1 Tɛsoloniɔn 1:5 - Ku̍o̍ Delee 1999

⁵ Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 1:5 Iomraidhean Croise

Pɔ̀n Chɛ̀ Maɛ To-a La 16:20

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Pɔ̀n Chɛ̀ Luu To-a La 1:1

Ǎn jbɛɛ nyɔ̍ Tiɔfelɔ, nyɔ̍ dɔu fɔ̀n dɛ̍ we̍ wɛ̀ u̍h chlǐh dɛ̍ᵻ ìh gbǎ-a dě à nynɛ̌ we̍-ɛ.

Nu̍-dɛ̍ᵻ 11:21

Sɔ Joi po̍ u̍h gbǐh we̍, wɛ̀ nyɔ̍ tlùgbei̍ blě wlùh gbaɛ-ɛ, iě u̍h fèàɛ̀ dě Joi we̍.

Nu̍-dɛ̍ᵻ 16:14

Nynɔ̌gbaɔᵻ ùh wɔ̌n-a à wlu̍ i̍ dě u̍h nynɛ̌-ɛ, u̍h-a due-a nynɛ̌ bo Ledia. Nǐnmɛ jlii̍ bo ìh nu̍ ɔ̍ naɛ ple̍-dɛ̍. Ɔ̍ sɔ dǒ Taɛtawla wlɔ̀ di̍i̍, iě ɔ̍ sà Nyɔsoa wɛɛ. Ɔ̍ kɔn wlùh bo Joi Nyɔsoa pɔ̀ni ɔ̍ iě Pɔɔ-a wlu̍ i̍ wɔ̌n.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 2:16

Weɛ̍ Nyɔsoa-a mu̍-a Jusu Klai-i jii-ɛ, dǒ ɛ̍ di̍i̍ bo ɔ̍ mu̍ nyi̍ɔ̍-a sìle dɛ̍ᵻá sàwi̍h sì-i. Kǎ pɔ̀n chɛ̀ ǎn bla̍-a dǎ.

1 Kɔwlɛntiɔn 1:24

Jɛ Juu nyɔ̍ ke juh se̍-a Juu Nyɔsoa-a dǎ-aɛ, nɛ̀ Klai bo ɔ̀ nu̍ Nyɔsoa-a gbǐh ke ɔ̍ flɔ̍nwlùh dǒ u̍h we̍.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

1 Kɔwlɛntiɔn 3:6

Mɔ̍ bo ɔ̀ tù dɛ̍, iě Apolo nyǐ ɛ̍ nǐ, jɛ nɛ̀ Nyɔsoa bo ɔ̀ nu̍ ɛ̍ wɛ̀ ɛ̍ ku̍.

1 Kɔwlɛntiɔn 4:20

Nyɔsoa-a kmɔ̌ wlu̍ i̍ kɔn-ɛ se̍ wlu-ɛ jbǎ, jɛ gbǐh nɛ-ɛ bo ɛ̍ kɔn dǒ we̍.

1 Kɔwlɛntiɔn 9:14

Kǎ ɛ̍ nɛ ke, nyɔ̍ ùh-a bla̍-a pɔ̀n chɛ̀-ɛ, Joi la̍ ɛ̍-ɛ bo u̍h iě dɛ̍ i̍ di̍-i.

2 Kɔwlɛntiɔn 3:6

Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 5:5

Àɔ̀ nɔ̀ɔ̍, dɛ̍ à tè-a wlì-ɛ, ɛ̍ nu̍ Nyɔsoa-a mu̍ à i̍ slɛ̌-nyɔ̍ we̍i̍ nu̍. Ɛ̍ kɔn à fuo ɛ̍ kɛ̍ɛ̍n dǒ wlùh gbaɛ we̍ dě Nyɔsoa-a Sùù-a gbǐh di̍i̍.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 3:20

Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Felepai 2:13

Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Felepai 4:9

Dɛ̍ᵻ mɔ̀ wɔ̌n-a iě mɔ̀ jě-a ǐn kwa̍a̍, wɛ̀ mɔ̀ cheǎn-ɛa ǐn we̍-ɛ, i̍h bo mɔ̀ iě nu̍, nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ mu̍ mɔ̀ we̍ nɛ.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

2 Tɛsoloniɔn 2:14

Ɛ̍ kɔn tìh bo ɔ̍ jii pɔ̀n chɛ̀ à ja-a dě mɔ̀ we̍-ɛ, iě ɔ̍ dǎ mɔ̀. Wɛ̀ mɔ̀ iě fɔ̌ kɔn dě à Joi Jusu Klai-a tìh-a i̍ bɛ̌-ɛ di̍i̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

2 Timote 2:8

Nu̍ Jusu Klai wlùh we̍. Depe-a tloemlai bo, iě ɔ̍ wlǔh-e. Ɛ̍-ɛ bo ɛ̀ nu̍ pɔ̀n chɛ̀ ǎn bla̍.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 6:11

Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 5:3

Mɔ̀ bɔ̌ u̍h nyɔ̍ klaaᵻ dɛ̍ kɛ̍n i̍ nui-ɛ, jɛ mɔ̀ɔ̍ bo u̍h iě dɛ̍ i̍ blaɛ.

2 Pitɛ 1:10

Ɛ̍ tìh-ɛ, ǐn de̍di̍i̍ᵻ mɔ̀ fɔ̀n dɛ̍ we̍ wɛ̀ Nyɔsoa-a mɔ̀-a chèɛ̀ tba̍-a ke ɔ̍ mɔ̀-a dǎ-a iě nǐ de̍e̍ i̍ wɛ̀. Pò mɔ̀ nu̍ la̍a̍n-ɛ, nɛ̀ mɔ̀ se̍ gba̍ tàmlain gbǎ-ɛ.

2 Pitɛ 1:19

Ɛ̍ tìh-ɛ, Nyɔsoa-a tu̍owli po̍ nyɔ̍-a wlu̍ bo à kui wlùh. Pò mɔ̀ tù ɛ̍ dounᵻɛ́, nɛ̀ mɔ̀-a nu̍ dɛ̍ chɛ̀. Dɛ̍nu̍ɛ, ɛ̍ wɔ̀ nape̍ ɛ̀ wa̍n-a dě kwile te̍e̍ wɛ̀ sɔ̀n-a sɛ̀n-aɛ ke chǔhtlɛ̀n ɛ̀ fa̍n-a sɔ̀nwɔ̍i̍n-ɛ dǒ mɔ̀ wlùh kɛ̍n.