1 Tɛsoloniɔn 1:10 - Ku̍o̍ Delee 1999

¹⁰ Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

1 Tɛsoloniɔn 1:10 Iomraidhean Croise

Matio 1:21

Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 3:7

Jɛ Chɔɔn jě Fɛlesii nyɔ̍ ke Sadiusii nyɔ̍ dɔu-a ji̍ dǒ ɔ̍ we̍ u̍h iě nǐ dlǔ po̍. Wɛ̀ ɔ̍ la̍a̍ dě u̍h we̍, “Mɔ̀ na̍a̍ mɔ̀ flɔn di̍i̍ i̍ kǎ mɔ̀ dǎ. Nyɔ̍ kàn gbɛ̍n-ɛ ɛ̀ Nyɔsoa-a mu̍-a dbo̍-ɛ, mɔ̀ jajeɛ̍ mɔ̀-a mu̍ ɛ̍ i̍ pǔh de ae?

Pɔ̀n Chɛ̀ Luu To-a La 2:25

Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Pɔ̀n Chɛ̀ Luu To-a La 3:7

Wɛ̀ ɔ̍ la̍a̍ dě nyɔ̍ dɔu ùh ji̍-a dě ɔ̍ we̍ ùh iě-a nǐ dlǔ po̍-ɛ we̍, “Mɔ̀ na̍a̍ mɔ̀ flɔn di̍i̍ i̍ kǎ mɔ̀ dǎ. Nyɔ̍ kàn gbɛ̍n-ɛ ɛ̀ Nyɔsoa-a mu̍-a dbo̍-ɛ, mɔ̀ jajeɛ̍ mɔ̀-a mu̍ ɛ̍ i̍ pǔh de ae?

Nu̍-dɛ̍ᵻ 1:11

Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”

Nu̍-dɛ̍ᵻ 17:31

Dɛ̍nu̍ɛ, ɔ̍ chɛ̍n weɛ̍ wɛ̀ ɔ̍ iě kmɔ̌-a tìh wlu̍ kɛ̍n po̍ i̍ slɛ̌-ɛ ka dě nyɔ̍ ɔ̍ tba̍-a chèɛ̀-ɛ ja̍a̍. Ɔ̍ flɔn-ɛ ɛ̍ we̍i̍ dě nyɔ̍gbei we̍, ɛ̍ kɔn nyɔ̍ ɔ̍ tba̍-a chèɛ̀-ɛ ɔ̍ mɛ̌-aɛ, wɛ̀ ɔ̍ sà ɔ̍-e.”

Nu̍-dɛ̍ᵻ 2:24

Jɛ Nyɔsoa sà ɔ̍-e. Ɔ̍ sèìe ɔ̍ dě mɛ̌ɛ-a nyɔ̍ i̍ poa-a gbɛɛ̍ di̍i̍. Dɛ̍nu̍ɛ, mɛ̌ɛ se̍ ɔ̍ i̍ gbɛ̍n-ɛ bɛ̌ɛ.

Nu̍-dɛ̍ᵻ 2:32

Jusu-a taǐn laa̍ bo Nyɔsoa sà-e, wɛ̀ à kli̍hgbɛ̍ à nu̍ sàànsi̍i̍h dǒ ɛ̍ we̍.

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 3:21

Jɛ ɔ̍ mu̍ dě ja̍i̍wlɔ̀ nɛ ke̍ te̍e̍ wɛ̀ dɛ̍ᵻ kli̍hgbɛ̍-a delee i̍ gbǎ ti̍ iě-o nyni̍. Ɛ̍ kɔn dela̍ bo Nyɔsoa po̍ tɛin se̍e̍ dě ɔ̍ tu̍owli po̍ nyɔ̍ ja̍a̍.

Nu̍-dɛ̍ᵻ 4:10

nɛ̀ mɔ̀ juo ɛ̍, nɛ̀ Eslɔɛ nyɔ̍ kli̍hgbɛ̍ juo ɛ̍ ke, ka Jusu Klai ɔ̀ sɔ-a dǒ Naaslɔɛ-ɛ, ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo Nyɔsoa sà-e. Dǒ ɔ̍ nynɛ̌ kɛ̍n bo jɔ̍gbau nyna-a i̍ da̍a mɔ̀ jǔ-ɛ ɔ̍ pǔh-i.

Wloma 1:4

Ti̍ Klai mɛ̌-aɛ, Nyɔsoa-a Sùù flɔn-ɛ ɛ̍ we̍i̍ ka ɔ̍ wlǔh-ae wɛ̀ ɔ̍ nu̍-a Nyɔsoa-a Jǔ ɔ̍ blě-a gbǐh-ɛ.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

1 Kɔwlɛntiɔn 1:7

Ɛ̍ kɔn mɔ̀ se̍ Nyɔsoa-a nyǐ-dɛ̍ᵻá dɛ̍-o-dɛ̍ pɔ̀ dě mɔ̀-a à Joi Jusu Klai kɛ̍ɛ̍n fuo-ɛ di̍i̍ dǒ ɔ̍ de̍ ji̍ la̍.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Felepai 3:20

Jɛ àɔ̀ nɔ̀ɔ̍-ɛ, dě ja̍i̍wlɔ̀ bo ɛ̀ nu̍ à blǐ. Ɛ̍ kɔn à po̍-e gbǐh, iě à chlì à Sèìe Nyɔ̍ we̍ i̍ ɔ̍ iě dě ja̍i̍wlɔ̀ sɔ ɔ̍ iě ji̍, ɔ̀ nu̍-a Joi Jusu Klai-ɛ.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

1 Tɛsoloniɔn 1:7

Ɛ̍ tìh-ɛ, mɔ̀ɔ̍ bo à blaɛ ka dɛ̍ i̍ dǒ wlùh gbaɛ blě nyɔ̍ kli̍hgbɛ̍ ùh nɛ-a dě Mɛsedonia ke Akaia fɔɔ-ɛ we̍.

1 Tɛsoloniɔn 2:16

Tu̍owli à po̍-a dě ùh se̍-a Juu nyɔ̍-ɛ we̍ u̍h iě-a pǔh-ɛ, u̍h se̍ pɔ̀n à iě i̍h po̍. Ɛ̀ u̍h-a nu̍-aɛ, nɛ̀ u̍h-a chɛ̀-a gblɛ̍n sɔ̀ɛ̀n bo u̍h-a jǐi dlǔ ti̍ kli̍hgbɛ̍ we̍. Jɛ Nyɔsoa bɔ̌ɛ u̍h jlu̍h po̍-eɛ.

1 Tɛsoloniɔn 2:7

Ka à nu̍-a Klai-a gba̍tòà-ɛ, à kɔn à iě mɔ̀ dɛ̍ jbǎ-ɛa chɛ̀ de. Jɛ ti̍ à nɛ-a dě mɔ̀ we̍-ɛ, nɛ̀ à gbɛ̍n gba̍n ka gbàɔ̀n nynɔ̌-a gbɛ̀n dǒ ɔ̍ nynuu̍ we̍ i̍-ɛ.

1 Tɛsoloniɔn 5:9

Dɛ̍nu̍ɛ, Nyɔsoa se̍ à chèɛ̀ tba̍ ɔ̍ iě à jlu̍h-u gbǎ-ɛ, jɛ ɔ̍ iě à pǔh-i dě à Joi Jusu Klai ja̍a̍ dɛbo.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 10:27

Jɛ nɛ̀ dɛ̍ sie-ao wɛ̀ sǔh-ɛ, ɛ̍ nu̍ faɔn ple̍-ɛ dǒ sàwi̍h sì-ɛ ke nɛ̍ jojǒ ɛ̀ mu̍-a nyɔ̍ ùh faɛn-a Nyɔsoa-a fɔ̍n-ɛ we̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

2 Pitɛ 3:12

Ka ja̍u̍n-a mu̍-a la̍ si̍n dǒ Joi-a ji̍-i weɛ̍ di̍i̍ wɛ̀ ɛ̍ di̍i̍ i̍ dɛ̍ᵻ iě-a wlɔ̍ dǒ fuun we̍-ɛ, nɛ̀ mɔ̀ɔ̍ ùh-a fuo-a weɛ̍ laa̍ ɛ̍ ji̍-ɛ kɛ̍ɛ̍n-ɛ, mɔ̀ fɔ̀n dɛ̍ we̍ wɛ̀ ɛ̍ iě tèwe.

2 Pitɛ 3:14

Ɛ̍ tìh-ɛ, ǎn tìh kma nyɔ̍, ka mɔ̀-a fuo-a weɛ̍ la kɛ̍ɛ̍n-ɛ, mɔ̀ fɔ̀n dɛ̍ we̍ mɔ̀-a nynɛ̌-ɛ je̍e kɔ̌, mɔ̀ɔ̍ je̍e nɛi̍ nɛ, wɛ̀ wlùh-a i̍ tè-ɛ iě dǒ ɔ̍ ke mɔ̀ nynɛ̌ nɛ.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.