa̍ gbɛɛ, jɛ mɔ̀ gbɛ̍n tu̍owli la i̍ dǒ mɔna̍ ɛ̀ Nyɔsoa-a Sùù-a nyǐ-a nyɔ̍-ɛ we̍.

1 Tɛsoloniɔn 1:6 Iomraidhean Croise

Matio 16:24

Wɛ̀ ɔ̍ la̍a̍ dě ɔ̍ kòà we̍, “Pò nyɔ̍-o-nyɔ̍ ja pɔ̀n ɔ̍ iě dǒ ǐn de̍e̍ gbǎ-ɛ, nɛ̀ ɔ̍ tǎli ɔ̍ chɛ̀-a wlùh gbɛ̍n dɛ̍ᵻ i̍, ɔ̍ iě ɔ̍ naɛ gbàɛ̍ kɛ̍n i̍ tu̍-u dǔ, wɛ̀ ɔ̍ iě dǒ ǐn de̍e̍ gbǎ.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Nu̍-dɛ̍ᵻ 13:52

Iě mɔna̍ ke Nyɔsoa-a Sùù jǐi Jusu-a kòà laa̍ i̍ dǒ Antiɔ.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Nu̍-dɛ̍ᵻ 9:31

Sɔ chɔchi̍h nyɔ̍ kli̍hgbɛ̍ nɛ-a dě Judia ke, Kaladii ke Sɛmewlea bloa̍ kɛ̍n i̍-ɛ, u̍h-a wlùh tè i̍, wɛ̀ u̍h-a gbǐh-a gbǎ-e. Nɛ̀ ka u̍h-a ple̍-a Joi-a faɔn-ɛ, nɛ̀ kǎ Nyɔsoa-a Sùù-a gbǎ u̍h we̍. Iě u̍h ku̍ dɛ̍blɔ.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

1 Kɔwlɛntiɔn 11:1

Mɔ̀ sà-e ǎn wɔ̀ɔ̀ i̍, ka ǎn nu̍-ae Klai-a wɔ̀ɔ̀ i̍ sà-aɛ.

1 Kɔwlɛntiɔn 11:2

Ǎn po̍ mɔ̀ tìhwe̍, dɛ̍nu̍ɛ, mɔ̀-a blě-e ǎn tìh dǒ wlùh kɛ̍n te̍e̍, iě mɔ̀-a jě nǎ po̍ wlu̍ ǐn ja-a dě mɔ̀ we̍-ɛ dɛ̍ɛ̍.

1 Kɔwlɛntiɔn 4:16

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀ iě-e ǎn wɔ̀ɔ̀ i̍ sà.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

2 Kɔwlɛntiɔn 8:5

Iě u̍h nu̍ ɛ̀ la, ɛ̀ à se̍-a wlùh kɛ̍n tè-ɛ. Sàǐtòò-ɛ, u̍h nyǐ u̍h-a chɛ̀ Joi, wɛ̀ u̍h nyǐ u̍h-a chɛ̀ àɔ̀ ke ɛ̀ Nyɔsoa-a pɔ̀n-a u̍h iě-a nu̍-ɛ.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 5:1

Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Felepai 3:17

Ǐn de̍di̍i̍ᵻ, ǎn wɔ̀ɔ̀ bo mɔ̀ iě-e i̍ sà ma̍u̍. À sà wìè wɛ̀ dǒ mɔ̀ we̍. Nyɔ̍ ùh-a mu̍-a ɛ̍ gba̍-ɛ bo mɔ̀ iě dɛ̍ we̍ cheǎn-ɛ.

2 Tɛsoloniɔn 1:4

Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

2 Tɛsoloniɔn 3:7

Mɔ̀-a chɛ̀ juo ɛ̍ mɔ̀ kɔn mɔ̀ iě-e à wɔ̀ɔ̀ i̍ sà. Ti̍ à nɛ-a dě mɔ̀ we̍-ɛ, mɔ̀ jě àɔ̀, à se̍ flàn.

2 Tɛsoloniɔn 3:9

Ɛ̍ se̍-ɛ nɛ̀ à se̍ i̍ blaɛ à iě mɔ̀ wlì tè kai, jɛ à nu̍ ɛ̍ wɛ̀ ɛ̍ iě dě mɔ̀ jlǐh i̍ ju̍o̍e, wɛ̀ mɔ̀ iě-e à wɔ̀ɔ̀ i̍ sà.

2 Timote 4:2

Wɛ̀ ìè Nyɔsoa-a tu̍owli po̍, ɛ̍ jɛ nɛ nɔɔ i̍, iě ɛ̍ jɛ se̍ nɔɔ i̍ nɛ-ɛ, nɛ̌ ɛ̍ kɛ̍ɛ̍n ìè ɛ̍ bla̍. Nɛ̀ ìn wǐi u̍h dlǔ i̍, ìè u̍h wìè-e po̍. Nɛ̀ ìn fùka u̍h-a wlùh, ìè u̍h nǎ po̍ dǒ wlùh i̍ gbɛ̍n-ɛ we̍.

Iblu 10:34

Mɔ̀ jě nyɔ̍ ùh poe-a kasoo-ɛ wɔɛ. Mɔ̀-a kɔn-dɛ̍ᵻ ìh sà-ɛa mɔ̀ kwa̍a̍-ɛ i̍h-a tìh se̍ mɔ̀ kà di̍i̍ po̍. Dɛ̍nu̍ɛ, mɔ̀-a chɛ̀ juo ɛ̍-ɛ, mɔ̀ blě kɔn-dɛ̍ᵻ chɛ̀ jih se̍-a mǎ la̍ kɔn-ɛ.

1 Pitɛ 1:6

Ɛ̍ tìh-ɛ, mɔ̀ nu̍ mɔna̍. Nyɔ̍-se̍-juo kaka la̍ jua̍i̍ sàɛ̀-ɛ kaɛn kaɛn-a mu̍ mɔ̀ we̍ ji̍ dǒ ti̍ gbɔ̍ di̍i̍.

1 Pitɛ 1:8

Mɔ̀-ɔ se̍a ɔ̍ jě gbɛɛ, jɛ mɔ̀ jbɛɛ ɔ̍. Kaka la̍, mɔ̀-ɔ tba̍ ɔ̍ jlǐhɛ̍ gbɛɛ, jɛ mɔ̀ gbaɛ ɔ̍ wlùh. Ɛ̍ tìh-ɛ, mɔ̀-a nu̍ mɔna̍ ɛ̍ sìì-o dɛ̍ i̍.

1 Pitɛ 3:13

Pò mɔ̀-a wlùh ja jàjà nu̍ dɛ̍ chɛ̀ nu̍ tìh-ɛ, nɛ̀ nyɔ̍ mu̍ mɔ̀ dɛ̍ sɔ̀n pùn nu̍ ɛ?

3 Chɔɔn 1:11

Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.